I̱ñu̱ millón na̱ yiví ni̱xi̱ʼi̱ xíʼin kue̱ʼe̱ COVID. ¿Ndáaña káʼa̱n Biblia xa̱ʼa̱ ña̱yóʼo?

Na̱ Organización Mundial de la Salud (OMS), ni̱ka̱ʼa̱nna ña̱ nani tá ki̱xáʼa kue̱ʼe̱ COVID-19 iinsaá nda̱a̱ 23 tí mayo ña̱ ku̱i̱ya̱ 2022, xa̱a̱ yáʼaka 6 millón kúú na̱ yiví ni̱xi̱ʼi̱ xíʼin ña̱yóʼo. Soo, tá 5 tí mayo ña̱ ku̱i̱ya̱ 2022, ni̱ka̱ʼa̱nna ña̱ sana ku̱a̱ʼáníkava kúú na̱ ni̱xi̱ʼi̱. Ta ni̱ka̱ʼa̱nna ña̱ tá ku̱i̱ya̱ 2020 xíʼin 2021, “na̱ ni̱xi̱ʼi̱ xíʼin pandemia ña̱ COVID-19 sana xi̱kuuna kúyatin 15 millón”. ¿Ndáaña káʼa̱n Biblia xa̱ʼa̱ tu̱ndóʼo ña̱ ndeéní yóʼo?

Biblia ni̱ka̱ʼa̱nña ña̱ koo kue̱ʼe̱ ña̱ ndeéní

•  Biblia káʼa̱nña xa̱ʼa̱ tiempo ña̱ ndóoyó vitin ña̱ kúúña “ki̱vi̱ nu̱ú ndíʼi”. Ta̱ Jesús ni̱ka̱ʼa̱nra ña̱ tiempo yóʼo kooní “kue̱ʼe̱ ña̱ ndeéní” (2 Timoteo 3:1; Lucas 21:11, Traducción en lenguaje actual).

Ña̱ ni̱ka̱ʼa̱n ta̱ Jesús xínuña tiempo vitin. Ña̱ va̱ʼa kunda̱a̱ka-iniún xa̱ʼa̱ ña̱yóʼo, kaʼvi artículo ña̱ naní: “¿Cuál es la señal de ‘los últimos días’ o ‘los tiempos finales’?”.

Ña̱ káʼa̱n Biblia sándi̱koña-iniyó

•  “Ndióxi̱ [...] sándi̱ko-iniyó nu̱ú ndiʼi tu̱ndóʼo ña̱ yáʼayó nu̱ú” (2 Corintios 1:3, 4).

Tá ni̱xi̱ʼi̱ iin na̱ táʼún, ña̱ káʼa̱n Biblia va̱ʼaní chindeétáʼanña xíʼún. Va̱ʼa kaʼviún artículo ña̱ naní “¿Ndáaña kivi chindeétáʼan xíʼinndó tá ni̱xi̱ʼi̱ iin na̱ veʼendó?: Ña̱ kivi keʼéndó” ta saátu ña̱ naní “Ña̱ va̱ʼaníka chindeétáʼan xíʼinndó tá xóʼvi̱ndó xa̱ʼa̱ ña̱ ni̱xi̱ʼi̱ iin na̱ veʼendó”.

Biblia káʼa̱nña xíʼinyó ndáaña kuu

•  “Ná kixaa̱ ki̱vi̱ ña̱ kaʼndachíñún. Ná koo ña̱ kúni̱ miíún, táki̱ʼva íyo chí ndiví, saá ná koo nu̱ú ñuʼú yóʼo” (Mateo 6:10).

Ndáa loʼoní kúma̱ní ña̱ kaʼndachíñu “Reino Ndióxi̱” ta xi̱nu ña̱yóʼo: “Ni iin na̱ kundoo kán va̱ása ka̱ʼa̱nkana: ‘Kue̱ʼe̱ kúúmiíi̱’” (Marcos 1:14, 15; Isaías 33:24). Ña̱ va̱ʼa kunda̱a̱ka-iniún xa̱ʼa̱ Reino yóʼo, koto video ña̱ naní ¿Ndáa ki̱ʼva kaʼndachíñu Ndióxi̱?

Kúni̱ndi̱ ña̱ ná sakúaʼakaún xa̱ʼa̱ Biblia ña̱ va̱ʼa ndani̱ʼún consejo ña̱ kivi chindeétáʼan xíʼún ta saátu xíʼin na̱ veʼún ta ku̱nda̱a̱tu-inindó xa̱ʼa̱ ña̱ liviní koo chí nu̱únínu.