¿Á íyo iin ña̱ kivi chindeétáʼan xíʼinyó ti̱xin ña̱ ku̱i̱ya̱ 2024? | ¿Ndáaña káʼa̱n Biblia xa̱ʼa̱ ña̱yóʼo?

Ku̱a̱ʼánína túvina ña̱ kǒo ña̱ kivi chindeétáʼan xíʼinna ña̱ ya̱ʼana nu̱ú tu̱ndóʼo ña̱ kúúmiína ña̱ ku̱i̱ya̱ 2024. Soo ni saá, íyo ña̱ kivi chindeétáʼan xíʼinyó. ¿Ndáa míí kivi ndani̱ʼíyóña?

Biblia káʼa̱nña xíʼinyó xa̱ʼa̱ ña̱ koo chí nu̱únínu

Biblia káʼa̱nña xíʼinyó ña̱ mií Ndióxi̱ kúú ta kivi sandíʼi-xa̱ʼa̱ ndiʼi tu̱ndóʼo ña̱ túviyó kǒo kuchiñuyó xíʼin. Si̱lóʼoní kúma̱ní ta mií Ndióxi̱: “Ndaya̱kúnra ti̱kui̱í nu̱úna, ta va̱ása kuvikana, ni va̱ása kusuchíka-inina, ni va̱ása kuakukana, ni va̱ása xo̱ʼvi̱kana” (Apocalipsis 21:4).

Ña̱ va̱ʼa kunda̱a̱ka-iniún ña̱ káʼa̱n Biblia xa̱ʼa̱ ña̱ koo chí nu̱únínu káʼvi artículo ña̱ naní “La esperanza real de un mañana mejor”.

¿Ndáa ki̱ʼva kivi chindeétáʼan Biblia xíʼinyó vitin?

Tá ndákava-iniún, ña̱ káʼa̱n Biblia xa̱ʼa̱ ña̱ koo chí nu̱únínu kivi chindeétáʼanña xíʼún ña̱ ya̱ʼún nu̱ú ña̱yóʼo, ta saátu chindeétáʼanña xíʼún ña̱ vií koo ña̱ ndakanixi̱níún xa̱ʼa̱ ña̱ koo chí nu̱únínu (Romanos 15:13). Consejo ña̱ va̱xi nu̱ú Biblia kivi chindeétáʼanña xíʼún ña̱ ya̱ʼún nu̱ú tu̱ndóʼo ña̱ kúúmiíún vitin, tá kúú: tá kúma̱ní ña̱ʼa nu̱úyó, tá va̱ása vií kéʼéna xíʼinyó á tá kúúmiíyó kue̱ʼe̱.

Ni ndáʼviní ni̱xi̱yo na̱ veʼe iin ta̱ ta̱a, koto ndáa ki̱ʼva chindeétáʼan ña̱ káʼa̱n Biblia xa̱ʼa̱ ña̱ koo chí nu̱únínu xíʼinra ña̱ va̱ʼa kunira ta kusi̱í-inira. Koto video ña̱ naní Ta̱ Juan Pablo Zermeño: Tíxa̱ʼvi Jehová ki̱xáʼa kúsi̱í tuku inii̱.
Koto ndáa ki̱ʼva kivi chindeétáʼan Biblia xíʼún ña̱ ya̱ʼún nu̱ú tu̱ndóʼo tá kúú ña̱ va̱ása va̱ʼa kúniún xíʼin miíún, ña̱ ndíʼi̱ní-iniún á tá ni̱xi̱ʼi̱ iin na̱ veʼún. Kaʼvi artículo ña̱ naní “¿Puedo encontrar consuelo en la Biblia?”
Koto ndáa ki̱ʼva chindeétáʼan ña̱ káʼa̱n Biblia xa̱ʼa̱ ña̱ koo chí nu̱únínu xíʼin iin ñá xi̱kuu soldado ta va̱ása níxiku̱ʼvi̱-iniñá xi̱xiniñá inkana. Koto video ña̱ naní “Cambié las armas por la Biblia”.

Chika̱a̱ ndeé ña̱ va̱ʼa miíún xíʼin na̱ veʼún vií koondó ña̱ ku̱i̱ya̱ 2024. Koto ndáa ki̱ʼva sánáʼa̱ndi̱ na̱ yiví xa̱ʼa̱ tu̱ʼun Ndióxi̱. Koto ndáa ki̱ʼva sándi̱ko Ndióxi̱ iniún vitin, ta ndáaña káʼa̱nra taxira ndaʼún chí nu̱únínu (Jeremías 29:11).