Guerra | ¿Ndáaña keʼé Reino Ndióxi̱?

Íyoní Guerra nu̱ú iníísaá ñuyǐví ta sáxo̱ʼvi̱ña ku̱a̱ʼání na̱ yiví xa̱ʼa̱ ña̱kán ku̱a̱ʼánína ndóʼo-inina. koto ña̱ ka̱ʼa̱nna xa̱ʼa̱ Guerra:

• “Tá ku̱i̱ya̱ ni̱ya̱ʼa, ku̱a̱ʼánína ni̱xi̱ʼi̱ nu̱ú guerra, ta kúú ña̱ ku̱u chí Etiopía xíʼin Ucrania, ta nda̱a̱ tá ku̱i̱ya̱ 1994 ta̱ʼán kuu ña̱yóʼo (Instituto de Investigación para la Paz de Oslo, 7 tí junio ku̱i̱ya̱ 2023).

• “Su̱ví iinlá guerra ña̱ Ucrania kúú ña̱ ndu̱ndeé tá ku̱i̱ya̱ 2022. Nu̱ú iníísaá ñuyǐví ki̱ʼva 27% ndeéka íyo ku̱a̱chi ta xa̱ʼa̱ ña̱yóʼo 1,700 millón na̱ yiví ni̱xo̱ʼvi̱” (Proyecto de Datos de Localización y Eventos de Conflictos Armados [ACLED], 8 tí febrero ku̱i̱ya̱ 2023).

Biblia káʼa̱nña xíʼinyó ña̱ kundatuyó kuu ña̱ va̱ʼa. Saáchi káchiña “Ndióxi̱ ta̱ íyo chí ndiví” chindúʼúra iin Reino ña̱ va̱ása ndiʼi-xa̱ʼa̱ (Daniel 2:44). Tá ná keʼé Ndióxi̱ ña̱yóʼo sandíʼi-xa̱ʼa̱ra ndiʼi tu̱ndóʼo ña̱ íyo nu̱ú iníísaá ñuyǐví (Salmo 46:9).