Na̱ chíñu na̱ kǒo kéʼé ña̱ nda̱kú | ¿Ndáaña keʼé Reino Ndióxi̱?

Na̱ yiví kǒo kándíxaka̱na na̱ chíñu chi na̱yóʼo va̱ása nda̱kú káchíñuna, kúni̱na kundiku̱nna iin na̱ chíñu na̱ nda̱kúní káchíñu. Iin encuesta ña̱ ke̱ʼéna xíʼin ku̱a̱ʼání ñuu náʼnu tá ku̱i̱ya̱ 2023, ku̱a̱ʼání na̱ yiví ni̱ka̱ʼa̱nna ña̱ kǒo kándíxakana na̱ chíñu.a

Biblia káʼa̱nña xa̱ʼa̱ iin gobierno á iin ta̱ kuniʼi yichi̱ nu̱úyó ta̱ ta̱yóʼo nda̱kúní kachíñura ta kivi kandíxayóra. Gobierno yóʼo kúú Reino Ndióxi̱ ta ta̱ kuniʼi yichi̱ nu̱úyó kúú Jesucristo (Isaías 9:7).

Táta Jesús xa̱a̱ ku̱a̱ʼání tiempo ni̱na̱ʼa̱ra ña̱ ndixaaní ndíʼi̱-inira xa̱ʼa̱ na̱ yiví (Mateo 9:35, 36). Ta̱yóʼo ku̱a̱ʼání ña̱ va̱ʼa taxira ndaʼa̱ na̱ kándíxa miíra ña̱ kúúra Rey ta̱ nda̱kaxin Ndióxi̱ (Salmo 72:12-14).