သတင်းကောင်းဝေငှခြင်း​—မကြာခဏအမှုဆောင်သောရပ်ကွက်တွင် မဂ္ဂဇင်းများဖြင့်

^၁ တမန်တော် ၈:၂၅ တွင် ပေတရုနှင့်ယောဟန်သည် ရှမာရိနယ်တွင် စေ့ငစွာသက်သေခံပြီး “ရွာများတို့၌လည်း သတင်းကောင်းကိုဟောပြော” သည်ဟုဆိုသည်။ ယနေ့လည်း ကျွန်ုပ်တို့အသင်းတော်ရပ်ကွက်တွင် စေ့ငစွာသက်သေခံရန် ဝီရိယစိုက်ထုတ်သင့်သည်။

^၂ ကြေညာသူအရေအတွက် အလျင်အမြန်တိုးများလာနေသဖြင့် အသင်းတော်အမြောက်အမြားသည် ရပ်ကွက်တွင်ထပ်ခါတလဲပြန်အမှုဆောင်နေကြသည်။ မကြာခဏပြန်ပတ်ရသည့်ရပ်ကွက်သို့သွားရသဖြင့် အစတွင်အပြုသဘောမရှိစိတ်ထားများပေါ်မည်ဖြစ်သော်လည်း ယင်းသို့မဖြစ်သင့်။ ကင်းမျှော်စင် နှင့် နိုးလော့ အသစ်ထွက်လာတိုင်း စိတ်ဝင်စားစရာအကြောင်းသစ်များကို ရပ်ကွက်သားတို့အား တင်ဆက်ပေးနိုင်ပါသည်။ ထို့ပြင် ရပ်ကွက်၌မကြာခဏအမှုဆောင်ခွင့်ရ၍ တစ်အိမ်စီတွင် အချိန်ပိုယူပြီးဟောပြောခွင့်ရရှိကြပါသည်။

လူတို့နှင့်အပြန်အလှန်ပြော

^၃ ကျွန်ုပ်တို့ရပ်ကွက်တွင်နှံ့စပ်ပြီး မဂ္ဂဇင်းများကို များများဝေငှနိုင်ရန် မဂ္ဂဇင်းတင်ဆက်နည်းတိုများကို အသုံးပြုခဲ့ကြပြီ။ သို့ရာတွင် မကြာခဏပြန်ရောက်သည့်ရပ်ကွက်တို့တွင် ကြေညာသူများသည် အိမ်ရှင်နှင့်အချိန်များစွာယူ၍သက်သေခံသင့်သည်။ ငယ်ရွယ်သူများပင်လျှင် ဆောင်းပါးတစ်ခုကို အဘယ်ကြောင့်စိတ်ဝင်စားခဲ့ကြောင်း တိုးချဲ့ပြောပြနိုင်ပါသည်။ မည်သို့ပြုလုပ်နိုင်မည်နည်း။ မဂ္ဂဇင်းများပါအကြောင်းများကို ကောင်းစွာသိရှိထားရန် အလွန်အရေးကြီးသည်။ ယင်းအတွက် အချိန်နှင့်ကြိုတင်စဉ်းစားမှုရှိရန်လိုသည်။ မဂ္ဂဇင်းများလေ့လာသည့်အခါ သင့်ရပ်ကွက်ရှိသူတို့ အဘယ်အကြောင်းကိုနှစ်သက်မည်အကြောင်း စဉ်းစားသုံးသပ်ပါ။ ထိုနောက် အမှုဆောင်မထွက်မီ မဂ္ဂဇင်းများကိုပြန်ကြည့်ပြီး သင်တင်ပြမည့်ခေါင်းစဉ်များကို ရွေးချယ်ပါ။ အခြေအနေအမျိုးမျိုးအောက်တွင် မည်သည့်ဆောင်းပါးကိုတင်ပြမည်အကြောင်းစဉ်းစားပါ။ မဂ္ဂဇင်းပါအကြောင်းကောင်းတစ်ခုကို သင့်နိဒါန်းတွင် အဓိကအချက်အနေနှင့်အသုံးပြုပါ။ အိမ်ရှင်၏သဘောထားကို ခင်မင်စွာအပြန်အလှန်စကားပြောဆိုခြင်းဖြင့် သိရှိရန်ကြိုးစားပါ။ စိတ်ဝင်စားမှုတင်ပြလျှင် မဂ္ဂဇင်းကိုဝေငှနိုင်ပါမည်။

^၄ သူတို့တင်ပြသည့်စိတ်ဝင်စားမှုကိုသတိပြုရန် အမြဲနိုးကြားနေပါ။ ပြန်လည်ပတ်မှုများကို ချက်ချင်းမပျက်မကွက်ပြုလုပ်ရန် စိတ်ဝင်စားနေပါ။ မှန်သည်။ စာအုပ်စာတမ်းယူထားမည်၊ သတင်းတရားကိုစိတ်ဝင်စားမှုတင်ပြမည်ဆိုလျှင် ပြန်လည်ပတ်မှုပြုလုပ်ပါ။

ကျွန်ုပ်တို့ရည်ရွယ်ချက်ကို စိတ်စွဲလမ်းထား

^၅ တစ်အိမ်မှတစ်အိမ် ကျွန်ုပ်တို့သွားရခြင်းရည်ရွယ်ချက်မှာ မဂ္ဂဇင်းသို့မဟုတ်စာအုပ်ပေါင်းမည်မျှဝေငှနိုင်ခြင်းကြောင့်မဟုတ်ပါ။ သမ္မာတရားဆိုင်ရာမှန်သောအသိပညာရရှိရန် သူတစ်ပါးကိုကူညီပေးလိုခြင်းကြောင့်ဖြစ်သည်။ ပေတရုနှင့်ယောဟန်တို့သည် ရှမာရိအမျိုးသားတို့အား ယေဟောဝါ၏နှုတ်ကပါဌ်တော်ကို စေ့ငစွာဟောပြောသွန်သင်ခဲ့သည်။ ကျွန်ုပ်တို့ရပ်ကွက်ရှိသူတို့သည် သမ္မာတရားကိုသိရှိလာရန် လိုအပ်သောအချိန်ကို ထပ်တူပင်ကျွန်ုပ်တို့အသုံးပြုလိုကြပါသည်။

^၆ မဂ္ဂဇင်းများကို အပြန်အလှန်စကားအတွက် အခြေခံအနေနှင့် ထိရောက်စွာအသုံးပြုခြင်းအားဖြင့် ဤရည်ရွယ်ချက်ကို ဖြည့်စွက်ပေးနိုင်ပါလိမ့်မည်။ သတင်းကောင်း၏ “နက်နဲသောအရာကို ဖော်ပြခြင်းငှာ ငါသည်နှုတ်ကိုရဲရင့်စွာဖွင့်လှစ်ခြင်းအခွင့်ရှိမည်အကြောင်း” ကိုယ်ကိုယ်တိုင်နှင့်သူတစ်ပါးအတွက် ဆုတောင်းသင့်သည်။​—ဧ၊ ၆:၁၈-၂၀။