သတင်းကောင်းဝေငှခြင်း​—တိုက်ရိုက်ချဉ်းကပ်နည်းဖြင့် သင်အံမှုများစခြင်း

^၁ “တပည့်ဖြစ်စေ” ရန်ယေရှုမိန့်မှာထားတော်မူသည်။ (မ၊ ၂၈:၁၉) ယင်းသို့ပြုရန် စိတ်ဝင်စားသူများနှင့် ကျမ်းစာသင်အံမှုများစပေးဖို့လိုသည်။ တစ်အိမ်မှတစ်အိမ်ဓမ္မအမှုတွင် တိုက်ရိုက်ချဉ်းကပ်နည်းဖြင့် ကျမ်းစာသင်အံမှုများ ချက်ချင်းစနိုင်သည်။ လည်ပတ်ရခြင်း အဓိကရည်ရွယ်ချက်ကိုလည်း ထင်ရှားစေသည်။

^၂ ကျမ်းစာသင်အံမှုစရန် တိုက်ရိုက်နည်းအသုံးပြုရာတွင် ဘာပြောနိုင်သနည်း။ ရိုးရိုးပြောခြင်းက အကောင်းဆုံးပါ။ ပြောနိုင်သည်ကား “ကျမ်းစာကိုလူတွေနားလည်ကြဖို့ ကျွန်ုပ်စိတ်ဝင်စားတဲ့အတွက် ကုန်ကျစရိတ်လုံးဝမရှိဘဲ သင်တို့အိမ်မှာ မိသားစုနှင့်လေ့လာပေးလိုတယ်။ သင့်ကျမ်းစာအုပ်ကိုပဲအသုံးပြုမယ်။ မရှိလျှင် ရှာပေးခဲ့မယ်” ဟူ၍ဖြစ်သည်။

^၃ အခြားနည်းကား “ယနေ့ကျွန်ုပ်ရောက်လာရခြင်းက အိမ်တွင်းကျမ်းစာလေ့လာမှုကိုအားပေးဖို့ဖြစ်တယ်။ ဒီကမ္ဘာကြီးဘယ်နေရာကိုဦးတည်နေပြီး ကျွန်ုပ်တို့အတွက် ဘုရားဘာပြင်ဆင်ထားတဲ့အကြောင်းသိလာမယ်။ သင့်ကျမ်းစာမှ အကျိုးအများဆုံးဘယ်လိုရနိုင်မယ်ဆိုတာ ပြချင်တယ်။ သင့်အတွက် ဘာတာဝန်မှမရှိဘူး။ ငွေကုန်ကျစရာလည်းမလိုဘူး။” အိမ်ရှင်သဘောတူလျှင် ကမ္ဘာသစ်တွင် ငြိမ်းချမ်းသောအသက်တာ၊ သို့မဟုတ် “ကြည့်ရှုလော့၊ ငါသည်ခပ်သိမ်းသောအရာတို့ကိုအသစ်ဖန်ဆင်းသည်” သို့မဟုတ် အင်္ဂလိပ်ဖြင့် Creation စာအုပ်ကိုအသုံးပြုနိုင်သည်။ ယင်းစာအုပ်၏စာမျက်နှာ ၂၃၄ အပိုဒ် ၆ မှစတင်လေ့လာနိုင်သည်။ ဤအခန်း၏အစတွင် ပရဒိသုကိုပြန်လည်တည်ထောင်ပေးရန် ယေဟောဝါ၏ကတိတော်ဖော်ပြထား၏။

^၄ ကျမ်းစာဝေစာများကိုအသုံးပြု။ တိုက်ရိုက်ချဉ်းကပ်နည်းကိုအသုံးပြုရာတွင် ဝေစာများအသုံးဝင်ကြောင်းတွေ့ရှိမည်။ အိမ်ရှင်တံခါးလာဖွင့်သည့်အခါ ကမ္ဘာသစ်တွင် ငြိမ်းချမ်းသောအသက်တာ ပါရုပ်ပုံအပြည့်ကိုမြင်စေရန် ဖွင့်ပြပေးပါ။ အခြားဝေစာတစ်ခုကို သင့်လက်ထဲကိုင်ထား၍ ပထမအပိုဒ်နှစ်ပိုဒ်ပါမေးခွန်းများကိုဖတ်လိုက်ပါ။ အဖြေများကိုဆွေးနွေးပြီး ထောက်ခံသည့်ကျမ်းချက် တစ်ခုနှစ်ခုဖတ်ပြပါ။ ထိုနောက် ဤသို့ဆွေးနွေးလိုက်ရသဖြင့် သင်ဝမ်းသာကြောင်း၊ နောက်တစ်ကြိမ်ပြန်လာလိုကြောင်း ပြောပြပါ။ သင့်တော်လျှင် အခမဲ့ကျမ်းစာသင်တန်းပေးအစီအစဉ်အကြောင်း အတိုချုပ်ပြောပြပါ။ သို့မဟုတ် ပြန်လာမည့်နေ့ရက်အချိန်ကိုသာစီစဉ်၍ ဝေစာကိုဆက်ဆွေးနွေးပါ။

^၅ ပြန်လာရန်စီစဉ်သည်တွင် အိမ်ရှင်စိတ်ဝင်စားမည်ထင်သည့် အကြောင်းတစ်ခုကိုပြောထားလျှင်ကောင်းမည်။ ယင်းကိုမေးခွန်းပုံစံဖြင့်တင်ပြနိုင်သည်။ ထိုမေးခွန်းကို သင်ဖြေဆိုပေးမည့် နောက်တစ်ကြိမ်လည်ပတ်မှုကို အိမ်ရှင်စောင့်မျှော်နေစရာဖြစ်စေမည်။

^၆ Creation စာအုပ်သည် ထူးခြားသောစာအုပ်ဖြစ်သည်။ ဘုရားသခင်တည်ရှိတော်မူကြောင်းကို ခိုင်လုံသောသာဓကများတင်ပြပေးထားသည်။ ဆင့်ကဲအယူအဘယ်ကြောင့်မမှန်နိုင်ကြောင်း တင်ပြသည်။ ဘုရားသခင်၏နှုတ်ကပါဌ်တော်အဖြစ် သမ္မာကျမ်းစာကိုအဘယ်ကြောင့်စိတ်ချနိုင်ကြောင်းတင်ပြသည်။ အခန်း ၁၈ နှင့် ၁၉ တို့က စိတ်နှလုံးရိုးဖြောင့်သူတို့အာရုံကိုဆွဲဆောင်ပြီး သမ္မာကျမ်းစာနှင့်ယေဟောဝါ၏ရည်ရွယ်တော်မူချက်များကို စိတ်ဝင်စားစေမည်။ ယင်းကြောင့် သင်အံမှုများစနိုင်ပြီး “တပည့်ဖြစ်စေ” ခြင်းလုပ်ငန်းတွင်ပါဝင်ကြရန် အခွင့်အရေးတိုင်းကိုယူကြစို့။​—မ၊ ၂၄:၁၄။ ၁၈:၁၉၊ ၂၀။ မာ၊ ၁၃:၁၀။