မဂ္ဂဇင်းများနှင့်ပတ်သက်၍ ပြောဆိုရမည့်စကားများ
ကင်းမျှော်စင် စက်. ၁၅
“ကမ္ဘာတစ်ဝန်းမှာရှိတဲ့လူတွေဟာ ယေရှုခရစ်အကြောင်း ကြားဖူးကြတယ်။ တချို့က ကိုယ်တော်ဟာ ထူးခြားတဲ့ပုဂ္ဂိုလ်တစ်ဦးသာဖြစ်တယ်လို့ ပြောကြတယ်။ တချို့ကတော့ ကိုယ်တော်ကို အနန္တတန်ခိုးရှင် ဘုရားသခင်အဖြစ် ကိုးကွယ်ကြတယ်။ ယေရှုခရစ်ဟာ ဘယ်လိုပုဂ္ဂိုလ်ဖြစ်တယ်လို့ မိတ်ဆွေထင်သလဲ။ [တုံ့ပြန်မှုကိုစောင့်ပါ။] ကိုယ်တော်ဟာ မည်သူမည်ဝါဖြစ်တယ်၊ ဘယ်နေရာကကြွလာတယ်၊ အခု ကိုယ်တော် ဘယ်နေရာမှာရှိတယ်ဆိုတာကို ဒီမဂ္ဂဇင်းက အတိအကျရှင်းပြတယ်။” ယောဟန် ၁၇:၃ ကိုဖတ်ပါ။
နိုးလော့! အောက်. ၈
“အသက်ရှင်ခဲ့တဲ့ ဘယ်လူသားထက်မဆို ယေရှုခရစ်ကို လူသိပိုများပေမဲ့ များစွာသောသူတို့ဟာ ကိုယ်တော် အမှန်တကယ် ဘယ်သူဖြစ်တယ်ဆိုတာကို သိချင်ကြတယ်။ ယေရှုရဲ့တမန်တော်များတောင် အဲဒါနဲ့ပတ်သက်ပြီး ဆင်ခြင်သုံးသပ်ခဲ့ကြတယ်ဆိုတာ မိတ်ဆွေသိသလား။ [တုံ့ပြန်မှုကိုစောင့်ပါ။ ထို့နောက် မာကု ၄:၄၁ ကိုဖတ်ပါ။] ယေရှုဟာ အမှန်တကယ် မည်သူမည်ဝါဖြစ်တယ်ဆိုတာနဲ့ပတ်သက်တဲ့ ကျမ်းစာအဆိုကို ဒီမဂ္ဂဇင်းက ဆန်းစစ်ထားတယ်။”
ကင်းမျှော်စင် အောက်. ၁
မျက်နှာဖုံးမှမေးခွန်းကို ဖတ်ပြပါ။ ထို့နောက် ဤသို့မေးပါ– “ဒါက ဘယ်နိမိတ်လက္ခဏာကို ရည်ညွှန်းနေတယ်ဆိုတာ မိတ်ဆွေသိပါသလား။ [တုံ့ပြန်မှုကိုစောင့်ပါ။ ထို့နောက် မဿဲ ၂၄:၃ ကိုဖတ်ပါ။] ဒီလထုတ် ကင်းမျှော်စင် က အဓိကနိမိတ်လက္ခဏာငါးခုကို သုံးသပ်ပြီး အဲဒါတွေကို ဘာကြောင့် အသိအမှတ်ပြုဖို့လိုကြောင်း ရှင်းပြတယ်။” စာမျက်နှာ ၆ ရှိ လေးထောင့်ကွက်ကိုပြပါ။