အမှုဆောင်လုပ်ငန်းမှာ တိုးတက်အောင် လုပ်ဆောင်ခြင်း—တယ်လီဖုန်းဖြင့် သက်သေခံခြင်း

ဘာကြောင့် အရေးကြီး– တယ်လီဖုန်းနဲ့ သက်သေခံတာက “သတင်းကောင်းအကြောင်း စေ့စေ့စပ်စပ် သက်သေခံ” ရာမှာ အရေးပါတဲ့ နည်းတစ်နည်း ဖြစ်တယ်။ (တ ၂၀:၂၄)a အခြေအနေအရ လူချင်းမတွေ့နိုင်သူတွေကို ဒီနည်းနဲ့ ဟောပြောနိုင်ကြတယ်။

လုပ်ဆောင်နိုင်ပုံ–

• 

  ကြိုတင်ပြင်ဆင်ပါ။ သင့်လျော်တဲ့ အကြောင်းအရာတစ်ခုကို ရွေးပါ။ ပြီးတဲ့နောက် ကိုယ်ပြောချင်တဲ့ အကြောင်းကို အောက်လိုင်းလုပ်ပါ။ အကယ်၍ ကိုယ်ခေါ်လိုက်တဲ့ဖုန်းက အလိုအလျောက် ပြန်ထူးတဲ့အခါမျိုးမှာ ဖုန်းခေါ်တဲ့ ရည်ရွယ်ချက်ကို အတိုချုပ်ရှင်းပြဖို့ ပြင်ဆင်ထားပါ။ အောက်လိုင်းနဲ့ JW Library^® နဲ့ jw.org^® ဖွင့်ဖို့ လိုအပ်တဲ့ အီလက်ထရောနစ် ကိရိယာတွေကို အဆင်သင့်ယူထား၊ စားပွဲမှာ ထိုင်ပြီး ပြောတာက ပိုအဆင်ပြေတယ်။

• 

  သက်သောင့်သက်သာရှိပါ။ သဘာဝကျကျ ပြောဆိုပါ။ မျက်နှာချင်းဆိုင် စကားပြောနေသလို ပြုံးပြီး ကိုယ်ဟန်အမူအယာနဲ့ စကားပြောပါ။ စကားပြောတာကို မလိုအပ်ဘဲ ခဏခဏ မရပ်ပါနဲ့။ တစ်ယောက်ယောက်နဲ့ တွဲပြီးလုပ်ဆောင်တာက အထောက်အကူပြုပါတယ်။ အိမ်ရှင်က မေးခွန်း မေးတယ်ဆိုရင် မေးခွန်းကို အသံထွက် ပြန်ပြောပါ။ အဲဒါဆိုရင် ကိုယ့်ရဲ့ အဖော်က အဖြေရှာဖို့ ကူညီပေးနိုင်မယ်။

• 

  ပြန်လည်ပတ်မှု လုပ်ဖို့ လမ်းခင်းထားပါ။ တစ်ဖက်လူက စိတ်ဝင်စားတယ်ဆိုရင် နောက်တစ်ကြိမ် ဖုန်းဆက်တဲ့အခါ ပြန်ဖြေပေးမယ့် မေးခွန်းတစ်ခု မေးခဲ့ပါ။ အီးမေးလ်ကနေ ဒါမှမဟုတ် လူကိုယ်တိုင် စာအုပ်တစ်အုပ် ပို့ပေးမယ်လို့လည်း ပြောနိုင်တယ်။ ဒါမှမဟုတ် မက်ဆေ့ချ်ကနေ၊ အီးမေးလ်ကနေ ဗီဒီယိုတစ်ခု၊ ဆောင်းပါးတစ်ပုဒ် ပို့ပေးနိုင်ပါတယ်။ သင့်တော်မယ်ဆိုရင် ဝက်ဘ်ဆိုက်ထဲက အကြောင်းအရာတစ်ခု ပြောပြနိုင်တယ်။