မိသားစုပျော်ရွှင်မှုစာအုပ်ကို အသက်အရွယ်မရွေး လူတိုင်းအား ဝေငှပါ
၁ ကယ်လီဖိုးနီးယားမှ အသက် ၁၁ နှစ်ရှိသောယောက်ျားလေးတစ်ဦးသည် မိသားစုပျော်ရွှင်မှု၏လျှို့ဝှက်ချက်စာအုပ်ကို သူတန်ဖိုးထားလေးမြတ်ကြောင်း ဖွင့်ဟဖော်ပြခဲ့သည်။ သူဤသို့ရေးသည်– “ဒီစာအုပ်အတွက် ကျွန်တော်ကျေးဇူးတင်ပါတယ်၊ အလွန်ကောင်းတဲ့စာအုပ်ဖြစ်လို့ ဒီစာအုပ်ကိုဖတ်ဖို့ အခြားမိသားစုတွေကို ကျွန်တော်အားပေးပါတယ်။ ဒီစာအုပ်က . . . အိမ်မှာ ငြိမ်သက်မှုနဲ့ပျော်ရွှင်မှုရရှိအောင် ကျွန်တော့်မိသားစုကို ကူညီပေးပါတယ်။” ဤလူငယ်၏တွေ့ ကြုံမှုက အသက်အရွယ်မရွေး လူတိုင်းအား မိသားစုပျော်ရွှင်မှုစာအုပ်ဝေငှရန် သင့်ကိုအားပေးမှုဖြစ်စေသင့်သည်။ ဖေဖော်ဝါရီလအတွင်း သင့်ဓမ္မအမှု၌ သင်စမ်းကြည့်လိုမည့်အကြံပြုချက်အနည်းငယ်ကို ဤတွင်ဖော်ပြထားသည်။
၂ လူငယ်တစ်ဦးနှင့်တွေ့သောအခါ သင် ဤသို့ပြောနိုင်သည်–
▪ “မိတ်ဆွေနဲ့သက်တူရွယ်တူတွေထဲက အများစုဟာ အိမ်ထောင်အကြောင်း စဉ်းစားနေကြပါတယ်။ ဒါပေမဲ့ ဒီအကြောင်းနဲ့ပတ်သက်ပြီး စိတ်ချရတဲ့အချက်အလက်တွေကို မိတ်ဆွေ ဘယ်နေရာမှာတွေ့ရှိနိုင်သလဲ။ [တုံ့ ပြန်မှုကိုစောင့်ပါ။] အိမ်ထောင်ပြုဖို့အဆင်သင့်ရှိမရှိ တပ်အပ်မသိကြောင်း လူငယ်တွေပြောတတ်ကြတယ်။ ဒီအကြောင်းနဲ့ပတ်သက်ပြီး ဒီလက်စွဲစာအုပ်က ဘာပြောထားသလဲဆိုတာ မိတ်ဆွေကိုဝေမျှပါရစေ။” မိသားစုပျော်ရွှင်မှုစာအုပ်၊ စာမျက်နှာ ၁၄ ကိုဖွင့်ပြီး အပိုဒ် ၃ ကိုဖတ်ပါ။ ထို့နောက် ၎င်းအခန်းရှိခေါင်းစဉ်ငယ်တစ်ခုစီကို ညွှန်ပြပါ။ စာအုပ်ကိုဝေငှပြီး ပြန်လာဖို့စီစဉ်ပါ။
၃ မိဘတစ်ဦးနှင့်စကားပြောသောအခါ သင် ဤသို့ပြောနိုင်သည်–
▪ “သားသမီးများမွေးမြူရာမှာ တကယ်အကျိုးပြုတဲ့ လက်တွေ့ကျလမ်းညွှန်အချို့ကို မိဘတွေဆီ ကျွန်တော်တို့ဝေမျှပေးနေပါတယ်။ မိသားစုပျော်ရွှင်မှု၏လျှို့ဝှက်ချက်ဆိုတဲ့ဒီလက်စွဲစာအုပ်ထဲမှာ အဲဒီလမ်းညွှန်တွေကို စာရင်းပြုစုထားပါတယ်။” စာမျက်နှာ ၅၅ ကိုဖွင့်ပါ။ အပိုဒ် ၁၀ ကိုဖတ်ပြီးနောက် အပိုဒ် ၁၁ ပါတရားဟောရာ ၆:၆၊ ၇ ကိုဖတ်ပါ။ ထို့နောက် အပိုဒ် ၁၂ မှ ၁၆ ပါစာလုံးစောင်းဝါကျများကို ညွှန်ပြပါ။ ဤသို့ပြော၍ဆက်ပါ– “ဒီစာအုပ်က မိဘများအနေနဲ့ သာ၍ကြီးမားတဲ့အောင်မြင်မှုရရှိဖို့ လူများစွာကိုကူညီပေးပါတယ်။ မိတ်ဆွေဖတ်ချင်တယ်ဆိုရင် ဒီစာအုပ်ကို ဝေငှပေးချင်တယ်။”
၄ သက်ကြီးရွယ်အိုတစ်ဦးနှင့်ပြောသောအခါ သင် ဤသို့ပြောနိုင်သည်–
▪ “ဒီမှတ်ချက်တိုလေးကို ကျွန်တော်ဖတ်ပြပြီးတဲ့နောက် ဘယ်လိုယူဆသလဲဆိုတာ ကျေးဇူးပြု၍ ကျွန်တော့်ကိုပြောပြပါ။” မိသားစုပျော်ရွှင်မှုစာအုပ်၊ စာမျက်နှာ ၁၆၉ ကိုဖွင့်ပြီး အပိုဒ် ၁၇ ၏ပထမဝါကျနှစ်ကြောင်းကို ဖတ်ပြပါ။ ထို့နောက် တုံ့ ပြန်မှုရရှိရန် မေးပါ။ တုံ့ ပြန်မှုအပေါ်မူတည်ပြီး ယင်းစာအုပ်ကိုမဝေငှမီ စာအုပ်မှထပ်ဆင့်ကောက်နုတ်ချက်များကို သင် ဖတ်ပြနိုင်သည်။
၅ မိသားစုပျော်ရွှင်မှုစာအုပ်ဝေငှထားရာသို့ ပြန်သွားသည့်အခါ ကျမ်းစာသင်အံမှုစဖို့ကြိုးစားရမည်ကို စွဲမှတ်ထားပါ။ တောင်းဆိုဘရိုရှာ၊ သင်ခန်းစာ ၈ သို့မဟုတ် အသိပညာစာအုပ်၊ အခန်း ၁၅ သည် အစပြုဖို့သင့်လျော်ရာဖြစ်နိုင်သည်။ ဤသို့လုပ်ဆောင်စဉ် ပျော်ရွှင်သောခရစ်ယာန်မိသားစုအသက်တာကို တည်ဆောက်ရန် အသက်အရွယ်မရွေးလူတိုင်းအား အကူအညီပေးဖို့ ကြိုးစားကြစို့။