နမူနာတင်ဆက်နည်းများ
ကင်းမျှော်စင် အောက်တိုဘာ ၁
“စိတ်ဝင်စားစရာကောင်းတဲ့ ဒီမဂ္ဂဇင်းကို လက်ဆောင်လာပေးတာပါ။ [မျက်နှာဖုံးကိုပြပါ။] ဆုတောင်းတာကို ဘယ်သူမှ နားမထောင်ပေးလို့ အချိန်ဖြုန်းနေတာဆိုပြီး တချို့က ထင်ကြတယ်။ တချို့ကျတော့ သူတို့ဆုတောင်းတာကို ဘုရားနားထောင်ပေးတယ်လို့ ယုံကြတယ်။ မိတ်ဆွေရဲ့ အမြင်ကော။ [အဖြေကိုစောင့်ပါ။] ဆုတောင်းခြင်းအကြောင်း ကျမ်းစာပြောဆိုရာကို သုံးသပ်ကြည့်ပါ။ [ဟေရှာယ ၃၀:၁၉ ကိုဖတ်ပါ။] ကျွန်တော်တို့က တောင်းသင့်တာကို နည်းမှန်လမ်းကျ ဆုတောင်းမယ်ဆိုရင် ဘုရားသခင် နားထောင်ဖြေကြားပေးတယ်ဆိုတဲ့ အထောက်အထားတွေ ဒီမဂ္ဂဇင်းမှာ ဖော်ပြထားပါတယ်။”
နိုးလော့ အောက်တိုဘာ
“ဆင်းရဲဒုက္ခတွေကို ဘုရားသခင် ဘာကြောင့်ဖြစ်ခွင့်ပြုရတာလဲလို့ လူအများစု မေးခွန်းထုတ်ကြတယ်။ အဲဒီလို မေးခွန်းထုတ်တာက ဘုရားသခင်ကို မလေးစားရာကျတယ်လို့ သင် ထင်ပါသလား။ [အဖြေကိုစောင့်ပါ။] ရှေးခေတ်ဖြောင့်မတ်သူ ယောဘက ဘုရားသခင်ကို မေးခွန်းမေးချင်ကြောင်း ဖော်ပြခဲ့တယ်။ [ယောဘ ၂၃:၃-၅ ကိုဖတ်ပါ။] လူအများစု ဘုရားသခင်ကိုမေးလို့ရရင်မေးချင်တဲ့ မေးခွန်းသုံးခုနဲ့ အဲဒီမေးခွန်းတွေရဲ့ ကျေနပ်စရာကျမ်းစာအဖြေကို ဒီမဂ္ဂဇင်းမှာ ဆွေးနွေးထားပါတယ်။