२७ तिनीहरूले उनीहरूमाझ उहाँका चिन्हहरू देखाए,

हामको देशमा उहाँका चमत्कारहरू देखाए।+

२८ उहाँले अन्धकार पठाउनुभयो र देशमा अन्धकार छायो;+

तिनीहरू उहाँको वचनको विरुद्धमा गएनन्‌।

२९ उहाँले उनीहरूको पानी रगतमा परिणत गर्नुभयो

र उनीहरूका सबै माछा मरे।+

३० उनीहरूको देश भ्यागुतै भ्यागुताले भरियो,+

राजाका कोठाहरू पनि भ्यागुताले भरिए।

३१ उहाँले उनीहरूलाई आक्रमण गर्न झिँगाहरूलाई* हुकुम गर्नुभयो

र उनीहरूको सबै इलाकामा भुसुना पठाउनुभयो।+

३२ उहाँले उनीहरूमाथि पानीको सट्टा असिना बर्साउनुभयो

र उनीहरूको देशमा बिजुली* चम्काउनुभयो।+

३३ उहाँले उनीहरूका अङ्‌गुरका बोट र अन्जिरका रूखहरूलाई प्रहार गर्नुभयो

र उनीहरूको देशमा भएका सबै रूखलाई तहसनहस पारिदिनुभयो।

३४ उहाँले उनीहरूलाई आक्रमण गर्न सलहलाई हुकुम दिनुभयो,

उनीहरूलाई हमला गर्न अनगिन्ती सलहका बच्चाहरू पठाउनुभयो।+

३५ तिनीहरूले देशका सबै बालीनाली खाइदिए,

तिनीहरूले जमिनको उब्जनी सखाप पारिदिए।

३६ तब उहाँले उनीहरूको देशका सबै पहिलो सन्तानको ज्यान लिनुभयो,+

उनीहरूको प्रजनन शक्‍तिको पहिलो फललाई मास्नुभयो।