३१ शत्रुहरूको चट्टान हाम्रो चट्टानजस्तो बलियो छैन,+

यो कुरा हाम्रा शत्रुहरूलाई पनि थाह छ।+

 २ यहोवाजस्तो पवित्र कोही छैन,

तपाईँजस्तो अरू कोही छैन+

अनि हाम्रा परमेश्‍वरजस्तो चट्टान अरू कोही छैन।+

३३ साँचो परमेश्‍वर मेरो बलियो गढ हुनुहुन्छ।+

उहाँले मेरो बाटो सीधा बनाइदिनुहुन्छ।+

३४ उहाँले मेरा खुट्टा मृगको जस्तै बनाउनुहुन्छ;

उहाँ मलाई अग्ला ठाउँहरूमा उभिन लगाउनुहुन्छ।+

३५ उहाँ मेरा हातलाई युद्ध गर्न सिकाउनुहुन्छ;

मेरा हातले तामाको धनुमा ताँदो चढाउन सक्छ।

३६ तपाईँ मलाई उद्धारको ढाल दिनुहुन्छ;

तपाईँको नम्रताले मेरो मान बढाएको छ।+

३७ तपाईँले मेरो बाटो चौडा पारिदिनुभएको छ,

मेरा खुट्टा चिप्लँदैनन्‌।+

३८ म मेरा शत्रुहरूलाई खेद्‌नेछु र तिनीहरूलाई नाश गर्नेछु;

तिनीहरूको नामोनिसान नमेटेसम्म म फर्कनेछैनँ।

३९ म तिनीहरूको नामोनिसान मेटाउनेछु र तिनीहरूलाई धुलोपिठो पार्नेछु;

तिनीहरू फेरि उठ्‌न सक्नेछैनन्‌;+

४० तपाईँ मलाई बल दिएर लडाइँको लागि तयार पार्नुहुन्छ;+

मेरा शत्रुहरूलाई मेरो सामुन्‍ने ढालिदिनुहुन्छ।+

४१ तपाईँ मेरा शत्रुहरूलाई मदेखि भाग्न लगाउनुहुन्छ;+

मलाई घृणा गर्नेहरूको म नामोनिसान मेटिदिनेछु।+

४२ तिनीहरू गुहार माग्छन्‌ तर तिनीहरूलाई बचाउने कोही छैन;

तिनीहरू यहोवालाई समेत पुकार्छन्‌ तर उहाँ तिनीहरूको पुकारा सुन्‍नुहुन्‍न।+

४३ म तिनीहरूलाई कुल्चीमिल्ची गरेर जमिनको धुलोजस्तै बनाइदिनेछु;

म तिनीहरूलाई धुलोपिठो पार्नेछु र बाटोको हिलोलाई जस्तै कुल्चनेछु।