८ साँचो परमेश्‍वर यहोवाले भन्‍नुभएको कुरा म ध्यान दिएर सुन्‍नेछु

किनकि उहाँ आफ्ना वफादार मानिसहरूसित शान्तिको कुरा बोल्नुहुन्छ+

तर तिनीहरू पहिलाजस्तो अति विश्‍वस्त नहोऊन्‌।+

 ४ उहाँले जातिजातिको इन्साफ गर्नुहुनेछ

र जातिजातिका मानिसहरूसित आफ्नो मामिला सुल्झाउनुहुनेछ।

तिनीहरूले आ-आफ्नो तरबार पिटेर हलोको फाली बनाउनेछन्‌

र भाला पिटेर हँसिया बनाउनेछन्‌।+

एउटा जातिले अर्को जातिको विरुद्धमा तरबार उठाउनेछैन

र तिनीहरूले फेरि युद्ध गर्न सिक्नेछैनन्‌।+

१७ म तामाको सट्टा सुन

र फलामको सट्टा चाँदी ल्याउनेछु;

म काठको सट्टा तामा

र ढुङ्‌गाको सट्टा फलाम ल्याउनेछु;

म शान्तिलाई तिम्रो निरीक्षक

अनि धार्मिकतालाई तिम्रो नाइके बनाउनेछु।+

१८ तिम्रो देशमा फेरि कहिल्यै हिंसाको स्वर सुनिनेछैन,

तिम्रो सिमानाभित्र विनाश र बरबादीको खबर सुनिनेछैन।+

तिमीले आफ्नो पर्खालको नाम उद्धार+ र ढोकाको नाम प्रशंसा राख्नेछौ।