पत्रिका वितरणका लागि छुट्टै समय निकाल्नुहोस्
१ यहोवाको मार्ग पछ्याउनेहरूको ‘भविष्य सुध्रनेछ र तिनीहरूले आशा र शान्ति पाउनेछन्’ भनी यहोवाले अठोट गर्नु भएको छ। (यर्मि० २९:११) यस विषयमा प्रहरीधरहरा र अवेक! ले समयानुकूल जानकारी प्रस्तुत गर्दछन्। यी पत्रिकाहरूले हर परिस्थिति र हर प्रकारका मानिसहरूलाई लाभ पुऱ्याउन सक्छन्। (१ तिमो० २:४) अतः पत्रिका वितरणका लागि के तपाईं र तपाईंको परिवारले छुट्टै समय निकाल्ने गर्नु भएको छ?
२ तपाईंको पत्रिका वितरण घट्दै गएको छ भने यसबारे के गर्न सकिन्छ? एउटा मुख्य कुरा त हाम्रा पत्रिकाहरूमा पाइने विषयवस्तुका लागि आफ्नो मूल्याङ्कन सधैं ताजा राख्नु हो। एक जना मानिसले यसप्रकार लेखि पठाए: “तपाईंका पत्रिकाहरू पढ्दा साँच्चैनै आनन्द लाग्छ। यी पत्रिकाहरूमा तल्लो दर्जाका फोस्रो ‘आश्वासन’ छैन। बरु जीवनलाई अर्थपूर्ण पार्ने निर्देशन र मार्गदर्शन तिनमा पाइन्छन्।” प्रहरीधरहरा र अवेक! पत्रिकाहरू “विश्वासी र बुद्धिमान दास”-द्वारा उपलब्घ प्रबन्ध र होसियारी साथ गरिएको अनुसन्धानको परिणाम हो। (मत्ती २४:४५) मानिसहरूको हृदयलाई प्रभावित पार्न यी पत्रिकाहरू धेरै नै उपयोगी छन्।
३ तपाईंले प्रस्तुत गर्नु हुने पत्रिकाहरूमा भएको विषयवस्तुसित राम्ररी परिचित हुनुहोस्। तपाईंको गाउँघरमा भइरहेका समयस्याहरूसित सम्बन्धित बुँदाहरू खोज्नु होस्। ढोका-ढोकामा अथवा सडकहरूमा भेटिने लोग्ने मानिस, स्वास्नीमानिस र युवा-युवतीहरूसित कसरी कुरा गर्नु हुनेछ, त्यस्को अग्रिम तयारी गर्नु राम्रो हो। साथै पत्रिकाहरू कसरी व्यक्ति-व्यक्तिका लागि मात्र नभएर सम्पूर्ण परिवारहरूका निम्ति पनि उपयोगी छन् भनी देखाउन तयार हुनुहोस्।
४ पत्रिकाप्रति चेतनशील हुनुहोस्: तपाईंको क्षेत्र-सेवकाई तालिकामा पत्रिका वितरणले एउटा विशेष ठाउँ पाउनु पर्छ। पत्रिका वितरणमा भाग लिन तपाईंका लागि कुन् समय सबै भन्दा अनुकूल हुन सक्छ? आफ्नो मण्डली पुस्तक अध्ययन सुरु हुनुभन्दा पहिले बेलुकीपख के तपाईं करीब एक घण्टाका लागि ढोका-ढोकामा जान सक्नुहुन्छ? कुनै कुनै ठाउँमा बेलुकीतिर प्रचार गर्न निकै फलदायी साबित भएको छ। विभिन्न ढङ्गमा पत्रिका वितरण गर्नका लागि शनिवारको दिन राम्रो हो तर सो कार्य अरू दिनहरूमा पनि गर्न सकिन्छ। घर-घर र पसल-पसल जाने काम पनि पत्रिका वितरण-दिनको एउटा नियमित भाग हुनु पर्छ।
५ वितरणका लागि हरेक अङ्कको कति प्रति चाहिन्छ, सो सबैले आफ्नो लागि अग्रिम आडर दिइसकेको हुनु पर्छ। कहिलेकाहीं आफूसित पुराना पत्रिकाहरू बाँकी रहेमा तिनीहरूलाई हाम्रा पत्रिकाहरूले कति विभिन्न विषयहरूलाई ढाक्तछन् भनेर देखाउन प्रयोग गर्न सकिन्छ। ती पुराना पत्रिकाहरूलाई अवकाश प्राप्त मानिसहरू बस्ने घरहरू, नर्सिङ्ग होम अथवा अनुमति पाए अस्पतालहरूमा पनि समय-समयमा छाड्न सक्नुहुन्छ। यसप्रकार वितरण गरिएका पत्रिकाहरूलाई पनि प्रत्येक महिना आफ्नो क्षेत्र-सेवकाई रिपोर्टमा सम्मिलित गराउन मिल्छ।
६ माथि उल्लिखित सुझावहरूलाई प्रयोगमा ल्याउनु भयो भने तपाईंले वितरण गर्नु हुने पत्रिकाहरूको सङ्खया निश्चय बढ्ने छ। वर्तमान दुष्ट रीतिरिवाजमा जीवनका समस्याहरूको बोझले लादिएका मानिसहरूलाई प्रहरीधरहरा र अवेक! पत्रिकाहरूमा पाइने जानकारीले आराम र स्फूर्ति प्रदान गर्नेछ। यहोवाको अनुमोदन प्राप्त गर्न चाहनेहरूलाई चाहिने आवश्यक आत्मिक आहार पनि यही पत्रिकाहरूले नै प्रदान गर्छन्। अतः पत्रिकाहरूबारे चेतनशील रहनुहोस् र यी बहुमूल्य प्रकाशनहरूलाई तपाईंको आफ्नो इलाकामा वितरण गर्ने तरिकाहरू खोजिरहनु होस्।