नम्र मानिसहरूका लागि सुसमाचार
१ हामी सन्निकट न्यायको समयमा बाँचिरहेका छौं। (इजकि. ९:५, ६) आउनै लागेका कुराहरूका लागि तयार हुन सारा नम्र मानिसहरूलाई जानकारी दिनु जरुरी छ। यहोवाको करुणाले गर्दा उहाँले आफ्ना जनहरूलाई “सुसमाचार सुनाउन” आदेश दिनुभएको छ। (यशै. ६१:१, २) हाम्रा पत्रिकाहरूले यो सुसमाचार टाढा टाढासम्म पुऱ्याउन हामीलाई मदत दिन्छन्।
२ हामीलाई बलियो र उत्प्रेरित गर्न प्रहरीधरहरा र ब्यूँझनुहोस्! पत्रिकाले खँदिलो आध्यात्मिक आहार दिन्छ। चाँडै परमेश्वरको राज्यले पृथ्वीलाई प्रमोदवनमा परिणत गर्नेछ भनेर प्रहरीधरहरा-ले नम्र मानिसहरूलाई सान्त्वना प्रदान गर्छ। ब्यूँझनुहोस्!-ले शान्तिमय सुरक्षित नयाँ संसार ल्याउने सृष्टिकर्ताको प्रतिज्ञामाथि विश्वास बढाउँछ। नम्र मानिसहरूलाई सुसमाचार दिने सबैभन्दा शीघ्र तरिका यी पत्रिकाहरूको विस्तृत वितरण हो। हालैका अंकहरूबाट हामी कुन वार्तालापीय बुँदाहरू देखाउनसक्छौं?
३ उपयुक्त देखिएमा “दैनिक बाइबल पढाइबाट लाभ उठाउने” शीर्षकको लेख देखाउँदै मे १ को “प्रहरीधरहरा” प्रस्तुत गरेर तपाईं सोध्न सक्नुहुन्छ:
▪“हामीले बाइबल पढेर के फाइदा पाउनसक्छौं जस्तो तपाईंलाई लाग्छ? [जवाफ दिने मौका दिनुहोस्।] बाइबल आफैले रोमी १५:४ मा यस प्रश्नमाथि तर्क गर्न मदत दिन्छ। [रोमी १५:४ पढ्नुहोस्।] धेरै मानिसहरू विशेषगरि चर्चसित सम्बन्धित मानिसहरूसँग बाइबल भए तापनि थोरैले मात्र नियमित रूपमा पढ्न समय निकाल्छन्। हामी विश्वास गर्छौं, भविष्यको लागि निश्चित आशा बाइबलमा मात्र पाइन्छ र यो पढेमा हामी लाभान्वित हुनेछौं।” थप उपयुक्त टिप्पणीहरू गरेर पत्रिका प्रस्तुत गर्नुहोस्।
४ “हाम्रा पुर्खाहरूका लागि नयाँ जीवन” नामक आकर्षक लेख मे १५ को “प्रहरीधरहरा[ले]” प्रस्तुत गर्छ। तपाईंले यो परिचयबाट चासो जगाउन सक्नुहुन्छ:
▪“प्रायः धेरैले आफ्ना पुर्खाहरू कस्तो होला भनेर विचार गरेका छन्। तर ती पुर्खाहरू मरिसकेकोले कहिल्यै थाह पाउने छैनन् भनेर बताउँछन्। तपाईंलाई हाम्रो पुर्खाहरू चिन्न के सम्भव छ जस्तो लाग्छ?” जवाफ दिने मौका दिनुहोस्। यूहन्ना ५:२८, २९ पढ्नुहोस् र परमेश्वरले कसरी पार्थिव प्रमोदवनमा नयाँ जीवन दिने प्रतिज्ञा गर्नुभएको छ बुझाउनुहोस्।
५ तपाईंले यस्तो प्रश्न गरेर मे ८ को “अवेक!” प्रस्तुत गर्न सक्नुहुन्छ:
▪“तपाईंलाई जीवन बाँच्न योग्य बनाउने हो भने के चाहिन्छ जस्तो लाग्छ?” जवाफ दिने मौका दिनुहोस्। पृष्ठ २६ को “जीवनको अर्थ के हो?” शीर्षक लेख उल्लेख गर्नुहोस् र उपदेशक २:११ मा सुलेमानले भनेका कुराहरू पढ्नुहोस्। अनि अध्याय १२, पद १३ मा उनको सल्लाह देखाउनुहोस् र घरधनीलाई पत्रिका लिन आग्रह गर्नुहोस्।
६ यदि तपाईं मे १४ अघि पत्रिका बाँड्ने काम गर्दै हुनुहुन्छ भने राज्य समाचार न. ३४ पर्चा आफूसँग राख्न नभुल्नुहोस् र पर्चा नभएका सबैलाई एक प्रति टक्राउनुहोस्। हर समय पत्रिका आफूसँग राख्नुहोस् र अनौपचारिक साक्षी दिंदा समेत टक्राउन तयार हुनुहोस्। परिवारका अरूहरू साथै भेट्न आउने साथीहरूले ती पढ्ने भएकोले हामी सधैं साहित्यहरू दिन तयार हुनुपर्छ। (१ तिमो. ६:१८) हामीले नम्र मानिसहरूलाई दिने सुसमाचारले उनीहरूको जीवन बच्नसक्छ।—१ तिमो. ४:१६.