सबैभन्दा महान पुरुषबारे सिक्न अरूहरूलाई मदत दिनुहोस्
१ धेरै व्यक्तिहरूले आजसम्म बाँचेकाहरू मध्ये सबैभन्दा महान पुरुष भन्ने पुस्तक पढेर तिनीहरूको जीवनमा यसले पारेको असरप्रति साँचो मूल्याङ्कन देखाएका छन्। एकजना व्यक्तिले यसरी लेखे: “त्यस पुस्तकको अन्तमा पुगेपछि येशू आफैले नै मलाई उहाँसङ्ग सङ्गत गर्न, उहाँ सङ्गसङ्गै बाँच्न, उहाँका दुःखहरू, भावनाहरू र उहाँको सेवकाईको हरेक क्षेत्रमा सहभागी हुन निमन्त्रणा दिनुभएको जस्तो लाग्यो। . . . त्यो पुस्तक पढेर त मलाई येशूको जीवनबारे फिल्म हेरे जस्तै लाग्यो।”
२ सबैभन्दा महान पुरुष भन्ने पुस्तकले येशूसित मात्र होइन तर यहोवासित पनि राम्ररी परिचित हुन हामीलाई मदत दिन्छ। (यूहन्ना १४:९) यस किताबको सन्दर्भमा एकजना १२ वर्षीयले यसो भने: “यसले मलाई यत्ति सान्त्वना दियो कि मैले पढ्ने बित्तिकै हर्षको आँसुका साथ यहोवालाई प्रार्थना गरें। यहोवा र येशूले हाम्रो हेरविचार गरिरहनुभएको छ भन्ने कुरा थाहा पाएर म भित्र मनदेखि नै आश्वस्त भएँ।” यूहन्ना १७:३-मा रेकर्ड गरिएअनुसार यहोवा र उहाँको पुत्रलाई चिन्नुको अर्थ हाम्रो लागि अनन्त जीवन हो भनी येशूले भन्नुभयो। येशूको जीवन सम्बन्धी यस पुस्तकलाई अध्ययन गर्नाले यहोवाको व्यक्तित्वबारे हामीले विशेष अन्तर्दृष्टि पाउँछौं किनभने येशू “परमेश्वरकै तत्त्वको प्रतिबिम्ब” हुनुहुन्छ।—हिब्रू १:३.
३ सबैभन्दा महान पुरुष भन्ने पुस्तक ७० भन्दा बढी भाषाहरूमा १ करोड ९० लाखभन्दा बढी प्रतिहरू छापिएका छन्। जनसाधारणले यस पुस्तकलाई कस्तो मन पराए भन्ने कुरा यसैबाट देखिन्छ। धेरैजनाले किताब पाउने बित्तिकै त्यसलाई सुरुदेखि अन्तसम्म पढी हाल्छन्। चासो देखाउने एकजना व्यक्तिले किताब पाएको दुई हप्तामै सम्पूर्ण पुस्तक पढी सिध्याए। यो पुस्तक स्वीकार गर्ने एकजना पादरीले भने: “म किताब बन्द गर्नै सक्दिनँ। सधैं राति सुत्नुभन्दा अघि म र मेरी पत्नी यसका केही अंशहरूलाई पढ्छौं।”
४ अनौपचारिक साक्षी दिने: एकजना भाइले सबैभन्दा महान पुरुष भन्ने पुस्तक आफू काम गर्ने ठाउँमा मानिसहरूलाई देखाए। तिनीसित यो पुस्तक भएको र त्यस पुस्तकमा के के छ भन्ने कुरा सबैतिर फैलियो। उनका सहकर्मीहरूले त्यो पुस्तक चाहने जति सबैको सूची बनाए। तिनले ४६१ वटा पुस्तक वितरण गरे! त्यो पुस्तक लिनेहरूमध्ये पाँचजनाले अहिले अध्ययन गरिरहेका छन्। हवाईजहाजमा यात्रा गरिरहेकी बहिनीले एकजना पादरीलाई सबैभन्दा महान पुरुष भन्ने पुस्तक दिए। त्यो पादरी एकजना नयाँ पादरी (कार्डिनल) नियुक्त गर्ने दीक्षान्त समारोहमा उपस्थित हुन जाँदै थिए। ती पादरीले भ्याटिकनमा ४० वर्ष बिताइसकेका थिए। अरूहरूलाई यो पुस्तक पढ्न सिफारिस गर्न हामी सबैले हरेक अवसरको पूर्ण लाभ उठाउनुपर्छ।
५ जवानहरूले यसको मूल्याङ्कन गर्छन्: यस पुस्तकमा जवानहरूले धेरै चासो देखाइरहेका छन्। एकजना नौ वर्षीयले लेखे: “मलाई सबैभन्दा मनपर्ने किताब अहिलेसम्म बाँचेकाहरू मध्ये सबैभन्दा महान पुरुष भन्ने हो किनभने यसबाट म धेरै कुरा सिक्छु।” क्षेत्र सेवकाईमा जवान व्यक्तिहरूलाई भेट्दा तिनीहरूका आमाबाबुहरूले अनुमति दिन्छन् भने यी जवानहरूलाई यो पुस्तक देखाउन र त्यसमा भएका मुख्य बुँदाहरू र चित्रहरू पुनरावलोकन गर्न समय बिताउनुपर्छ। ती जवानहरूलाई यो पुस्तक दिन हामी सफल पनि हुन सक्छौं। येशूबारे थाहा पाउन मौका दिएको खण्डमा जवान व्यक्तिहरूले उहाँलाई राम्रोसङ्ग चिन्न सक्छन्। येशू मिलनसार व्यक्ति हुनुहुन्थ्यो।—मत्ती १९:१४, १५.
६ सबैभन्दा महान पुरुष भन्ने पुस्तक पढ्नाले मानिसहरूको जीवन परिवर्तन हुन सक्छ। यसको विषयवस्तुसित धेरैभन्दा धेरै मानिसलाई परिचित गराउने प्रयास गर्नुहोस्। यो पुस्तकको परिचयको अन्तिम पृष्ठमा “उहाँबारे सिकेर लाभ उठाउनुहोस्” भन्ने उपशीर्षक अन्तर्गत दिइएका विषयवस्तुलाई प्रयोग गर्नुहोस्। यो पुस्तक पढेर के लाभ प्राप्त गर्न सकिन्छ भनेर ध्यान केन्द्रित गर्न यस विषय-वस्तुले मानिसहरूलाई मदत गर्नेछ। पुस्तक पढिसकेपछि एकजना व्यक्तिले गरेको उद्गार झैं तपाईंको क्षेत्रमा पनि धेरैजनाले प्रकट गर्न सक्छन्: “अहिलेसम्म पढेका पुस्तकहरूमध्ये यो सबैभन्दा राम्रो पुस्तक हो! यसले मेरो जीवन नै परिवर्तन गरिदियो।”