ग्राहक बनाउनु हुँदा र पत्रिकाहरू वितरण गर्नु हुँदा पुनः फर्केर जानुहोस्
१ येशूले आफ्ना अनुयायीहरूलाई चेला बनाउने काममा लाग्न प्रोत्साहित गर्नुभयो। (मत्ती २८:१९) त्यसको अर्थ पत्रिकाहरू वितरण गर्नु मात्रै होइन; मानिसहरूलाई आध्यात्मिक प्रगति गर्न हामी मदत दिन चाहन्छौं। त्यसो गर्न चासो देखाउनेहरूलाई थप मदत दिन हामी तिनीहरूकहाँ पुनः फर्केर जानैपर्छ।
२ हाम्रा पत्रिकाहरूमध्ये एउटाको लेखलाई प्रकाश पारेर प्रथम भेटमा ग्राहक बनाउनु भएको थियो भने तपाईं फर्केर जाँदा त्यही विषयमा छलफल गर्नु बेस हुनेछ:
▪“तपाईंलाई अगिल्लो पटक भेट्दा मैले प्रहरीधरहरा को (अथवा अवेक!) एउटा लेखमा तपाईंको ध्यान आकर्षित गरेको थिएँ। त्यस लेखबाट हामीले बाइबलमा खोजतलास गर्नुपर्ने आवश्यकता बुझेका थियौं। मानवजातिको निम्ति एउटा उत्तम भविष्य ल्याउने परमेश्वरको उद्देश्य उहाँको स्वर्गीय राज्यमा आधारित छ। यस राज्यले सारा युद्धहरू रोक्नेछ भनी मीका ४:३, ४ मा उहाँको प्रतिज्ञा उल्लेख गरिएको छ।” त्यस पद पढिसक्नुभएपछि तपाईंले “हेर!” पुस्तिका झिकेर त्यसको आवरण पृष्ठ देखाउन सक्नुहुन्छ। प्रथम अनुच्छेद र त्यसमा उद्धरित शास्त्रपदहरू हेर्नुहोस्। त्यसमध्ये एउटा मीका ४:३, ४ पनि हो भनी देखाउनुहोस्। अनुच्छेद २ बाट छलफल कायम गर्न पुनःभेटको प्रबन्ध मिलाउनुहोस्।
३ घरधनीले पत्रिकाको एक प्रति मात्र लिएको थियो र उहाँले त्यत्तिको चासो लिएको देखिंदैन अथवा कुरा गर्ने फुर्सत नभएको जस्तो देखिन्छ भने उहाँको नाउँ केवल आफ्नो पत्रिका मार्गको नामावलीमा थप्न सक्नुहुन्छ:
▪“अगिल्लो पटक मैले छाडेको पत्रिका पढ्न तपाईंले चासो देखाउनुभएको थियो। मेरो विचारमा यी ताजा अङ्कहरू पनि तपाईं पढ्न चाहनु हुन्छ होला। मलाई विश्वास छ, यो लेख तपाईंलाई विशेषगरि चासो लाग्नेछ।” उहाँलाई चासो लाग्ने खालको लेख देखाउनुहोस्। नयाँ अङ्कहरू आएपछि फेरि आउनेछु भनी भन्नुहोस्।
४ धरधनीले एक प्रति पढिसकेको छ र त्यस पत्रिकाको मूल्याङ्कन व्यक्त गरेमा तपाईंले ग्राहक बन्ने प्रस्ताव राख्न सक्नुहुन्छ:
▪“प्रहरीधरहरा (अथवा अवेक!) पढ्न तपाईं रूचाउनु हुँदोरहेछ, त्यसकारण म तपाईंलाई त्यसको (प्रहरीधरहरा अथवा अवेक! अथवा दुवैको) ग्राहक बन्ने सुझाव दिन्छु। त्यसो गर्नुभयो भने तपाईंले त्यो (अथवा ती) हुलाकद्वारा नियमित रूपमा प्राप्त गर्न सक्नुहुन्छ र निश्चय नै प्रत्येक अङ्क पाउनुहुनेछ भनी निर्धक्क हुनसक्नुहुन्छ।” यदि उनले ग्राहक बन्ने प्रस्ताव स्वीकार गरे अथवा चासो देखाए भने पुनः फर्केर जाने प्रबन्ध मिलाउनुहोस्।
५ प्रथम भेटमै ग्राहक बन्ने प्रस्ताव राखी हाल्न सकारात्मक हुनुहोस्। त्यस व्यक्तिले एउटा प्रति मात्र लिएमा पुनः फर्केर जाँदा ग्राहक बन्ने प्रस्ताव राख्नुहोस्। ग्राहक पर्चीहरू पूर्णतया तथा स्पष्टसित भर्न नबिर्सनुहोस् र तीन वटा प्रति बनाउनुहोस्—रसिदस्वरूप एउटा प्रति घरधनीसित छोड्नुहोस् र अर्को दुई प्रति पत्रिकाको चन्दासहित ग्राहक सम्बन्धी कामकुराहरू सह्माल्ने भाइलाई बुझाउनुहोस्। प्रहरीधरहरा र अवेक! मा परमेश्वरको राज्यको सुसमाचार फैलाउन अद्भुत औजारहरू छन्। येशूले आज्ञा गर्नुभएका कुराहरूबारे अझ बढी सिक्न सोझा हृदय भएका व्यक्तिहरूलाई प्रोत्साहन दिन यी औजारहरूको पूर्ण सदुपयोग गरौं।—मत्ती २८:२०.