चासो भेट्टाउनुभएको ठाउँमा पुनः फर्केर जानुहोस्
१ हामीमध्ये धेरैले ग्राहक बनाउन र पत्रिका तथा पुस्तिकाहरू वितरण गर्न सफलता हासिल गरेका छौं। हामी तिनीहरूकहाँ पुनः फर्केर अझ बढी चासो जगाउने प्रयास गर्नु महत्त्वपूर्ण छ। पुनः भेट गर्नअघि हामीले कत्तिको राम्ररी तयारी गर्छौं, त्यसमा हाम्रो सफलता निर्भर गर्छ।
२ वयस्कहरूलाई चासो लाग्ने विषयहरूप्रति धेरैजसो जवान मानिसहरू चिन्तित हुन्छन् भन्ने कुरा नबिर्सनुहोस्। मे अङ्क को अवेक! मा जवान मानिसहरूको दृष्टिकोणबाट वर्तमान समस्याहरू जाँच गरिएका लेखहरू छन्। जीवनमा वास्तविक महत्त्व राख्ने विषयहरूलाई बुझ्न यी लेखहरूले जवान व्यक्तिहरू लगायत तिनीहरूका आमाबाबुहरूलाई अन्तर्दृष्टि प्रदान गरेर मदत दिन सक्छ।
३ यदि तपाईंले (अर्ध-मासिक संस्करणको) मे ८ को अवेक! दिनुभएको भए मे २२ को अङ्क दिएर तपाईंले वार्तालाप जारी गर्न सक्नुहुन्छ। तपाईंले भन्न सक्नुहुन्छ:
▪“मैले तपाईंलाई छाडेर गएको अगिल्लो अङ्कले बच्चाहरूको निम्ति आशासम्बन्धी विषय प्रकाश पारेको थियो। भविष्यको निम्ति कम आशा प्रदान गर्ने संसारमा हाम्रा जवान मानिसहरू हुर्कन परेको छ। धेरैले विद्रोही आचरणबाट आफ्नो प्रतिशोध व्यक्त गर्छन्। तर अर्कोतिर आफ्नो सन्तुलन राखेर उच्च नीतिहरू कायम गर्नेहरू पनि छन्। एक किशोरको अडानलाई उच्च अदालतले कसरी मान्यता दियो भनी अवेक! को यस ताजा अङ्कमा बताइएको छ। मलाई लाग्छ, तपाईंले यसमा भएका कुराहरू मूल्याङ्कन गर्नुहुनेछ।”
४ प्रथम भेट गर्दा घरधनीले पत्रिकाको एक प्रति मात्र स्वीकारेको थियो भने यो प्रस्तुति प्रयोग गरेर तपाईंले ग्राहक बन्ने प्रस्ताव राख्न सक्नुहुन्छ:
▪“यस पृथ्वीको भविष्यबारे हाम्रो अगिल्लो पटकको छोटो वार्तालाप मलाई रमाइलो लाग्यो। परमेश्वरले दुष्टता र दुःखकष्ट अन्त गरिदिनुभयो भने जीवन कस्तो होला भनी के तपाईं कल्पना गर्न सक्नुहुन्छ? परमेश्वरको राज्यप्रति प्रहरीधरहरा ले (अथवा अवेक!) नियमित तवरमा ध्यान केन्द्रित गर्नुको साथै त्यसले ल्याउने आशिषबारे बताउँछ भन्ने कुरा के तपाईंलाई थाहा छ? [तपाईंले छाड्नुभएको अथवा तपाईंसित भएको पत्रिकाबाट एउटा बुँदा छान्नुहोस्।] यी पत्रिकाहरूमध्ये एउटा (अथवा दुवै) नियमित तवरमा तपाईंले प्राप्त गर्नुहोस् भन्ने म चाहन्छु।”
५ तपाईं फर्केर जानु हुँदा शायद घरधनीले आफ्नै धार्मिक साहित्य देखाएर त्यो नै पर्याप्त भएको महसुस गरेको थाहा पाउनुहोला। त्यतिबेला तपाईं यसो भन्न सक्नुहुन्छ:
▪“हामीले जुनसुकै धर्म माने तापनि हामी सबै हिंसा, गम्भीर बिमारी, वातावरणीय समस्याहरू जस्ता एउटै प्रकारका चिन्ताहरूले प्रभावित छौं, होइन र? [टिप्पणी दिने मौका दिनुहोस्।] यी समस्याहरूको साँचो समाधान छ जस्तो के तपाईंलाई लाग्छ? [२ पत्रुस ३:१३ पढ्नुहोस्।] हाम्रो साहित्यको उद्देश्य प्रहरीधरहरा को पृष्ठ २ मा उल्लिखित छ। [छानेर एक दुई वाक्य पढ्नुहोस्।] यी पत्रिकाहरूमा बाइबलमा आधारित आशापूर्ण समाचार हुने हुनाले जो व्यक्ति यहोवाका साक्षी होइनन्, तिनीहरूले पनि हाम्रा प्रकाशनहरू पढ्न रूचाउँछन्।” घरधनीको प्रत्युत्तर अनुकूल छ भने हाम्रो बाइबल अध्ययन कार्यक्रमबारे बताउनुहोस्।
६ तपाईं यसरी सुरु गर्न सक्नुहुन्छ:
▪“भविष्यमा यस संसारमा अपेक्षा गर्न सकिने कुराबारे अगिल्लो पटक म यहाँ आउँदा हामीले छलफल गरेका थियौं। यो रिपोर्टबारे तपाईंको विचार के छ? [चासो लाग्ने कुनै एउटा ताजा समाचार उल्लेख गर्नुहोस्।] यस्ता कुराहरू सुन्दा यो संसारलाई के हुँदैछ भनी मानिसहरू सोच्न थाल्छन्, होइन र? त्यस्ता घटनाहरूले बाइबलको २ तिमोथी ३:१-५ मा भविष्यवाणी गरिएअनुसार ‘आखिरी दिनमा’ बाँचिरहेका छौं भनी सङ्केत गर्छ भनेर हामी विश्वास गर्छौं।” त्यो बाइबल पद प्रकाश पार्नुभएपछि त्यहाँ उल्लेख गरिएजस्ता मानिसहरू उहाँले देख्नुभएको छ कि छैन भनी तपाईंले सोध्न सक्नुहुन्छ। रीजनिङ्ग पुस्तकको पृष्ठ २३४-८ को कुनै एउटा उपशीर्षकबाट वार्तालाप अघि बढाउनुहोस्।
७ हामीले राम्ररी तयारी गऱ्यौं र मदत गर्ने साँचो इच्छा देखायौं भने सोझो हृदय भएका व्यक्तिहरूले सुन्नेछन् भनी हामी विश्वस्त हुन सक्छौं।—यूहन्ना १०:२७, २८.