परमेश्वरबाटको ज्ञानले थुप्रै प्रश्नको जवाफ दिन्छ
१ सत्यबारे सही ज्ञान थाह पाउनुअघि सम्भवतः जीवनसम्बन्धी तपाईंले थुप्रै प्रश्नहरूको जवाफ पाउनुभएको थिएन होला। ती प्रश्नहरूको बाइबलआधारित जवाफ पाउनुहुँदा तपाईं कत्ति हर्षित हुनुभयो! अब तपाईंले अरू व्यक्तिहरूलाई पनि ती प्रश्नहरूको जवाफ पाउन मदत दिन सक्नुहुन्छ। (२ तिमोथी २:२ तुलना गर्नुहोस्।) अनन्त जीवनतर्फ डोऱ्याउने परमेश्वरको ज्ञान तिनीहरूलाई बताउन सक्नुहुन्छ। (यूह. १७:३) तर तपाईं यो ज्ञानको मूल्यांकन गर्न अरूलाई कसरी मदत गर्न सक्नुहुन्छ? सत्य थाह पाएपछि तपाईंले पाउनुभएका केही जवाफहरूबारे यसो सोच्नुहोस् त। सत्य खोज्ने व्यक्तिहरू कुन कुरा जान्ने इच्छा गर्छन्? यी कुराहरूबारे विचार गर्नुभयो भने तपाईंलाई ज्ञान जसले अनन्त जीवनतर्फ डोऱ्याउँछ पुस्तक प्रस्तुत गर्न सजिलो हुनेछ। जून महिनामा साक्षी कार्यको लागि तयारी गर्दा निम्न सुझाउहरू मदतकारी हुनसक्छन्।
२ थुप्रै मानिसहरूले संसारमा यति धेरै दुःखकष्ट किन भइरहेको भनेर सोच्ने भएकोले यसरी कुरा थाल्दा सकारात्मक प्रतिक्रिया पाउन सक्नुहुन्छ:
▪ “कुनै प्राकृतिक प्रकोप वा अपराध अनि हिंसाका घटनाहरूमा वृद्धि हुँदा मानिसहरू अक्सर यस्ता डरलाग्दा घटनाहरू किन भएको भनेर सोध्ने गर्छन्। तपाईं यस प्रश्नको जवाफ कसरी दिनुहुन्छ?” जवाफ दिने मौका दिनुहोस् अनि त्यसको कदर गर्नुहोस्। त्यसपछि ज्ञान पुस्तकको अध्याय ८ पल्टाउनुहोस् र अनुच्छेद २ मा उल्लिखित कुराप्रति ध्यानाकर्षण गर्नुहोस्। यस्ता दुष्ट कुराहरू हुनुको कारणबारे बाइबलले के भन्छ, यस पुस्तकमा बताइएको छ भनेर बुझाउनुहोस्। पुस्तक प्रस्तुत गर्नुहोस् तर तपाईं पुस्तक वितरण गर्न मात्र नभई ती कुराहरू बुझ्न मानिसहरूलाई मदत दिन इच्छुक हुनुहुन्छ भनी बताउनुहोस्। पुनःभेटको निम्ति प्रबन्ध मिलाउनुहोस्।
३ “ज्ञान” पुस्तक प्रस्तुत गर्नुभएको ठाउँमा फेरि भेट्न जानुहुँदा यसो भन्न सक्नुहुन्छ:
▪ “संसारमा यति बिघ्न दुःखकष्ट किन भइरहेको भन्नेबारे तपाईंको विचार मलाई चाखलाग्दो लाग्यो। पुस्तकमा बताएअनुसार के तपाईंलाई बाइबलको जवाफ चित्त बुझ्यो?” जवाफ दिने मौका दिनुहोस्। ज्ञान पुस्तकको पृष्ठ ७७ बाट अनुच्छेद १७ पढ्नुहोस् अनि घरधनीकै बाइबलबाट रोमी ९:१४ पढ्ने प्रस्ताव राख्नुहोस्। अनि भन्नुहोस्: “सुसमाचार चाहिं के हो भने, परमेश्वरको व्यवहारले गर्दा अन्यायपूर्ण ढंगमा दुःखकष्ट भइरहेको होइन। उहाँले हामीलाई अनन्त जीवन दिने प्रतिज्ञा गर्नुभएको छ र त्यो पनि शान्ति अनि आनन्दको। यस पुस्तकको पहिलो अध्यायको शीर्षक छ ‘तपाईंको भविष्य आनन्दमय हुनसक्छ!’ तपाईं अनि तपाईंका प्रिय जनहरूका निम्ति कसरी यो वास्तविकता हुनसक्छ म देखाउन चाहन्छु।” अध्याय १ पल्टाउनुहोस् अनि अध्ययन कसरी गरिन्छ, देखाउनुहोस्। परिस्थितिअनुसार जति सक्नुहुन्छ त्यतिवटा अनुच्छेदहरू छलफल गर्नुहोस्।
४ तपाईंलाई “तर्क” पुस्तकको (अंग्रेजी) पृष्ठ १४ मा “बुढ्यौली/मृत्यु” शीर्षकअन्तर्गत दिइएको परिचय चलाउन मन पर्ला:
▪ “तपाईंले कहिल्यै यस्तो प्रश्न गर्नुभएको छ: ‘के सबै कुराको अन्त मृत्यु नै हो? वा मृत्युपछि पनि केही छ?’ [जवाफ दिने मौका दिनुहोस्।] बाइबलले मृत्युबारे सबै प्रश्नको स्पष्ट जवाफ दिन्छ। [उपदेशक ९:५, १० पढ्नुहोस्।] विश्वास गर्नेहरूका निम्ति साँचो आशा छ भनेर पनि यसले देखाउँछ। [ ज्ञान पुस्तकको पृष्ठ ८४ मा अनुच्छेद १३ पल्टाउनुहोस्; यूहन्ना ११:२५ मा पाइने येशूका शब्दहरू पढेर बुझाउनुहोस्।] यस सम्पूर्ण अध्यायले नै यही प्रश्नको जवाफ दिन्छ, हाम्रा प्रिय मृतजनहरूलाई के हुन्छ? अनि मानिसहरूले जीवन र आफ्नो भविष्यबारे सोध्ने थुप्रै प्रश्नहरूको जवाफ पनि यस पुस्तकका अन्य अध्यायहरूले दिन्छ।” पुस्तक प्रस्तुत गर्नुहोस्।
५ पुनःभेट गर्दा फेरि चिनजान बढाएर यसो भन्न सक्नुहुन्छ:
▪ “अघिल्लो भेटमा हामीले मानिस मरेपछि के हुन्छ भनेर छलफल गरेका थियौं। थुप्रै मानिसहरू पुनर्जन्म वा मृत्युपछि पनि स्वर्ग वा नरकमा बाँचिरहन्छ भनी विश्वास गर्छन्। तर के तपाईंले मरेकाहरू फेरि यसै पृथ्वीमा बाँच्ने सम्भाव्यताबारे कहिल्यै सोच्नुभएको छ? [जवाफ दिने मौका दिनुहोस्।] बाइबलले नम्रहरूको पुनरुत्थान हुनेछ अनि तिनीहरूले पृथ्वीमा अधिकार गर्नेछन् भनी बताउँछ। [भजन ३७:११, २९ पढ्नुहोस् अनि ज्ञान पुस्तकको पृष्ठ ८८ बाट अनुच्छेद २० छलफल गर्नुहोस्।] मृत्युदेखि डराएर बसेका लाखौं मानिसहरूलाई बाइबलको यस आशाले सान्त्वना प्रदान गरेको छ। यो पुस्तकले तपाईंलाई यसबारे अझ राम्ररी बुझ्न मदत दिनेछ। यो पुस्तकले कसरी मदत गर्छ, म देखाऔं तपाईंलाई?”
६ सरल प्रस्तुति गर्न चाहनुहुन्छ भने यसो भन्नुभए कसो होला:
▪ “यो पुस्तक, ज्ञान जसले अनन्त जीवनतर्फ डोऱ्याउँछ-बाट तपाईंलाई एउटा चित्र देखाउन चाहन्छु। के यो चित्र हेर्दै रमाइलो छैन र?” घरधनीलाई पृष्ठ ४-५ देखाउनुहोस्। जवाफ दिने मौका दिनुहोस्। अनि पृष्ठ ५ मा उल्लिखित कुराहरू पढेर सुनाउनुहोस्। अन्तमा यसो भन्नुहोस्: “पढ्न चाहनुहुन्छ भने तपाईं यो पुस्तक राख्न सक्नुहुन्छ। हामी यसको सानो चन्दास्वरूप रु. २० लिन्छौं।” चासो देखाएमा अर्को पटक कुन समयमा भेट्न आए राम्रो हुन्छ पत्ता लगाउनुहोस्।
७ हामीसित जीवनका महत्त्वपूर्ण प्रश्नहरूको जवाफ दिने परमेश्वरको ज्ञान छ। लगनशील भई तयारी गर्नुहोस्। सत्य खोज्ने मानिसहरूलाई यो जीवनदायी जानकारी दिने तपाईंको प्रयासमा यहोवाले आशिष् दिनुहुनेछ।