सन् १९९९ ईश्वरतान्त्रिक सेवकाई स्कूलको कार्यक्रमबाट फाइदा उठाउनुहोस्
१ येशू सर्वश्रेष्ठ शिक्षक हुनुहुन्थ्यो। मानिसहरू “उहाँका शिक्षामा छक्क परे।” (मर्कू. १:२२) हामीमध्ये कसैले येशूले जस्तै बोल्न वा सिकाउन नसक्ने भए तापनि हामी उहाँको अनुकरण गर्नसक्छौं। (प्रेरि. ४:१३) तथापि, त्यसका लागि ईश्वरतान्त्रिक सेवकाई स्कूल कार्यक्रममा भाग लिएर हाम्रो बोल्ने तथा सिकाउने कला उन्नति गर्दै लानसक्छौं।
२ सन् १९९९ मा असाइनमेन्ट न. १ विशेषगरि १९९७ को प्रहरीधरहरा र ब्यूँझनुहोस्! पत्रिकाहरूका लेख तथा ज्ञान पुस्तकमा आधारित हुनेछ। यी लेखहरू पहिल्यै पढेर स्कूल कार्यक्रममा त्यही विषयमा भाषण सुन्यौं भने आध्यात्मिक कुराहरूलाई अझ राम्ररी बुझ्नसक्नेछौं। यी निर्देशन भाषण दिनेहरूले विषयवस्तुको व्यवहारिक प्रयोग बताउँदै चाखलाग्दो तथा जीवन्त ढंगमा प्रस्तुत गर्नुपर्छ। असाइनमेन्ट न. ३ र ४ पारिवारिक आनन्द पुस्तक र नयाँ विश्व अनुवाद-मा भएको “चर्चाका लागि बाइबल विषयहरू[मा]” आधारित हुने भए तापनि यी असाइनमेन्टहरूमा अदलबदल भइरहनेछन्। स्कूल निरीक्षकले असाइनमेन्ट दिनुअघि निकै होस पुऱ्याउनुपर्छ। पारिवारिक आनन्द पुस्तकबाट विषयवस्तु प्रस्तुत गर्ने सम्पूर्ण विद्यार्थीहरूको पारिवारिक जीवन उदाहरणीय हुनुपर्छ।
३ सल्लाह प्रयोग गर्नुहोस् र राम्ररी तयार गर्नुहोस्: बोल्ने र सिकाउने कलामा सबैले अझै उन्नति गर्नसक्छन्। (१ तिमो. ४:१३) अतः, दिइएको सल्लाह सुन्नुहोस् र सल्लाह सुन्नु नपरे पनि हुन्थ्यो भनेर कहिल्यै नसोच्नुहोस्। (हितो. १२:१५; १९:२०) सभाहरूमा होस् वा क्षेत्र सेवकाईमा, सच्चाइलाई प्रभावकारी ढंगमा प्रस्तुत गर्ने हो भने तथ्यहरू बताएर वा शास्त्रपदहरू सरसरती पढेर मात्र पुग्दैन। हामीले स्रोताहरूको हृदय छुनु अनि तिनीहरूलाई उत्प्रेरित गर्नु आवश्यक छ। हृदयदेखि निर्धक्क भई सच्चाइबारे बताउँदा मात्र हामी त्यसो गर्नसक्छौं। (प्रेरित २:३७ तुलना गर्नुहोस्।) स्कूलमा पाइने सल्लाहहरूले हामीलाई यसो गर्न मदत गर्नेछ।
४ असाइनमेन्ट पाउने बित्तिकै पाठशाला निर्देशन पुस्तक-मा (अंग्रेजी) हेरेर तपाईंले काम गर्नुपर्ने बुँदा विचार गरिहाल्नुस्। पहिले दिइएको सल्लाह प्रयोग गर्न तपाईंले के गर्नुपर्छ विचार गर्नुहोस्। आफूले दिनुपर्ने भाषणको विषय, आवश्यक छ भने भाषणको सेटिङ के राख्ने र तपाईंलाई दिइएको भागमा भएका शास्त्रपदहरू कसरी प्रयोग गर्ने, त्यसबारे गौर गर्नुहोस्। सिकाउन र उत्प्रेरित गर्न उक्त जानकारी अझ राम्रोसित कसरी प्रयोग गर्ने, विचार गर्नुहोस्।—१ तिमो. ४:१५, १६.
५ स्कूलमा भाग लिन अलि डर लागिरहेको छ भने त्यसबारे प्रार्थना गर्नुहोस् र स्कूल निरीक्षकसित मनमा लागेका कुरा छलफल गर्नुहोस्। सन् १९९९ ईश्वरतान्त्रिक सेवकाई स्कूलमा प्रस्तुत गरिने कार्यक्रमको पूरापूर फाइदा उठाएर सबै लाभान्वित हुनसक्छन्।