नेतृत्व लिने निरीक्षकहरू—मण्डली पुस्तक अध्ययन सञ्चालकहरू
१ मण्डली पुस्तक अध्ययन सञ्चालकको रूपमा सेवा गर्न पाउनु योग्य प्राचीन वा सेवकाई सेवकको लागि एउटा विशेष अवसर हो। आफ्नो समूहको आध्यात्मिक आवश्यकता पूरा गर्नु गम्भीर जिम्मेवारी हो। तिनको जिम्मेवारी तीन श्रेणीमा बाँडिएको छ।
२ सुयोग्य शिक्षा: मण्डली पुस्तक अध्ययन सञ्चालकले हरेक हप्ता आफ्नो समूहलाई बुझाउन पूर्ण रूपमा तयारी गरेको हुनुपर्छ। तिनको लक्ष्य, अध्ययन हुँदै गरेको साहित्यको मूल्यांकन बढाउनु हो। आफैले मात्रै टिप्पणी गरी रहनुको सट्टा अध्ययनको मुख्य बुँदाहरू बुझाउन आवश्यकताअनुसार तिनले अरू थप सम्बन्धित प्रश्नहरू छलफल गर्नेछन्। अध्ययनलाई चाखलाग्दो बनाउने र शिक्षा दिने अनि सबै जनालाई छलफलमा भाग लिन लगाउनु तिनले सामना गर्नुपर्ने चुनौती हो। तिनको लक्ष्य सबैलाई आध्यात्मिक तवरमा बलियो बनाउनु, अध्ययनको व्यावहारिक पक्षमाथि जोड दिनु र विचाराधीन विषयवस्तु सबैको मन र हृदयसम्म पुऱ्याउनु हो।—१ थिस्स. २:१३.
३ उपयोगी हेरचाह: मण्डली पुस्तक अध्ययन सञ्चालक “बतासबाट लुक्ने ठाउँ, र आँधी–बेह्रीबाट आड लिने ठाउँ” जस्तै हो। (यशै. ३२:२) तिनी आफ्नो समूहको हेरचाह गर्छन् र कोही निरुत्साहित भएको खण्डमा आध्यात्मिक सहायता पनि दिन्छन्।—इज. ३४:१५, १६; १ थिस्स. २:७, ८.
४ जोसिलो सुसमाचारवाहक काम: आफ्नो समूहका सबै सदस्यहरूलाई क्षेत्र सेवकाईमा पूर्ण रूपमा भाग लिन लगाउन, मण्डली पुस्तक अध्ययन सञ्चालक सतर्क रहन्छन् र व्यावहारिक प्रबन्ध पनि मिलाउँछन्। आफूले सेवकाईको काममा देखाएको नियमितता, उत्सुकता र जोसले अरूलाई पनि असर गर्छ भन्ने कुरा मनमा राख्दै तिनी प्रचारको काममा नेतृत्व लिन्छन्। (कल. ४:१७; २ थिस्स. ३:९) समयको दौडान आफ्नो समूहको हरेक सदस्यसँग तिनी काम गर्ने प्रयत्न गर्छन्। यदि हामी सेवकाईको काममा कुशल प्रचारक र शिक्षक हुन चाहन्छौं भने मण्डली पुस्तक अध्ययन सञ्चालकले हामीलाई मदत गर्न सक्नेछन्।—१ तिमो. ४:१६; २ तिमो. ४:५.
५ हामीलाई आध्यात्मिक र मायालु सहायता दिन तयार हुने यी पुरुषहरूमध्ये वरदान हाम्रो निम्ति आशिष् हो। (१ थिस्स. ५:१४) पुस्तक अध्ययनमा नियमित रूपमा भाग लिनुका साथै सुसमाचार वाहकको काममा पूर्णतया लागेर यहोवाको यो प्रशंसनीय प्रबन्धको मूल्यांकन गर्नसकौं।—हिब्रू १०:२५.