पत्रिकाहरूबारे के भन्ने
प्रहरीधरहरा जन. १
“हालैका वर्षहरूमा खराब काम एकदमै बढेको छ। तपाईंको विचारमा यस्तो दुष्टता रोक्न के गर्नुपर्ला? [जवाफ सुनिसकेपछि रोमी १२:१७ पढ्नुहोस्।] यस पत्रिकामा आज संसारमा दुष्टता व्याप्त हुनुको कारण दिइएको छ। यसबाहेक दुष्टतालाई आखिरमा कसरी हटाइनेछ, त्यो पनि बताइएको छ।”
ब्यूँझनुहोस्! जन. – मार्च
“सबैको आफ्नै घर कहिले होला त्यसबारे म तपाईंलाई बताउन आएको हुँ। तर दुःखलाग्दो कुरा, थुप्रैको घर त के, टाउको लुकाउने ठाउँसमेत छैन। [जवाफ सुनिसकेपछि यशैया ६५:२१, २२ पढ्नुहोस्।] यस पत्रिकामा घरबारविहीन हुनुको कारण छलफल गरिएको छ। साथै, हामीले भर्खरै बाइबलमा पढेको प्रतिज्ञा परमेश्वरले कसरी पूरा गर्नुहुनेछ, त्यो पनि यसमा बताइएको छ।”
प्रहरीधरहरा फेब्रु. १
“जीवन धान्न सबैलाई पैसा चाहिन्छ। तर यहाँ शास्त्रमा बताइएको खतराबाट जोगिनु खाँचो छ भनेर के तपाईं मानिलिनुहुन्छ? [१ तिमोथी ६:१० पढ्नुहोस् र जवाफ पर्खनुहोस्] प्रहरीधरहरा-को यस अंकमा धनसम्पत्तिले निम्त्याउन सक्ने केही खतराहरू र ती खतराबाट कसरी बच्न सकिन्छ, बताइएको छ।
ब्यूँझनुहोस्! जन. – मार्च
“थुप्रै मानिसहरू आफ्नो मुलुकमाथि परमेश्वरको निगाह छ भनेर सोच्छन्। के तपाईंलाई परमेश्वरले कुनै राष्ट्रलाई उँचो र कुनैलाई निचो ठान्नुहुन्छ जस्तो लाग्छ? [घरधनीको जवाफमा चासो देखाउनुहोस्। त्यसपछि प्रेरित १०:३४, ३५ देखाउनुहोस्।] विभिन्न मुलुकका मानिसहरूलाई परमेश्वर कुन दृष्टिले हेर्नुहुन्छ र उहाँबाट निगाह पाउने हो भने हामीले के गर्नुपर्छ, बाइबलका यी पदहरूमा बताइएको छ। [पढ्नुहोस्] यसबारे यसै पत्रिकाको पृष्ठ १४ मा राम्रोसित छलफल गरिएको छ।”