यहोवाका साक्षीहरू—क्रियाशील विश्वास, भाग १: अन्धकारबाट मुक्त
बाइबलअनुसार ज्योति सत्यसित सम्बन्धित छ भने अन्धकार झूटसित सम्बन्धित छ। (भज. ४३:३; यशै. ५:२०) सैतानले हव्वालाई बहकाउँदा संसारमा पहिलो चोटि अन्धकार छायो र अन्ततः त्यसले सम्पूर्ण मानिसजातिलाई घोर अन्धकारमा धकेल्यो। (प्रका. १२:९) यहोवाका साक्षीहरू—क्रियाशील विश्वास, भाग १: अन्धकारबाट मुक्त (अङ्ग्रेजी) भिडियोमा यहोवाका जनहरू आध्यात्मिक अन्धकारबाट कसरी ज्योतितर्फ अघि बढ्न थाले, त्यसको घटनाक्रम देखाइएको छ। (यशै. ६०:१, २) भिडियो हेरेपछि तल दिइएका प्रश्नहरूको जवाफ दिन सक्नुहुन्छ कि?
(१) प्रेषितहरूको मृत्युपछि कसरी घोर अन्धकार छाउन थाल्यो? (२) चर्चहरूले सत्य कुरा सिकाइरहेका छैनन् भनेर बुझ्न मानिसहरूलाई सन् ११०० दशकको सुरुतिर केले मदत गऱ्यो? (३) हेन्री ग्रु र जर्ज स्टोर्स को थिए? (४) चार्ल्स रसलको जीवनमा घटेका के-कस्ता घटनाले तिनमा गहिरो प्रभाव पारेको थियो? (५) भाइ रसल, तिनका बुबा र तिनका केही साथी कसरी बाइबलको अध्ययन गर्थे र धर्मशास्त्रको आधारमा तिनीहरू के-कस्ता निष्कर्षमा पुगे? (६) यो बाइबल अध्ययन समूह किन नेलसन बार्बरको समूहसित गाभियो तर के कारण भाइ रसलले उक्त समूह छोडे? (७) सन् १८७९, जुलाईमा भएको कुन घटनाले गर्दा आध्यात्मिक ज्योतिको नयाँ युग सुरु भयो? (८) त्यसपछि सङ्ख्यामा बढ्दै गइरहेका बाइबल विद्यार्थीहरूले सुसमाचार फैलाउन के गरे? (९) सन् १९१४ भन्दा अघिदेखि नै बाइबल विद्यार्थीहरूले १९१४ मा के हुने आशा गरिरहेका थिए? (१०) भाइ रसलको मृत्युपछि बाइबल विद्यार्थीहरूले के-कस्ता चुनौतीको सामना गरे? (११) भाइ रदरफोर्ड र तिनका साथीहरू जेलबाट छुटेपछि बाइबल विद्यार्थीहरूले के गरे? (१२) यस भिडियोले यहोवाको सङ्गठनप्रतिको तपाईंको कृतज्ञता कसरी बढाएको छ? (१३) बाधा-अडचनको बाबजुद प्रचारकार्यमा जोसिलो भई लागिरहने तपाईंको सङ्कल्पलाई यस भिडियोले कसरी बलियो बनाएको छ? (१४) हाम्रा नातेदार, बाइबल विद्यार्थी र अरूलाई मदत गर्न हामी यो भिडियो कसरी प्रयोग गर्न सक्छौं?
सुरु-सुरुका बाइबल विद्यार्थीहरूले हाम्रो लागि कत्ति बहुमूल्य आध्यात्मिक सम्पदा छोडेर गएका छन्! आध्यात्मिक अन्धकार छाएको संसारमा तिनीहरू साहसी र जोसिला ज्योतिवाहक थिए। हामी पनि तिनीहरूको अनुकरण गर्दै “ज्योतिका सन्तानहरूझैं” चल्न सकौं।—एफि. ५:८.