यहोवाका साक्षीहरू—क्रियाशील विश्वास, भाग २: ज्योति चम्कोस्
सन् १९१९ मा भाइ रदरफोर्ड र तिनका साथीहरू झ्यालखानाबाट रिहा भएपछि बाइबल विद्यार्थीहरूले एउटा ठूलो काम गर्नुपर्ने थियो। यहोवाका साक्षीहरू—क्रियाशील विश्वास, भाग २: ज्योति चम्कोस् (अङ्ग्रेजी) भिडियोमा थुप्रैले बाइबल विद्यार्थीहरूको विरोध गरेको, ती विद्यार्थीहरूले बाइबलको कुरा झन्झनै राम्ररी बुझ्दै गएको र तिनीहरूको विश्वास खारिएको देखाइएको छ। (हितो. ४:१८; मला. ३:१-३; यूह. १५:२०) भिडियो हेरेपछि तल दिइएका प्रश्नहरूको जवाफ दिन सक्नुहुन्छ कि?
(१) सुसमाचार फैलाउन बाइबल विद्यार्थीहरूले कस्ता तरिकाहरू अपनाए? (२) सन् १९३१ र १९३५ को ऐतिहासिक अधिवेशनहरूमा कस्ता घोषणाहरू गरिए? (३) प्रहरीधरहरा (अङ्ग्रेजी), नोभेम्बर १, १९३९ अङ्कको पत्रिकाको विशेषता के थियो? (४) भाइ रदरफोर्डले “सरकार र शान्ति” विषयक भाषण दिइरहेको बेला मेडिसन स्क्वेर गार्डनमा के भयो, बताउनुहोस्। (५) “शान्ति—के यो रहिरहनेछ?” विषयक भाइ नोरको भाषण रोचक हुनुको कारण के हो? (६) यहोवाका साक्षीहरूले प्रचारकार्य फैलाउनको लागि सन् १९४२ मा कस्ता योजनाहरू बनाए? (७) अमेरिका, क्यानाडा र ग्रीसका यहोवाका साक्षीहरूले लडेका केही कानुनी लडाइँबारे बताउनुहोस्। (८) प्रचारकार्य व्यापक रूपमा फैलाउन गिलियड स्कूलले कसरी मदत गऱ्यो? (९) सन् १९४६ मा कुन महत्त्वपूर्ण काम सुरु भयो र किन? (१०) यहोवाका साक्षीहरूले आफ्नो आचरण बाइबल स्तरअनुरूप बनाउन कस्ता कदमहरू चाले? (११) बाइबल सिद्धान्तअनुसार सङ्गठन चलाउन सन् १९७० दशकमा के-कस्ता छाँटकाँट गरिए, व्याख्या गर्नुहोस्। (१२) सबै कुरा यहोवाको नियन्त्रणमा छ र यो सङ्गठन उहाँकै हो भनेर अझै राम्ररी बुझ्न तपाईंलाई यस भिडियोले कसरी मदत गरेको छ? (१३) बाधा-अडचनको बाबजुद प्रचारकार्यमा जोसिलो भई लागिरहने तपाईंको सङ्कल्पलाई यस भिडियोले कसरी बलियो बनाएको छ? (१४) हाम्रा नातेदार, बाइबल विद्यार्थी र अरूलाई मदत गर्न हामी यो भिडियो कसरी प्रयोग गर्न सक्छौं?
दिनहरू बित्दै जाँदा यहोवाका साक्षीहरूको इतिहासमा नयाँ-नयाँ अध्याय थपिंदै छ। सेवाको काममा हामीले गरेको प्रयासबारे रेकर्डले के देखाउँछ? विगतमा हाम्रा भाइबहिनीले गरेजस्तै हामी पनि ‘ज्योति चम्काउने’ काममा जोसका साथ लागिरहौं।—२ कोरि. ४:६.