हर उमेरका मानिसहरूलाई पारिवारिक आनन्द किताब प्रस्तुत गर्नुहोस्
१ क्यालिफोर्नियाका ११ वर्षीय केटोले पारिवारिक आनन्दको रहस्य किताबको लागि यस्तो मूल्यांकन व्यक्त गऱ्यो: “म यसको लागि कृतज्ञ छु र यस्तो राम्रो पुस्तक म अरू परिवारहरूलाई पनि पढ्न प्रोत्साहन दिन्छु। घरमा शान्ति अनि आनन्दसाथ बस्न . . . यस पुस्तकले हाम्रो परिवारलाई मदत गरेको छ।” यो केटाको अनुभवले हर उमेरका मानिसहरूलाई पारिवारिक आनन्द किताब प्रस्तुत गर्न प्रोत्साहित गर्नुपर्ने हो। यहाँ केही सुझाव दिइएका छन् जुन तपाईंले फेब्रुअरी महिनामा क्षेत्र सेवकाईमा प्रयोग गर्न सक्नुहुन्छ।
२ युवायुवतीलाई भेट्दा तपाईं यसो भन्न सक्नुहुन्छ:
▪ “तपाईंकै उमेरका थुप्रैले विवाह गर्न के गर्नुपर्ला भनेर सोचिरहेका छन्। तर तपाईं यसबारे भरपर्दो जानकारी कहाँ पाउन सक्नुहुन्छ? [जवाफ दिने मौका दिनुहोस्।] युवायुवतीहरू अक्सर आफू विवाह गर्न तयार भइसकेको छ वा छैन, पक्का गर्न नसकेको बताउँछन्। यसबारे यो किताबले के भन्छ, म बताउन चाहन्छु।” पारिवारिक आनन्द किताबको पृष्ठ १४ पल्टाउनुहोस् र अनुच्छेद ३ पढ्नुहोस्। त्यसपछि उक्त अध्यायको सबै उपशीर्षक देखाउनुहोस्। किताब प्रस्तुत गर्नुहोस् र फेरि भेट्ने प्रबन्ध मिलाउनुहोस्।
३ छोराछोरी हुनेसित कुरा गर्नुहुँदा यसो भन्न सक्नुहुन्छ:
▪ “छोराछोरी हुर्काउने सम्बन्धमा केही व्यावहारिक निर्देशनहरू के हुन्, हामी तपाईंजस्ता आमाबाबुहरूलाई बताइरहेका छौं। ती निर्देशनहरू यो किताब, पारिवारिक आनन्दको रहस्य-मा एक मुष्ठ गरी प्रस्तुत छन्।” पृष्ठ ५५ पल्टाउनुहोस्। अनुच्छेद १० र त्यसपछि अनुच्छेद ११ को व्यवस्था ६:६, ७ पढ्नुहोस्। अनि अनुच्छेद १२ देखि १६ का छड्के वाक्यहरू देखाउनुहोस्। अनि अझै यसो भन्नुहोस्: “यो किताब पढेर थुप्रैले सफल आमाबाबु बन्ने मदत पाएका छन्। तपाईं पढ्न चाहनुहुन्छ भने यो प्रति तपाईंलाई दिन म खुशी हुनेछु।”
४ पाको व्यक्तिसित कुरा गर्दा यसो भन्न सक्नुहुन्छ:
▪ “म यो किताबबाट २/४ लाइन पढेर सुनाउँछु, त्यसपछि तपाईंलाई कस्तो लाग्यो भन्नुस् है।” पारिवारिक आनन्द, पृष्ठ १६९ को अनुच्छेद १७ का प्रथम दुई वाक्यहरू पढ्नुहोस्। त्यसपछि तिनलाई कस्तो लाग्यो सोध्नुहोस्। किताब प्रस्तुत गर्नुअघि जवाफको आधारमा किताबबाट अरू कुरा गर्न सक्नुहुन्छ।
५ पारिवारिक आनन्द किताब प्रस्तुत गर्नुभएका ठाउँहरूमा फेरि जानुहुँदा बाइबल अध्ययन सुरु गर्ने कोसिस गर्नुहोस्। चाहनुहुन्छ पुस्तिकाको पाठ ८ अथवा ज्ञान पुस्तकको अध्याय १५ बाट अध्ययन थाल्नु बेस हुनसक्छ। त्यतिञ्जेल हर उमेरका मानिसहरूलाई आनन्दित मसीही पारिवारिक जीवन बिताउन मदत गर्ने अथक प्रयास गरौं।