ख्रिष्टियन जीवन
हामीले कमाएको राम्रो नाम कायम राख्न म के गर्न सक्छु?
मानिसहरूले यहोवाका साक्षीहरूको आचरण याद गर्छन्। (१को ४:९) हामी आफैलाई यो प्रश्न सोध्न सक्छौँ, ‘के मेरो बोली अनि व्यवहारले यहोवाको महिमा गर्छ?’ (१प २:१२) यहोवाका साक्षीहरूले वर्षौँदेखि कमाएको असल नाम हामी कुनै हालतमा बदनाम गर्न चाहँदैनौँ।—उप १०:१.
तल दिइएका अवस्थाहरूमा एक जना ख्रिष्टियनले कस्तो प्रतिक्रिया देखाउनुपर्छ र कुन बाइबल सिद्धान्तले मदत गर्छ, लेख्नुहोस्:
बेग्लै धर्म मान्ने व्यक्तिले तपाईँलाई मनपरी गाली गर्दा
तपाईँको लुगाफाटा, सवारीसाधन वा घर लथालिङ्ग हुँदा
स्थानीय नियम अन्यायपूर्ण अनि पालन गर्न गाह्रो जस्तो देखिँदा
लेखन विभागमा सेवा गर्ने अनुसन्धानकर्ताहरूले हाम्रो असल नाम कायम राख्न कस्तो योगदान पुऱ्याउँछन्?
सत्यप्रति प्रेम र आदर बढाउँदै भिडियो हेर्नुहोस् अनि निम्न प्रश्नको जवाफ दिनुहोस्:
सही जानकारी प्रदान गर्न हाम्रो सङ्गठनले गर्ने कस्तो प्रयास तपाईँलाई मन पऱ्यो?