Diboka Tša Tirelo
BEKE E THOMAGO KA OCTOBER 1
10 mets: Ditsebišo tša phuthego le Ditsebišo tše di kgethilwego tše di tšwago go Tirelo ya Rena ya Mmušo. Pego mabapi le tšhemo e sa abjago ka September. Akaretša phihlelo e agago. Kgothaletša bohle go dira boiteko bjo bo feletšego bja go thekga dithulaganyo kgweding ya mafelelo. Šišinya dithero tše pedi tša Phafoga! tšeo di ka swanelago tšhemo ya lefelong leo.
20 mets: “Tšwelang Pele go Ruta ka Ntle le go Nyefiša.” Poledišano le dipontšho. Ka morago ga go hlahloba serapa 2, e-ba le babulamadibogo goba bagoeledi bao ba nago le phihlelo ba bontšha kamoo go ka sepedišwago peeletšo ka gona go motho yo a bontšhago kgahlego ya kgonthe molaetšeng wa Mmušo. Ge e ba motho yoo a tla rata go amogela (di)makasine ka mehla, re tla thabela go ngwala peeletšo e le gore a kgone go amogela dimakasine ka poso. Ge e ba a sa nyake go beeletša, gona neela ditokollo tša morago-rago tša dimakasine gomme o ithapele go boa gore le boledišane ka tsebišo e tšwelago pele ya Mangwalo ao a kgothatšago. Modula-setulo o bolela bohlokwa bja go ba yo a phafogilego ge go sepedišwa peeletšo. Ga go bohlokwa go bolela gore dimakasine di ka hwetšwa ka lebaka le itšego la nako, bjalo ka ngwaga o tee. Peeletšo ya dikgwedi tše tshelelago e swanetše go aga go leboga ga motho molaetša wa Mmušo wo o gatišitšwego ka makasineng le go re thuša go lemoga ge e ba a thabela e le ka kgonthe. Ka morago ga dirapa 3 le 4, e-ba le bagoeledi ba babedi bao ba fišegago ba ahla-ahla kamoo ba tlago go diriša dikeletšo tše ka gona ka October le dikgweding tše di tlago.
15 mets: “Diriša Dibaka tša go Nea Bohlatse Selemo.” Kakaretšo ya sehlogo ka dipotšišo le dikarabo.
Kopelo 195 le thapelo ya go phetha.
BEKE E THOMAGO KA OCTOBER 8
5 mets: Ditsebišo tša phuthego le Ditaba tša Pušo ya Legodimo.
20 mets: Batswadi, le se ke la Befediša Bana ba Lena. Polelo le pontšho, tšeo di theilwego go matlakala 12 le 13 a Phafoga! ya February 8, 1990, le dihlogwana “Go Kgothaletša Ngwana wa Gago Gore a Ikutolle” le “Go Kwešiša tše di Nyakegago tša Bana ba Lego Mengwageng ya Bosoganyaneng le Bokgarebjaneng” ka go kgaolo 11 ya puku ya Bophelo bja Lapa. Gatelela bohlokwa bja gore batswadi ba kwešiše o mongwe le o mongwe wa bana ba bona le go ba thuša go gola moyeng le dilong tše dingwe. Bontšha kamoo batswadi ba retago bana ka gona ka boiteko bja bona bofelong bja thuto ya Beibele. Kgahlego e bontšhwa modirong wa bona wa sekolo ka go ba kgothatša le go ba thuša mafelong ao ba nago le mathata. Modula-setulo o phetha ka go gatelela bohlokwa bja go kgahlegela ngwana pelong ka dinako tšohle.
20 mets: “Fihlelelang Dipelo ka Dithuto tše di Atlegago tša Beibele.” Poledišano ya sehlogo ka dipotšišo le dikarabo. Ge le ahla-ahla dirapa 3 le 5, bontšha kamoo se se ka fetolwago ka gona go ya ka maemo a lefelong leo. Gatelela dintlha tše di swanetšego tokollong ya Morokami ya March 15, 1985.
Kopelo 43 le thapelo ya go phetha.
BEKE E THOMAGO KA OCTOBER 15
10 mets: Ditsebišo tša phuthego le pego ya tša ditšhelete. Akaretša go leboga ga Mokgatlo meneelo, gomme o bolele tebogo ya go leboga thekgo ya tša ditšhelete ya dinyakwa tša phuthego ya lefelong leo. Ka bokopana boledišana le lapa leo le rulaganyetšago go diriša mafelo-beke a tletšego modirong wa tirelo ya tšhemo, le gatelela dithulaganyo tšeo di ka thušago ba bangwe.
17 mets: “Go Aga Ditswalano tša Kgaufsi tša Lapa.” Polelo ka mogolo, batheetši ba tšea karolo. Akaretša dikeletšo ge e le ka seo se ka dirwago lefelong leo go aga dika tša moya dithong tša lapa le go thuša bohle go thabela modiro wa tirelo ya tšhemo.
18 mets: “O Laleletšwa Kopanong ya Selete ya 1990 ya ‘Leleme le le Sekilego!’”—Karolo ya Pele. Boledišana le batheetši ka dirapa 1-15 tša pampiri ya ka gare, gomme o boeletše “Dikgopotšo tša Kopano ya Selete” ka bokopana.
Kopelo 42 le thapelo ya go phetha.
BEKE E THOMAGO KA OCTOBER 22
8 mets: Ditsebišo tša phuthego. Pego mabapi le tšwelopele ya lesolo la peeletšo ya Phafoga!
20 mets: “O Laleletšwa Kopanong ya Selete ya 1990 ya ‘Leleme le le Sekilego!’”—Karolo ya Bobedi. Boledišana le batheetši ka dirapa 16-28 tša pampiri ya ka gare. Gatelela melao ya motheo ya Mangwalo yeo e swanetšego go laola boitshwaro bja rena dikopanong. Kgothaletša banababo rena go boeletša pampiri ya ka gare le barutwana ba Beibele le go ba thuša go rulaganyetša gore ba be gona.
17 mets: “Go Neela Ditaba tše Lokilego—Ka go Boledišana le Batho.” Poledišano ya taba ka dipotšišo le dikarabo. E-ba le dipontšho tše pedi tšeo di lokišeditšwego gabotse go bontšha kamoo go ka thongwago ka gona dipoledišano mojakong le ge go hwetšwa batho ka ntle.
Kopelo 20 le thapelo ya go phetha.
BEKE E THOMAGO KA OCTOBER 29
5 mets: Ditsebišo tša phuthego.
15 mets: Go Rulaganya e sa le Pele Bakeng sa Lethabo la Moya. Molebeledi yo a okamelago o boledišana le batheetši ka dithulaganyo tšeo di swanetšego go dirwa bakeng sa dikgwedi tše di tlago, go akaretša le go ba gona kopanong yeo e abetšwego (marobalo, dithulaganyo tša tša go sepela, nako ya go khutša mošomong, go lokišeletšwa ga kolobetšo ke bao e tlago go ba bakolobetšwa, bjalo bjalo), le bobulamadibogo bja go thuša. Lebaka la matšatši a maikhutšo le dumelela modiro o oketšegilego wo o dirwago ke ba banyenyane bao ba lego maikhutšong. Dira gore se e be selemo seo se ka se kego ya lebalwa ka go rulaganya ka bohlale e sa le bjale.
10 mets: Tše di nyakegago tša phuthego. Goba “Na o tla Tšwela Pele o Sepela Therešong?” Polelo yeo e theilwego go Morokami wa September 1, 1990, matlakala 29-31.
15 mets: Lokišeletša Bodiredi ka November. Ahla-ahla dintlha tše di holago tšeo di ka swanelago go dirišwa tšhemong ya lefelong leo ge go sepedišwa puku ya Dipotšišo tša Bafsa le Dikarabo tše Šomago le ‘Bonang, Dilo ka Moka ke di Dira tše Mpsha’ goba Na o Swanetše go Dumela Boraro Botee? Bontšha kamoo mogoeledi a ka boledišanago le mong wa ntlo ka gona ka bohlokwa bja go bala Beibele. A ka diriša 2 Timotheo 3:16, 17 go bontšha gore Lentšu la Modimo le buduletšwe gomme le a hola, la latelwa ke Johane 17:3 go bontšha mohola o itšego. Kgokaganya mpho ya November.
Kopelo 8 le thapelo ya go phetha.