Diboka tša Tirelo tša September
Beke e Thomago ka September 4
10 mets: Ditsebišo tša phuthego le Ditsebišo tše di kgethilwego go tšwa go Tirelo ya Rena ya Mmušo. Ditaba tša Pušo ya Modimo.
15 mets: “Go Nolofatšwa ga Kopano ya Selete ya 1995.” Pampiri ya ka gare. Polelo e theilwego go dirapa 1-8, e swanetše go swarwa ke molebeledi yo a okamelago. Gatelela mehola e mebotse ya phetogo ya go se be le tirelo ya dijo.
20 mets: “Thuša ba Bangwe Gore ba Ikhole.” Ahla-ahla dithero tšeo di šišintšwego, gomme ka morago o be le dipontšho tše pedi tše kopana.
Kopelo 204 le thapelo ya go phetha.
Beke e Thomago ka September 11
5 mets: Ditsebišo tša phuthego. Pego ya tša ditšhelete.
20 mets: “Go Nolofatšwa ga Kopano ya Selete ya 1995.” Pampiri ya ka gare. Dipotšišo le dikarabo go dirapa 9-19, e swanetše go swarwa ke mongwaledi wa phuthego. Lebiša tlhokomelo lepokising la dikgopotšo mafelelong. Gatelela go diriša bohlale tabeng ya go tla le dijo tšeo di nyakegago feela gotee le dilo tšeo di tswalanego le tšona kopanong.
20 mets: “Ke Dipakane Dife Tšeo le di Beetšego Bana ba Lena?” Dipotšišo le dikarabo. Dira gore mofsa o tee goba ba babedi bao e lego mehlala goba batho ba bagolo bao ba ilego ba hlankela Jehofa go tloga bofseng bja bona ba anege ka bokopana kamoo batswadi ba bona ba ba thušitšego ka gona go kgetha dipakane tša bohlokwa tše di theilwego dikgahlegong tša Mmušo.
Kopelo 187 le thapelo ya go phetha.
Beke e Thomago ka September 18
10 mets: Ditsebišo tša phuthego. Molebeledi yo a okamelago o boeletša modiro wa phuthego wa ngwagola, a nea theto gotee le ditšhišinyo bakeng sa go kaonefatša. Gatelela pakane ya gore bohle ba be gona ka mehla bodireding gomme kudu-kudu o thuše bagoeledi ba sa kolobetšwago go dira se se swanago.
15 mets: “Diriša Dimakasine tša Rena ka mo go Holago.” Polelo e mafolofolo ka molebeledi wa tirelo, yeo e theilwego go dirapa 1 go ya go 13 tša pampiri ya ka gare.
20 mets: “Latelela Bohle ba ba Kgahlegago e le Gore o Hole ba Bangwe.” Ahla-ahla dithero tšeo di šišintšwego bakeng sa maeto a go boela. Ngwanabo rena yo a swarago karolo ye o boledišana le bagoeledi ba babedi goba ba bararo ka seo ba tlago go se bolela gomme ka morago o ba kgopela gore ba bontšhe dithero tša bona.
Kopelo 162 le thapelo ya go phetha.
Beke e Thomago ka September 25
5 mets: Ditsebišo tša phuthego.
15 mets: “Dirang Dilo Tšohle Gore Modimo a Tumišwe.” Polelo le poledišano gotee le batheetši ka mogolo. Ge nako e dumela, nea ditlhaloso tše oketšegilego tšeo di theilwego go Morokami wa August 15, 1992, matlakala 15-20.
10 mets: “Go Hlahlobja ke Jehofa—Ke ka Baka La’ng e le mo go Holago?” Polelo e kgothatšago ka mogolo.
15 mets: “Diriša Dimakasine tša Rena ka mo go Holago.” Boledišana le batheetši ka dirapa 14 go ya go 17 tša pampiri ya ka gare. Gatelela gore go dirwe boiteko bjo bo kgethegilego bja go aba Morokami le Phafoga! ka October. Ka ge dimakasine di gatišwa ka maleme a fapa-fapanego, re swanetše go tsebiša batho ba ba bolelago leleme le šele gore re ka kgona go ba tlišetša dimakasine ka leleme la gabo bona ka mehla. Tšhemong yeo e šongwago leboelela, go aba dimakasine tša rena e ka ba tsela e atlegago kudu ya go hlagolela kgahlego ka ge di nea tsebišo e mpsha beke le beke. Dira gore sehlopha sa lapa se bontšhe lenaneo la tlwaetšo ka ge go hlalositšwe serapeng sa 14. Gape, bontšha ditšhišinyo tše dingwe tše di šomago bakeng sa go oketša go sepedišwa ga dimakasine.
Kopelo 193 le thapelo ya go phetha.