Diboka Tša Tirelo Tša October
Beke e Thomago ka October 2
10 mets: Ditsebišo tša phuthego. Ditsebišo tše di Kgethilwego go tšwa go Tirelo ya Rena ya Mmušo.
15 mets: “Retang Jehofa ka Mehla.” Dipotšišo le dikarabo. Gatelela go dirišwa ga ditemana tše di bontšhitšwego le tše di tsopotšwego tša Mangwalo.
20 mets: “Sepediša Dipeeletšo ka Sebaka se Sengwe le se Sengwe.” Ahla-ahla dintlha tše dikgolo, ke moka o boeletše dihlogo tšeo di ka dirišetšwago go tsoša kgahlego peeletšong. Dira dipontšho tša dithero tše pedi goba tše tharo. Ge peeletšo e sa amogelwe, sepediša dimakasine tše pedi. Kgonthišetša gore o tsebiša phuthego ka Letšatši la Dimakasine la kgweding ye gomme o laletše bohle go tšea karolo go lona.
Kopelo 153 le thapelo ya go phetha.
Beke e Thomago ka October 9
10 mets: Ditsebišo tša phuthego. Pego ya tša ditšhelete.
20 mets: “Kopano ya Selete ya ‘Bareti ba Thabilego’ ya 1995.” Kakaretšo ya dipotšišo le dikarabo ya dirapa 1-16.
15 mets: “Na re Dula re Phakgame—Re Phema Ditšhitišo?” Dipotšišo le dikarabo. Ge e ba nako e dumela, hlalosa dintlha tše di oketšegilego tšeo di theilwego go Morokami wa May 1, 1992, matlakala 20-2.
Kopelo 128 le thapelo ya go phetha.
Beke e Thomago ka October 16
10 mets: Ditsebišo tša phuthego. Lebiša tlhokomelo go pukwana ya Good News for All Nations, yeo e neago thero ya ntlo le ntlo ka maleme a 59 a fapanego. Kgothaletša go dirišwa ga pukwana ye ge go gahlanwa le batho ba ba bolelago leleme le šele tšhemong.
20 mets: “Kopano ya Selete ya ‘Bareti ba Thabilego’ ya 1995.” Kakaretšo ya dipotšišo le dikarabo ya dirapa 17-28. Boeletša “Dikgopotšo tša Kopano ya Selete.” Ge e ba nako e dumela, boeletša dintlha ka botlalo tše sepedišanago le taba tše di tšwago go “Go Nolofatšwa ga Kopano ya Selete ya 1995,” tšeo di tšweletšego ka go Tirelo ya Rena ya Mmušo ya September 1995.
15 mets: “Maeto a go Boela a Nago le Morero.” Ahla-ahla dipakane tša rena tša go dira maeto a go boela. Rulaganyetša gore bagoeledi ba ba nago le bokgoni ba bontšhe dithero tše pedi tše di sa swanego.
Kopelo 130 le thapelo ya go phetha.
Beke e Thomago ka October 23
10 mets: Ditsebišo tša phuthego. Ditaba tša Pušo ya Modimo.
15 mets: “Re Nyaka Phuthego.” Dipotšišo le dikarabo.
20 mets: Lebiša Kgahlego go Mokgatlo. Molebeledi wa tirelo o boledišana le bagoeledi ba babedi goba ba bararo, ba diriša poroutšha ya Dihlatse tša Jehofa—Ba Dira Thato ya Modimo ba le Batee Lefaseng ka Moka. Hlalosa lebaka leo ka lona e lego mo go holago go dira gore ba ba thabelago ba tsebe kamoo mokgatlo o šomago ka gona, kamoo mediro e fapa-fapanego e rulaganywago ka gona le kamoo ba ka akaretšwago ka gona. Boeletša dintlha tše di tšwago go matlakala 14 le 15 mabapi le “Diboka tša go Išana Leratong le Medirong e Botse.” Sehlopha se bontšha ka bokopana kamoo taba ye e ka akaretšwago ka gona poledišanong leetong la go boela goba thutong ya Beibele bakeng sa go thuša motho yo a thabelago go lemoga go nyakega ga go ba gona go tšona.
Kopelo 126 le thapelo ya go phetha.
Beke e Thomago ka October 30
10 mets: Ditsebišo tša phuthego. Ka ge matšatši a maikhutšo a lefase a e-tla ka December, kgothaletša bohle go naganišiša ka go ingwadiša e le babulamadibogo ba go thuša. Gatelela go nyakega ga gore bohle ba tliše dipego tša bona tša tirelo ya tšhemo ka pela e le gore di ka romelwa ke mongwaledi go Mokgatlo ka nako e swanetšego.
15 mets: Na o Lekile Batho Bao o Boditšwego ka Bona? Polelo. Bagoeledi ba bangwe ba ile ba kgona go thoma dithuto tše difsa tša Beibele ka tsela ye: Ka morago ga go ithuta le motho yo a thabelago ka lebakanyana, ba botšiša motho yoo ge e ba a tseba motho le ge e le ofe yo mongwe gare ga bagwera ba gagwe, ba leloko goba bao a ba tlwaetšego yo a ka thabelago thuto ya Beibele. Gantši go newa maina a mmalwa. Botšiša ge e ba o ka diriša leina la gagwe ge o etela batho ba. Ge o etela, mo gongwe o ka re: “Semang-mang o thabetše kudu go ithuta Beibele moo a ilego a nagana gore le wena o tla rata go holwa ke lenaneo la rena la thuto e sa lefelelwego ya Beibele.” Se se ka nea lelokelelo le lebotse la maeto a go boela ao a ka fetogago dithuto tše di enywago tša Beibele. Akaretša phihlelo e tee goba tše pedi go tšwa go bagoeledi bao ba hweditšego batho ba ba thabelago goba ba thomilego dithuto tše difsa ka mokgwa wo.
20 mets: Sepediša Puku ya Go Tsoma ga Batho Modimo ka November. Ka ge batho ba bantši ba e-na le Beibele, re nyaka go bontšha lebaka leo ka lona go lego bohlokwa go e bala. Boeletša dintlha tše di lego ka pukung ya Go Boledišana, matlakala 52-4. Bala “Tlhaloso” yeo e hlalosago lebaka leo ka lona Beibele e lego ya bohlokwa gakaakaa. Dira gore mogoeledi yo a nago le bokgoni a bontšhe thero e kopana a diriša ntlha e tee goba tše pedi tše di tšwago go dirapa 2-4 ka pukung ya Go Tsoma ga Batho Modimo, letlakala 367.
Kopelo 138 le thapelo ya go phetha.