Diboka tša Tirelo tša March
Beke e Thomago ka March 2
8 mets:Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. Gopotša bagoeledi gore ba bege tirelo ya bona ya tšhemo ya February ka pela-pela.
15 mets:“Dirang Byalo e bê xo Nkxopola.” Polelo ka mogolo. Ka boripana hlalosa ka puku ya Bodiredi bja Rena go letlakala 80-1, o gatelela bohlokwa bja go ba gona Segopotšong.
22 mets:“Nweletšang Kholofelo ya Bophelo bjo bo sa Felego ka go ba Bangwe.” Poledišano ya sehlogo le batheetši. Hlalosa ka boripana kamoo dipotšišo di ka dirišwago ka gona ka katlego go tšwetša pele poledišano. Nea mehlala e itšego ya dipotšišo tšeo di hlahlago gotee le tše di nyakago pono ya motho ka noši tšeo di ka dirišwago go neeng thero. (Bona Puku ya Tlhahlo ya Sekolo sa Pušo ya Modimo, matlakala 51-2 dirapa 10-12.) Dira gore mogoeledi yo a nago le bokgoni a bontšhe e nngwe ya dithero tša mathomo tše šišintšwego gotee le leeto la go boela, a bontšha thuto ya Beibele e thongwa.
Kopelo 88 le thapelo ya go phetha.
Beke e Thomago ka March 9
8 mets:Ditsebišo tša phuthego. Pego ya tša ditšhelete.
15 mets:Letlolo la Dipotšišo. Dipotšišo le dikarabo. Mogolo o boeletša taba e lego ka pukung ya Bodiredi bja Rena, letlakala 131, dirapa 1 le 2.
22 mets:“Na re tla Dira se Gape?” (Dirapa 1-11) Dipotšišo le dikarabo. Laodiša dintlha tše dikgolo tša lesolo la ngwagola la bobulamadibogo bja go thuša, go etša ge go begilwe ka go 1998 Yearbook, ge e ba e le gona. Bolela palo ya bao e bilego babulamadibogo ba go thuša phuthegong ya gabo lena lebakeng leo. Ahla-ahla gona bjale mehola ya motho ka noši yeo re e hwetšago ka go bula madibogo, gomme o bontšhe kamoo boiteko bjo bjo bo oketšegilego bo kago tlaleletša tšwelopeleng ya phuthego. Bolela dithulaganyo tša tirelo tšeo di rulaganyetšwago phuthego ya gabo lena ka April le May bakeng sa go thuša ba oketšegilego gore ba bule madibogo. Bagoeledi ba ka hwetša dikgopelo ka morago ga seboka.
Kopelo 195 le thapelo ya go phetha.
Beke e Thomago ka March 16
8 mets:Ditsebišo tša phuthego. Laletša bohle bao ba thabelago gore ba be gona polelong e kgethegilego ya phatlalatša ka March 29. Polelo e na le sehlogo se se rego, “Lebaka Leo ka Lona o ka Botago Beibele.”
15 mets:Tšeo di nyakegago tša phuthego.
22 mets:“Na re tla Dira se Gape?” (Dirapa 12-19) Dipotšišo le dikarabo. Boeletša ditshwanelego tšeo di lokeleditšwego ka pukung ya Bodiredi bja Rena, matlakala 113-14. Hlalosa kamoo bobulamadibogo bja go thuša bo lokišeletšago motho bakeng sa tirelo ya bobulamadibogo bja ka mehla. Laletša ba bangwe bao e bilego babulamadibogo ba go thuša gore ba bolele kamoo ba ilego ba rulaganya thulaganyo ya bona gore ba fihlelele diiri tše 60 tše di nyakegago. Ke thulaganyo efe ya mohlala yeo e lego letlakaleng la mafelelo la pampišana ya ka gare yeo e ilego ya ba e holago kudu bakeng sa bona? Ge nako e dumela, laodiša diphihlelo tšeo di lego ka go 1987 Yearbook, matlakala 48-9 le 245-6. Kgothaletša bagoeledi gore ba hwetše dikgopelo ka morago ga seboka.
Kopelo 224 le thapelo ya go phetha.
Beke e Thomago ka March 23
10 mets:Ditsebišo tša phuthego. Kgothaletša bohle gore ba laletše bao ba thabelago gore ba be gona Segopotšong ka April 11. Bontšha kopi ya taletšo, gomme o kgothaletše bohle gore ba hwetše sesola gomme ba thome go di aba bekeng ye. Tsebiša maina ka moka a bao ba bulago madibogo ka April. Hlalosa gore ga se ya hlwa e e-ba ka morago ga nako kudu go ka tliša dikgopelo. Bolela dithulaganyo ka moka tša diboka tša tirelo ya tšhemo tšeo di rulaganyeditšwego bakeng sa April.
20 mets:Lokišeletša ba Bafsa Bakeng sa Tirelo ya Tšhemo. Polelo le poledišano le batheetši. Bao ba swarago thuto ka puku ya Tsebo ba swanetše go naganela go lokišeletša morutwana wa bona gore a be le karolo tirelong ya tšhemo. Bolela seo se boletšwego ka go puku ya Tsebo, matlakala 105-6, serapa 14 le letlakala 179 serapa 20. Boeletša mogato o latelwago wo o lego ka go Morokami wa November 15, 1988, matlakala 16-17, dirapa 7-10, gore bagoeledi ba bafsa ba amogelwe e le bagoeledi ba ba sa kolobetšwago. Ela hloko ditšhišinyo tšeo di lego ka pampiring ya ka gare ya Tirelo ya Rena ya Mmušo ya June 1996 serapa 19, bakeng sa go thuša bagoeledi ba bafsa bao ba sa kolobetšwago gore ba thome tirelong.
15 mets:Holega ka mo go Tletšego go tšwa go 1998 Yearbook. Tate o boeletša matlakala 3-6, 31 le lapa la gagwe, ao a bontšhago tšwelopele ya pušo ya Modimo ya ngwagola. Nagana ka mehola e thabelwago ke lapa ka baka la go bala le go ahla-ahla temana ya letšatši le letšatši le dikarolo tša Yearbook le le gotee dinakong tša dijo, le ikemišeditše go dira se ngwaga ka moka. Ge e ba 1998 Yearbook e se ya hlwa e amogelwa, ahla-ahla tšeo di nyakegago tša phuthego.
Kopelo 47 le thapelo ya go phetha.
Beke e Thomago ka March 30
12 mets:Ditsebišo tša phuthego. Gopotša bohle go tsenya dipego tša bona tša tirelo ya tšhemo tša March. Bontšha ditokollo tša gona bjale tša dimakasine, šišinya gore ke dihlogo dife tšeo o ka di gatelelago ge o di sepediša, gomme o bolele dintlha tše itšego tšeo di ka bolelelwago. Boeletša “Dikgopotšo tša Segopotšo,” gomme o bolele dithulaganyo tša phuthego ya gabo lena tša Segopotšo. Bohle ba swanetše go dira dithulaganyo tša mafelelo gore ba thuše barutwana ba Beibele le ba bangwe bao ba thabelago gore ba be gona. Gopotša bohle gore ba kgonthišetše gore ba latela thulaganyo ya mmalo wa Beibele wa Segopotšo wa April 6-11, go etša ge go bontšhitšwe ka go Go Hlahloba Mangwalo ka Mehla.
13 mets:“Bana—Le Lethabo la Rena!” Dipotšišo le dikarabo. Laodiša phihlelo e tšwago ka go Morokami wa August 1, 1987, letlakala 25.
20 mets:Ditsela tše Dingwe tša go Lwa le go Lapa ga Moya. Bagolo ba babedi ba ahla-ahla lepokisi leo le lego ka go Morokami wa January 15, 1986, letlakala 19. Bakeng sa “Se sengwe le se sengwe sa Dika tša go Lapa,” hlalosa ka Mangwalo kamoo motho a ka holwago ke “Dithušo tša go Kgotlelela.” Ke moka boledišana le bagoeledi ba babedi bao ba bolelago kamoo go diriša dintlha tše bjalo go ilego gwa ba thuša ka gona go kgomarela matla a bona a moya.
Kopelo 140 le thapelo ya go phetha.