Lenaneo La Seboka Sa Tirelo
Beke e Thomago ka November 11
10 mets: Ditsebišo tša phuthego. Ditsebišo tše di kgethilwego go Tirelo ya Rena ya Mmušo. O diriša ditšhišinyo tše di lego go letlakala 8, dira dipontšho tše pedi tša kamoo go ka sepedišwago Morokami wa November 15 le Phafoga! ya December 8. Go e nngwe ya dipontšho, hlalosa kamoo modiro wa rena wa lefaseng ka bophara o thekgwago ka gona ka tša ditšhelete.—Bona letlakala 2 la Morokami goba letlakala 5 la Phafoga!
15 mets: Bathekgi ba Borapedi bja Therešo—Nakong e Fetilego le Gona Bjale. Polelo yeo e theilwego go Morokami wa November 1, 2002, matlakala 26-30.
20 mets: “Thuša Molebeledi wa Gago wa Thuto ya Puku ya Phuthego.”a E swanetše go newa ke mogolo yo e lego molebeledi wa Thuto ya Puku ya Phuthego. Ge o ahla-ahla serapa 3, akaretša ditlhaloso tše di lego go letlakala 70 ka pukung ya Sekolo sa Bodiredi. Reta phuthego bakeng sa ditsela tše lebanyago tšeo ka tšona e thekgago tokišetšo ya thuto ya puku, gomme ka botho o lebiše tlhokomelo dikarolong le ge e le dife tšeo go nyakegago kaonefatšo go tšona.
Kopelo 114 le thapelo ya go phetha.
Beke e Thomago ka November 18
10 mets: Ditsebišo tša phuthego. Pego ya tša ditšhelete. Ditaba tša Pušo ya Modimo.
10 mets: Letlolo la Dipotšišo. Polelo ka mogolo yo a nago le bokgoni.
25 mets: “Dihlogo tša Malapa—Kgomarelang Lenaneo le Lebotse la Moya.” Ka morago ga matseno a makopana ao a theilwego go dirapa 1-3, swara poledišano le batheetši ka dirapa 4-13. Ge nako e dumela, bala dirapa 7, 8, 11 le 12. Boledišana le motswadi o tee goba ba babedi. Ke’ng seo se thušitšego malapa a bona go ba le lenaneo leo le beakantšwego gabotse la mediro ya moya? Se se akareditše maiteko afe? Ba holegile bjang? Phetha ka ditlhaloso tše kopana tšeo di theilwego go serapa 14.
Kopelo 31 le thapelo ya go phetha.
Beke e Thomago ka November 25
10 mets: Ditsebišo tša Phuthego. Banyalani bao ba šomago gotee tirelong ya tšhemo ba dira pontšho ya kamoo go ka dirišwago ditšhišinyo tše di lego go letlakala 8 go sepediša dimakasine tša December 1 le December 8. Monna o sepediša Morokami gomme mosadi o sepediša Phafoga!
15 mets: “Tsebatšang Therešo ka Jesu.”b Akaretša ditlhaloso tše di lego go letlakala 278 ka pukung ya Sekolo sa Bodiredi. Kgothaletša bohle go tla le dipuku tša bona tša go ithuta Sebokeng sa Tirelo sa bekeng e latelago bakeng sa karolo e rego, “Sekolo Seo se re Hlamelago Modiro wa Bohlokwa Kudu.”
20 mets: “Bontšha Kgahlego e Lerato go ‘Dišuana.’” Thoma ka matseno a metsotso e meraro a mabapi le pono ya Jehofa ka dišuana, ao a theilwego go serapa 1 le ka go Insight, Bolumo 1, letlakala 816. O diriša dipotšišo le dikarabo, ahla-ahla sehlogo ka moka. Gatelela ditsela tše di šomago tšeo ba bangwe ba ka neago thušo le kgothatšo. Ge o ahla-ahla dirapa 3-4, akaretša ditlhaloso tše kopana tše di lego go Phafoga! ya October 8, 1995, matlakala 8-9.
Kopelo 142 le thapelo ya go phetha.
Beke e Thomago ka December 2
10 mets: Ditsebišo tša phuthego. Gopotša bagoeledi go iša dipego tša bona tša tirelo ya tšhemo tša November go balebeledi ba bona ba thuto ya puku. Reta bohle bao ba tšerego karolo lesolong la tšhemo e sa abjago. Nea pego ka seo se fihleletšwego gomme o anege tše dingwe tša diphihlelo tše di kgahlišago. Boeletša ka bokopana thero yeo e ka dirišwago ge go sepedišwa puku ya Motho yo a Phagamego Kudu.—Bona Tirelo ya Rena ya Mmušo ya June 1998, letlakala 8.
12 mets: Tše di nyakegago tša phuthego.
23 mets: “Sekolo Seo se re Hlamelago Modiro wa Bohlokwa Kudu.” Poledišano le batheetši yeo e swanetšego go swarwa ke molebeledi wa sekolo. Aga phišego bakeng sa lenaneo le lefsa la sekolo leo le tlago go thoma ka January. Lebiša tlhokomelo dibopegong tše di lego go “Lenaneo la Sekolo sa Bodiredi sa Pušo ya Modimo la 2003,” le le lego pampiring ya ka gare ya Tirelo ya Rena ya Mmušo ya October 2002. Bolela dilo tšeo di nyakegago gore motho a ngwadiše sekolong, bjalo ka ge di boletšwe ka pukung ya Sekolo sa Bodiredi, letlakala 282, gomme o kgothaletše bao ba sa tšwago ba dira bjalo gore ba ngwadiše ge e ba ba swanelega.
Kopelo 127 le thapelo ya go phetha.
[Mengwalo ya tlase]
a Lekanyetša ditlhaloso tša matseno go nako ya ka tlase ga motsotso, gomme o latele ka poledišano ya dipotšišo le dikarabo.
b Lekanyetša ditlhaloso tša matseno go nako ya ka tlase ga motsotso, gomme o latele ka poledišano ya dipotšišo le dikarabo.