Bibilya Mbimbi ya Suku

Yehova wakatuha suma samboti: Bibilya. Bibilya yali na 66 mikanda zitoko. Mazi hamwe weze kulihula momo: Namwahi Bibilya yakeya? Bibilya yali? Phala kutava vihulu vye twakutala momo Bibilya ya katuyuka.

1. Vathu vakasoneka Bibilya, mokonda lya vikhi tuywela tuti mbimbi ya Suku?

40 avathu vakasoneka Bibilya. Yakalumba 1.600 ya mivu. Yakameteka mu muvu wa: 1513 hose Yesu kandi akamoneka. Hukati kava vakasoneka Bibilya kwakakhala tufungula, vakakuta zimbizi na vathu vakwau. Ola mwemomo viose vakasoneka mu Bibilya vyali mu mumuhekha. Namwahi vose vakahasa kukhala na visoka vimuheka? Mukonda Bibilya mukanda wa Suku. (Tanga 1 Tessalonicenses 2:13.) Vayala vakasoneka visoneko vya Suku, “na sikwasu sa zikhono zendi.”a (2 Pedro 1:21) Suku wakahana zikhono ku vayala phala kusoneka visoka vyendi.—2 Timóteo 3:16.

2. Suku wakalumba Bibilya phala voli?

Suku wakalumba Bibilya phala “vathu vose malizu na mbunga yose.” (Tanga Apocalipse 14:6.) Mukonda lya vye, kakwesi mukhanda walififa na Bibilya. Kulinu kumbi vathu vahasa kutanga vyuma vyamboti mu Bibilya mu malizu enzi.

3. Namwahi Yehova akalava Bibilya?

Bibilya ya kahita ku vyuma vinzi vya viha. Mazi kakwesi vye vya kahwinya Yehova kutuha mbimbi yendi. Bibilya vakayisoneka mumikanda kazikali simbu mukutavuka. Amuni mukonda lya vikhi kulinu kumbi twali na Bibilya? Vayala vakakhala na sisola sa mbimbi ya Suku vakalumba zikhono phala kusoneka ku mikanda zikwau. Kukhanda yikwau kwali vamwe vayala, vakalumba zikhono phala kuvisa Bibilya. Mazi kwakakhala vathu vakahana menyu zavu phala kulava Bibilya. Nañgu momo mu mukanda wa Isaías 40:8 yiywela yiti: “Mbimbi ya Suku kayezi kuhwa.”

LILONGI WEKHA

4. Bibilya yiywela kukhanda ya yo akayilumba

Talyenu VIDYU. Ha mwakumana mutangi 2 Timóteo 3:16. Vyelienu kukhanda ya vihulu vye:

VIDYU: Yili Akatuma Kusoneka Bibilya?—Sithimbu (2:48)

• Vayala vakasoneka Bibilya, amuni mukonda lya vikhi tuywela tuti Mbimbi ya Suku?

• Usoka uti Suku yindi akahasa kuhana visoka vyendi ku vathu hanu hose?

5. Vakasola kuvisa Bibilya mazi kavakayiheseli

VIDYU: Avuvu Vakasola Bibilya—Sithimbu (William Tyndale) (6:17)

• Kuziva zikhono vathu vakalumba phala kulava Bibilya, kukuhana sisola sa kutanga? Mukonda lya vikhi?

Tangyenu Salmo 119:97. Vyelienu kukhanda ya sihulu se:

• Vikhi vya kakwasa vathu kuhana mwenyu wavu phala kulombolola Bibilya na kuyihana ku vakwau?

6. Livulu phala vathu vose

Kakwesi mukanda walififa na Bibilya. Bibilya mukanda wali mu malizu enzi vathu vezi kutanga. Tangyenu Atos 10:34, 35. Vyelienu kukhanda ya vihulu vye:

• Mukonda lya vikhi Suku asoli nga Bibilya vayisoneka mu malizu enzi?

• Vyuma viose twaywela kukhanda ya Bibilya, vyahi vya kuwehela sinene?

VIKHI WATUVA

Bibilya Mbimbi ya Suku, endi wakatuma kusoneka phala vathu vose.

Kuzimbuluka

• Bibilya yiti Suku yindi akahana zikhono ku vathu phala kusoneka Bibilya. Avye vilomboloka vikhi?

• Vikhi vikukasumwisa kukhanda ya momo vakakusoneka na kuhana Bibilya?

• Kuti uliva ha usoka zikhono Suku akalumba phala kutuha Bibilya?

KENGA WEKHA

Tanga musendu wa Bibilya mu mikanda zikulu ate linu.

“Como a Bíblia chegou até nós” (Despertai!, novembro de 2007)

Tala vithombo vitatu Bibilya yikahita.

“A incrível história de sobrevivência da Bíblia” (A Sentinela, n.º 4 de 2016)

Tala vithombo vathu vakahita navyu phala mukulombolola Bibilya.

Eles amavam a Bíblia (14:26)

Bibilya vakayisoneka kumikanda zikwau. Kuti ukhala na sili uti Bibilya yali mumuheka?

“A Bíblia foi alterada?” (Mu jw.org)