Masalimo

2 N’chifukwa chiyani anthu a mitundu ina akuchita chipolowe,+

Ndiponso n’chifukwa chiyani mitundu ya anthu ikung’ung’udza za chinthu chopanda pake?+

 2 Mafumu a dziko lapansi aima pamalo awo,+

Ndipo nduna zapamwamba zasonkhana pamodzi mogwirizana.+

Atero kuti alimbane ndi Yehova+ komanso wodzozedwa wake.+

 3 Iwo akunena kuti: “Tiyeni tidule zomangira zawo,+

Ndipo titaye zingwe zawo kutali ndi ife!”+

 4 Iye wokhala kumwamba+ adzaseka,

Yehova adzawanyodola.+

 5 Pa nthawiyo, adzawalankhula mu mkwiyo wake,+

Adzawasokoneza ataipidwa kwambiri.+

 6 Ndipo adzanena kuti: “Inetu ndakhazika mfumu yanga+

Pa Ziyoni,+ phiri langa lopatulika.”+

 7 Ndinene za lamulo la Yehova.

Iye wandiuza kuti: “Iwe ndiwe mwana wanga,+

Lero, ine ndakhala bambo ako.+

 8 Tandipempha,+ ndipo ndikupatsa mitundu ya anthu kukhala cholowa chako,+

Ndikupatsa dziko lonse lapansi kukhala lako.+

 9 Mitunduyo udzaiswa ndi ndodo yachifumu yachitsulo,+

Udzaiphwanya ngati mbiya yadothi, n’kukhala zidutswazidutswa.”+

10 Tsopano inu mafumu, sonyezani kuzindikira,

Lolani kuti maganizo anu akonzedwe, inu oweruza a dziko lapansi.+

11 Tumikirani Yehova mwamantha.+

Kondwerani ndipo nthunthumirani.+

12 Psompsonani mwanayo+ kuopera kuti Mulungu angakwiye,

Ndipo mungawonongeke ndi kuchotsedwa panjirayo.+

Pakuti mkwiyo wake umatha kuyaka mofulumira.+

Odala ndi onse amene akuthawira kwa iye.+