Deuteronomo

32 “Tamverani kumwamba inu, ndiloleni ndilankhule.

Ndipo dziko lapansi limve mawu a pakamwa panga.+

 2 Malangizo anga adzagwa ngati mvula,+

Mawu anga adzatsika ngati mame,+

Ngati mvula yowaza pa udzu,+

Ngatinso mvula yamphamvu pazomera.+

 3 Pakuti ndidzalengeza dzina la Yehova.+

Vomerezani ukulu wa Mulungu wathu!+

 4 Iye ndi Thanthwe, ndipo ntchito yake ndi yangwiro,+

Njira zake zonse ndi zolungama.+

Mulungu wokhulupirika,+ amene sachita chosalungama.+

Iye ndi wolungama ndi wowongoka.+

 5 Iwo achita okha zinthu zowawonongetsa,+

Si ana ake, chilemacho n’chawo.+

Iwo ndiwo m’badwo wopotoka maganizo ndi wokhotakhota!+

 6 Kodi mukupitiriza kuchitira Yehova mwa njira imeneyi,+

Anthu opusa ndi opanda nzeru inu?+

Kodi iye si Atate wanu amene anakulengani,+

Amene anakupangani ndi kukuchititsani kukhazikika?+

 7 Kumbukirani masiku akale,+

Ganizirani zaka za mibadwomibadwo ya m’mbuyomu.

Funsa bambo ako ndipo akuuza,+

Amuna achikulire pakati panu, ndipo akufotokozera.+

 8 Pamene Wam’mwambamwamba anapereka cholowa kwa mitundu,+

Pamene analekanitsa ana a Adamu,+

Anaika malire a anthu+

Poganizira chiwerengero cha ana a Isiraeli.+

 9 Pakuti gawo la Yehova ndilo anthu ake.+

Yakobo ndiye gawo la cholowa chake.+

10 Anam’peza m’dziko lachipululu,+

M’chipululu chopanda kanthu, molira zilombo zakutchire.+

Pamenepo anayamba kum’zungulira,+ kum’samalira,+

Kum’teteza monga mwana wa diso lake.+

11 Monga mmene chiwombankhanga chimagwedezera mwamphamvu chisa chake,

Mmene chimaulukira pamwamba pa ana ake,+

Mmene chimatambasulira mapiko ake, ndi kutenga anawo,

N’kuwanyamula pamapiko ake,+

12 Yehova yekha anapitiriza kumutsogolera,+

Ndipo panalibe mulungu wachilendo kuwonjezera pa iye.+

13 Anapitiriza kumuyendetsa pamapiri a dziko lapansi,+

Moti anadya zokolola za m’minda.+

Anapitirizanso kumudyetsa uchi wochokera m’thanthwe,+

Ndi mafuta ochokera m’mwala wa nsangalabwi.+

14 Anamudyetsanso mafuta a mkaka wa ng’ombe ndi mkaka wa nkhosa,+

Pamodzi ndi mafuta a nkhosa.

Anamudyetsa nkhosa zamphongo za ku Basana, mbuzi zamphongo,+

Pamodzi ndi tirigu wabwino koposa ngati mafuta okuta impso.+

Ndipo anali kumwa magazi a mphesa monga vinyo.+

15 Yesuruni*+ atayamba kunenepa, anayamba kupanduka.+

Iwe wanenepa, wakulupala, wakhuta mopitirira muyezo.+

Pamenepo iye anasiya Mulungu amene anam’panga,+

Ndi kunyoza Thanthwe+ la chipulumutso chake.

16 Anayamba kuputa nsanje+ yake ndi milungu yachilendo.+

Anapitiriza kumukhumudwitsa ndi zinthu zonyansa.+

17 Iwo anali kupereka nsembe kwa ziwanda, osati kwa Mulungu.+

Anapereka nsembe kwa milungu imene sanaidziwe,+

Milungu yatsopano yongobwera kumene,+

Imene makolo anu akale sanaidziwe.

18 Munaiwala Thanthwe limene linakuberekani,+

Ndipo munayamba kuiwala Mulungu amene anachititsa kuti mukhalepo kudzera mwa zowawa za pobereka.+

19 Yehova ataona zimenezi anayamba kuwanyoza,+

Chifukwa chakuti ana ake aamuna ndi aakaziwo anam’sautsa.

20 Choncho iye anati, ‘Ndiwabisire nkhope yanga,+

Ndione kuti ziwathera bwanji.

Pakuti iwo ndi m’badwo wokonda zoipa,+

Ana osakhulupirika.+

21 Iwo andichititsa nsanje ndi milungu yachabe.+

Andisautsa ndi mafano awo opanda pake.+

Ndipo ine ndidzawachititsa nsanje ndi anthu achabe,+

Ndidzawakhumudwitsa ndi mtundu wopusa.+

22 Pakuti pa kukwiya kwanga moto wayaka,+

Ndipo udzayaka mpaka kukafika ku Manda,* malo a pansi penipeni.+

Udzanyeketsa dziko lapansi ndi zipatso zake,+

Ndi kuyatsa maziko a mapiri.+

23 Ndidzawonjezera masoka awo,+

Mivi yanga ndidzaithera pa iwo.+

24 Adzalefuka ndi njala+ ndi kuwonongeka ndi matenda otentha thupi koopsa,+

Ndi chiwonongeko chowawa.+

Ndidzawatumizira zilombo za mano ataliatali,+

Pamodzi ndi njoka zapoizoni za m’fumbi.+

25 Kunja lupanga lidzawasandutsa anamfedwa,+

Ndipo mkati mwa nyumba, mantha adzawasandutsa anamfedwa.+

Zimenezi zidzawaphera anyamata ndi anamwali,+

Mwana woyamwa pamodzi ndi munthu wa imvi.+

26 Ndikananena kuti: “Ndidzawabalalitsa,+

Ndidzachititsa anthu kuti asatchule n’komwe za iwo,”+

27 Ngati ndikanati sindikuopa kusautsidwa ndi mdani,+

Kuti adani awo angamve molakwa,+

Kutinso anganene kuti: “Dzanja lathu lapambana,+

Ndipo si Yehova amene wachita zonsezi.”+

28 Pakuti iwo ndi mtundu wopanda nzeru,+

Ndipo ndi osazindikira.+

29 Akanakhala anzeru,+ akanaganizira mozama zimenezi.+

Akanalingalira kuti ziwathera bwanji.+

30 Kodi munthu mmodzi angathamangitse bwanji anthu 1,000,

Kapena anthu awiri angapitikitse bwanji anthu 10,000?+

N’zosatheka, pokhapokha Thanthwe lawo litawagulitsa,+

Komanso ngati Yehova atawapereka.

31 Pakuti thanthwe lawo silofanana ndi Thanthwe lathu,+

Ndipo adani athu angavomereze zimenezi.+

32 Mtengo wawo wa mpesa ndi wochokera ku mtengo wa mpesa wa ku Sodomu,

Ndi kuminda ya m’mapiri a ku Gomora.+

Zipatso zawo za mphesa ndi zakupha,

Ndipo ndi zowawa.+

33 Vinyo wawo ndi poizoni wa njoka zikuluzikulu,

Ndiponso ndi poizoni wakupha wa mamba.+

34 Kodi sindinasunge zimenezi,

Ndi kuziikira chidindo m’nkhokwe yanga?+

35 Kubwezera ndi kwanga, chilangonso ndi changa.+

Pa nthawi yoikidwiratu phazi lawo lidzaterereka poyenda,+

Pakuti tsiku la tsoka lawo layandikira,+

Ndipo zowagwera zikufika mofulumira.’+

36 Pakuti Yehova adzaweruza anthu ake,+

Ndipo adzamva chisoni chifukwa cha atumiki ake,+

Chifukwa adzaona kuti thandizo lawachokera.

Adzaona kuti pangokhala munthu wonyozeka ndi wopanda pake.

37 Pamenepo iye adzati, ‘Ili kuti milungu yawo,+

Thanthwe limene anathawirako,+

38 Milungu imene inali kudya mafuta a nsembe zawo,+

Ndi kumwa vinyo wa nsembe zawo zachakumwa?+

Ibwere kudzakuthandizani.+

Ikhaletu malo anu obisalamo.+

39 Onani tsopano kuti ndine Mulungu,+

Ndipo palibe milungu ina pamodzi ndi ine.+

Ndimapha ndiponso ndimapereka moyo.+

Ndavulaza koopsa,+ ndipo ine ndidzachiritsa,+

Palibe aliyense wonditsomphola m’dzanja langa.+

40 Ndikukweza dzanja langa kumwamba polumbira,+

Ndipo ndikunena kuti: “Pali ine, Mulungu wamoyo wosatha,”+

41 Ndikanoladi lupanga langa lonyezimira,+

Dzanja langa likagwira chiweruzo,+

Ndidzalipsira adani anga,+

Ndipo ndidzabwezera chilango kwa odana nane kwambiri.+

42 Ndidzaledzeretsa mivi yanga ndi magazi,+

Magazi a anthu ophedwa ndi ogwidwa.

Ndipo lupanga langa lidzadya nyama,+

Pamodzi ndi mitu ya atsogoleri a adani.’+

43 Kondwerani, mitundu inu, pamodzi ndi anthu ake,+

Pakuti adzabwezera magazi a atumiki ake,+

Ndipo adzabwezera chilango kwa adani ake,+

Nadzaphimba machimo a dziko la anthu ake.”