Masalimo

35 Weruzani mlandu wanga inu Yehova, motsutsana ndi adani anga.+

Menyani nkhondo ndi kugonjetsa amene akumenyana ndi ine.+

 2 Tengani chishango chaching’ono ndi chishango chachikulu,+

Ndipo bwerani kuti mundithandize.+

 3 Tengani mkondo ndi nkhwangwa ya pankhondo kuti mukumane ndi anthu amene akundilondalonda.+

Uzani moyo wanga kuti: “Ine ndine chipulumutso chako.”+

 4 Amene akufunafuna moyo wanga achite manyazi ndi kunyozeka.+

Amene akundikonzera chiwembu muwabweze ndipo athedwe nzeru.+

 5 Akhale ngati mankhusu ouluzika ndi mphepo,+

Mngelo wa Yehova awapitikitse.+

 6 Njira yawo ikhale ya mdima ndi yoterera,+

Ndipo mngelo wa Yehova aziwathamangitsa.

 7 Iwo andikumbira mbuna popanda chifukwa ndi kuikapo ukonde,+

Akumba mbunazo kuti ndigweremo ngakhale kuti sindinalakwe.+

 8 Awonongeke pamene iwo sakuyembekezera,+

Akodwe mu ukonde umene atchera okha.+

Agweremo ndi kuwonongeka.+

 9 Koma moyo wanga ukondwere mwa Yehova.+

Usangalale chifukwa cha chipulumutso chake.+

10 Ndinene ndi mtima wanga wonse kuti:+

“Inu Yehova, ndani angafanane ndi inu,+

Amene mumalanditsa wosautsika m’manja mwa munthu wamphamvu kuposa iyeyo,+

Amene mumalanditsa wozunzika ndi wosauka m’manja mwa munthu amene akumulanda zinthu zake?”+

11 Mboni zachiwawa zimaimirira.+

Zimandifunsa zinthu zimene sindikudziwa.+

12 Adani anga amandibwezera zoipa m’malo mwa zabwino,+

Ndipo ndimakhala wachisoni ngati wofedwa.+

13 Iwo akadwala ndinali kuvala chiguduli,+

Ndinali kusautsa moyo wanga mwa kusala kudya.+

Ndipo mapemphero anga anali kubwerera kwa ine osayankhidwa.+

14 Chifukwa cha mnzanga ndiponso m’bale wanga,+

Ndinamva chisoni kwambiri ngati munthu wolira maliro a mayi ake.+

Ndinawerama chifukwa cha chisoni.

15 Atandiona ndikuyenda motsimphina anasangalala ndipo anasonkhana pamodzi.+

Anasonkhana pamodzi kuti alimbane nane.+

Anandimenya pamene sindinali kuyembekezera.+

Anandikhadzulakhadzula ndipo sanakhale chete.+

16 Anthu ampatuko amene anali kunditonza kuti apeze kachakudya,+

Anandikukutira mano.+

17 Inu Yehova, kodi mudzayang’anira zimenezi kufikira liti?+

Ndipulumutseni kwa anthu ofuna kundiwononga,+

Pulumutsani moyo wanga+ ku mikango yamphamvu.

18 Ndidzakutamandani mu mpingo waukulu.+

Ndidzakutamandani pakati pa anthu ambiri.+

19 Musalole kuti anthu amene amadana ndi ine popanda chifukwa akondwere ndi kusautsika kwanga.+

Ndipo musalole kuti anthu amene amandida popanda chifukwa anditsinzinire diso.+

20 Iwo salankhula mawu amtendere,+

Koma amakonzera chiwembu anthu ofatsa a padziko lapansi,

Kuti awachitire zachinyengo.+

21 Amatsegula kwambiri pakamwa pawo kuti atsutsane nane.+

Iwo amati: “Eya! Eya! Tadzionera tokha.”+

22 Inu Yehova, mwaona zimenezi+ ndipo musakhale chete.+

Musakhale patali ndi ine, inu Yehova.+

23 Nyamukani ndi kukhala maso kuti mundichitire chilungamo,+

Chitani zimenezi inu Mulungu wanga Yehova, kuti muweruze mlandu wanga.+

24 Inu Yehova Mulungu wanga, mundiweruze mogwirizana ndi chilungamo chanu,+

Musalole kuti adani anga akondwere ndi kusautsika kwanga.+

25 Musalole kuti mumtima mwawo anene kuti: “Eya! Izi ndi zimene timafuna.”+

Ndipo asanene kuti: “Tamumeza.”+

26 Onse amene akukondwera ndi tsoka langa,+

Achite manyazi ndi kuthedwa nzeru.+

Onse odzikweza pamaso panga achite manyazi+ ndi kutsitsidwa.+

27 Onse amene amakonda chilungamo changa afuule mosangalala ndi kukondwera.+

Nthawi zonse azinena kuti:+

“Alemekezeke Yehova, amene amasangalala mtumiki wake akakhala pa mtendere.”+

28 Lilime langa linene chapansipansi za chilungamo chanu,+

Ndipo likutamandeni tsiku lonse.+