Masalimo

95 Bwerani tifuule kwa Yehova mokondwera!+

Iye amene ndi Thanthwe la chipulumutso chathu, timufuulire mosangalala chifukwa wapambana.+

 2 Tiyeni tionekere pamaso pake ndi chiyamiko.+

Tiyeni tiimbe nyimbo zomutamanda ndi kumufuulira mosangalala chifukwa wapambana.+

 3 Pakuti Yehova ndi Mulungu wamkulu,+

Ndiponso ndi Mfumu yaikulu kuposa milungu ina yonse.+

 4 Malo ozama kwambiri a dziko lapansi ali m’manja mwake,+

Mapiri aatali nawonso ndi ake.+

 5 Nyanja imene anapanga ndi yake,+

Iye amenenso anapanga mtunda ndi manja ake.+

 6 Bwerani timuweramire ndi kumupembedza.+

Tiyeni tigwade+ pamaso pa Yehova amene ndiye Wotipanga.+

 7 Pakuti iye ndi Mulungu wathu ndipo ife ndife anthu ake. Iye amatisamalira ngati nkhosa zimene akuweta.+

Lero anthu inu mukamvera mawu a Mulungu,+

 8 Musaumitse mitima yanu monga mmene makolo anu anachitira pa Meriba,+

Monga mmene anachitira pa Masa m’chipululu,+

 9 Pamene makolo anu anandiyesa.+

Iwo anandisanthula, ndipo anaonanso ntchito zanga.+

10 Kwa zaka 40, m’badwo umenewo unali kundinyansa,+

Ndipo ndinati:

“Anthu awa mitima yawo imasochera,+

Ndipo sadziwa njira zanga.”+

11 Kunena za anthu amenewa ndinalumbira mu mkwiyo wanga kuti:+

“Sadzalowa mu mpumulo wanga.”+