Kodi Baibulo Limaloleza Kuthetsa Ukwati?

Yankho la m’Baibulo

Baibulo limaloleza kuthetsa ukwati. Komabe, Yesu anatchula chifukwa chimodzi chokha chovomerezeka chimene chingachititse kuti banja lithe. Iye anati: “Aliyense wosiya mkazi wake n’kukwatira wina wachita chigololo, kupatulapo ngati wamusiya chifukwa cha dama [kugonana ndi munthu amene si mkazi kapena mwamuna wake].”—Mateyu 19:9.

Mulungu amadana ndi anthu amene amathetsa banja lawo mwachinyengo. Iye adzalanga munthu aliyense amene amasiya mwachinyengo mkazi kapena mwamuna wake n’cholinga choti apezenso munthu wina woti akwatirane naye.—Malaki 2:13-16; Maliko 10:9.