Makhalidwe Abwino Kwambiri a Yehova

34:5-7

Mose ankadziwa bwino kwambiri makhalidwe a Yehova ndipo zimenezi zinkamuthandiza kuchita zinthu moleza mtima ndi Aisiraeli. Ifenso tikadziwa bwino makhalidwe a Yehova tikhoza kumachita zinthu mwachifundo ndi Akhristu anzathu.

• “Wachifundo ndi wachisomo”: Yehova amasamalira anthu ake mwachikondi kwambiri komanso amawadera nkhawa ngati mmene makolo amachitira ndi ana awo

• “Wosakwiya msanga”: Yehova amalezera mtima atumiki ake. Iye amawamvetsa akalakwitsa zinthu ndipo amawapatsa nthawi kuti asinthe

• “Wodzaza ndi kukoma mtima kosatha”: Chikondi cha Yehova ndi chokhulupirika moti adzakonda anthu ake mpaka kalekale

DZIFUNSENI KUTI, ‘Kodi ndingatsanzire bwanji chifundo cha Yehova?’