Tunga Abanywani Kurwanisa Eihamba—Oku Baibuli Erikubaasa Kuhwera

Okurwanisa eihamba ekahinduka enshonga nkuru omu nsi yoona omu 2023. Okurwana oku nikubaasa kusingurwa?

• “Eihamba n’okwetaanisa aha bandi n’eby’akabi aha magara gaitu, n’obugwa gye bwaitu,” bikagambwa Dr. Vivek Murthy, omushaho w’okushemeza omuri U.S. Kwonka naayongyeraho ati: “Twine amaani g’okurirwanisa.” Tuta? “Turikuteera entambwe nkye buri izooba kuhamya obunywani bwaitu.”a

Eihamba tiririkureetwa okwetaanisa kyonka. Abamwe nibabaasa kuhurira baine eihamba n’obu barikuba bari omu bantu baingi. Kyona ekirikukureetera kugira eihamba, Baibuli neebaasa kuhwera. Erimu obuhabuzi oburikukora oburikubaasa kutuhwera kurwanisa eihamba turikuhamya obunywani bwaitu.

Emisingye ya Baibuli erikubaasa kuhwera

Ba omuntu orikuhurizana gye n’abandi. Eki tikirikumanyisa okugambira abandi enyehurira zaawe kyonka, beitu naiwe okuba omuhurikiza murungi. Oku orikwongyera kufayo aha bandi, nikwo orikwongyera kugira abanywani barungi.

• Omusingye gwa Baibuli: ‘Orekye kweta aha byawe wenka, kureka oyete n’aha by’abandi.’—Abafilipi 2:4.

Yongyera aha banywani abu oine. Ba oyeteekateekire kunywana abarikukukira nari abu orikukira, nari ab’obukomooko butarikushushana n’obwawe nari ab’amahanga agandi.

• Omusingye gwa Baibuli: “Mushashaanukye.”—2 Abakorinso 6:13.

Okumanya ebirikukiraho aha ku orikubaasa kugira obunywani burungi n’abandi, shoma ekicweka, “Satisfying Our Hunger for Friendship.”