11 NUENƆ

Dana Taɛ

Rom 12:11

TƐƐ̄NYƆƆ: Dana taɛ pya o gaa kɔ ue nɛ tɛ̄maloo esu mɛm kɔā ue.

Nu o gaa kɔ a tɔa a loo. Sɔ̄ o gaa kpɛ̄naloo o nu edoo, kɛɛrɛbu loo kɛ̄ o yere ue kuī doo. Dābeeloo lo ue kaāna mmɛ kɛ̄ o dap kɔ aā bee a.
Kɛɛrɛbu pya o gaa le kɔ ue nɛ. Ɛrɛ ekɛɛrɛ nyɔɔ kɛ̄ nu o buū ale tɔgɛ dɔbiī nɛ pya dɔɔ̄na doo. Kɛɛrɛbu pya sīdee o dap kɔ o ue lo edoo kɔ pya a gaa a gbaɛ̄tɔ̄ a tɔgɛ nia loo.
Yere dum bu o ekɔaue. Su e’agaloo kɔā ue. Su bah a kɔā ue sa sere sī ɛɛbu ale sī biirabu dɛɛa nyɔɔ nu o gaa kɔ.

O aa su aba ziī edoba kɔā ue taā a doo alu edabara ekɛɛrɛ pya a gaa a gbaɛ̄tɔ̄. Doo kɔ o su bah kɔā ue a ɛrɛ nu a kura. Kɔ ue edana taɛ sɔ̄ o tɔgɛ kpog-bee ue le sɔ̄ o gbī ezū pya o gaa kɔ ue nɛ. O aa bialoo doo kɔ dɛ̄dɛɛ̄ o ue a dana taɛ taā a doo o ue mma pya a gaa a gbaɛ̄tɔ̄.