ଆପଣ ବାଇବଲ ବିଷୟରେ କʼଣ ଭାବନ୍ତି?

ବାଇବଲ କʼଣ କହେ

“ସମସ୍ତ ଶାସ୍ତ୍ର ଈଶ୍ୱରନିଶ୍ୱସିତ ଏବଂ ଶିକ୍ଷା, ଅନୁଯୋଗ, ସଂଶୋଧନ ଓ ଧାର୍ମିକତା ସମ୍ବନ୍ଧୀୟ ଶାସନ ନିମନ୍ତେ ଉପକାରୀ ।”—୨ ତୀମଥି ୩:୧୬, BSI ବାଇବଲ ।

ଏହା ଜାଣିବା ଦ୍ୱାରା ଆପଣଙ୍କୁ କʼଣ ଲାଭ ହେବ

ଜୀବନର ଜରୁରୀ ପ୍ରଶ୍ନଗୁଡ଼ିକର ସଠିକ୍‌ ଉତ୍ତର ପାଇବେ ।—ହିତୋପଦେଶ ୨:୧-୫.

ଦୈନନ୍ଦିୟ ଜୀବନରେ ନିର୍ଭରଯୋଗ୍ୟ ଉପଦେଶ ଦିଏ ।—ଗୀତସଂହିତା ୧୧୯:୧୦୫.

ଭବିଷ୍ୟତ ପାଇଁ ପ୍ରକୃତ ଆଶା ଦିଏ ।—ରୋମୀୟ ୧୫:୪.

ଆମେ ପ୍ରକୃତରେ ବାଇବଲରେ ଲିଖିତ ବିଷୟ ଉପରେ ବିଶ୍ୱାସ କରି ପାରିବା କି?

ହଁ, ଆସନ୍ତୁ ଅତି କମ୍‌ରେ ତିନୋଟି କାରଣ ଦେଖିବା:

• ଅତୁଳନୀୟ ସମାନତା । ପ୍ରାୟ ୪୦ଜଣ ଭିନ୍ନ ଭିନ୍ନ ଲୋକ ୧,୬୦୦ ବର୍ଷରୁ ଅଧିକ ସମୟ ଧରି ବାଇବଲକୁ ଲେଖିଥିଲେ । ଅଧିକାଂଶ ଲୋକ କେହି କାହାକୁ କେବେ ଦେଖି ନ ଥିଲେ । ତଥାପି, ସମ୍ପୂର୍ଣ୍ଣ ବାଇବଲର ମୂଳ ବିଷୟରେ ସମାନତା ରହିଛି ଏବଂ ଏହା ଈଶ୍ୱରଙ୍କ ନାମ ଓ ତାହଙ୍କ ଶାସନକୁ ପ୍ରଶଂସା କରେ ।

• ବିଶ୍ୱାସଯୋଗ୍ୟ ଲେଖକ । ପ୍ରାୟ ସାଧାରଣ ଲେଖକମାନେ ନିଜ ଲୋକମାନଙ୍କ ଭୁଲଗୁଡ଼ିକକୁ ଲୁଚାଇ ଥାନ୍ତି । କିନ୍ତୁ, ବାଇବଲର ଲେଖକମାନେ ନିଜ ଓ ନିଜର ଲୋକମାନଙ୍କର ଭୁଲଗୁଡ଼ିକକୁ ଲେଖିଛନ୍ତି ।—୨ ବଂଶାବଳି ୩୬:୧୫, ୧୬; ଗୀତସଂହିତା ୫୧:୧-୪.

• ସତ୍ୟ ଭବିଷ୍ୟବାଣୀ । ପ୍ରାୟ ୨୦୦ବର୍ଷ ପୂର୍ବେ ପ୍ରାଚୀନ କାଳର ବାବିଲନ ନାମକ ଏକ ସହରର ଧ୍ୱଂସ ବିଷୟରେ ଭବିଷ୍ୟବାଣୀ କରା ଯାଇଥିଲା । (ଯିଶାଇୟ ୧୩:୧୭-୨୨) ଏଥିରେ ବାବିଲନ ସହର କିପରି ଧ୍ୱଂସ ହେବ ଏବଂ କେଉଁ ରାଜା ଧ୍ୱଂସ କରିବେ ତାହାଙ୍କ ନାମ ମଧ୍ୟ ଲେଖା ଯାଇଥିଲା ।—ଯିଶାଇୟ ୪୫:୧-୩.

  ଏପରି ବାଇବଲର ଅନେକ ଛୋଟ ବଡ଼ ଭବିଷ୍ୟବାଣୀ ବିସ୍ତାରିତ ଭାବେ ପୂରା ହୋଇଛି । ଈଶ୍ୱରଙ୍କ ବାକ୍ୟରୁ ଏହା ହିଁ ଆମେ ଆଶା କରିବା, ନୁହେଁ କି?—୨ ପିତର ୧:୨୧.