ପ୍ରସାରଣର ଗୀତଗୁଡ଼ିକରୁ ଆପଣ କʼଣ ଶିଖିପାରିବେ ?

ପ୍ରସାରଣର ଗୀତଗୁଡ଼ିକରୁ ଆପଣ କେଉଁ ଗୀତଟିକୁ ସବୁଠାରୁ ବେଶୀ ପସନ୍ଦ କରନ୍ତି ଏବଂ କାହିଁକି ? ଯେତେବେଳେ ଆପଣ ସେହି ଗୀତଗୁଡ଼ିକର ଭିଡିଓ ଦେଖନ୍ତି, କʼଣ ଆପଣଙ୍କୁ ଲାଗେ ଯେ ତାହା ଆପଣଙ୍କ ଜୀବନ ସହ ମେଳ ଖାଏ ? ପ୍ରତ୍ୟେକ ଗୀତର ବିଷୟ ଓ ସଂଗୀତ ଭିନ୍ନ ହୋଇଥାଏ । ତେଣୁ ପ୍ରତ୍ୟେକଙ୍କ ପାଇଁ ଏଥିରେ କିଛି ନା କିଛି ଥାଏ ଏବଂ ସମସ୍ତେ ଏଗୁଡ଼ିକୁ ଶୁଣି ଆନନ୍ଦିତ ହୁଅନ୍ତି । କିନ୍ତୁ ପ୍ରସାରଣର ଗୀତ ଓ ସେଗୁଡ଼ିକର ଭିଡିଓକୁ କେବଳ ଆମ ମନୋରଞ୍ଜନ ପାଇଁ ପ୍ରସ୍ତୁତ କରାଯାଇ ନ ଥାଏ ।

ପ୍ରସାରଣର ପ୍ରତ୍ୟେକ ଗୀତ ଆମକୁ କିଛି ନା କିଛି ଶିଖାଏ, ଯାହା ଆମେ ନିଜ ଜୀବନ ଓ ପ୍ରଚାର କାମରେ ଲାଗୁ କରିପାରୁ । କିଛି ଗୀତ ଅତିଥି ସତ୍କାର, ଏକତା, ମିତ୍ରତା, ସାହସ, ପ୍ରେମ ଓ ବିଶ୍ୱାସ ବିଷୟରେ ହୋଇଥାଏ, ତ ଆଉ କିଛି ଗୀତ ଯିହୋବାଙ୍କ ପାଖକୁ ଫେରି ଆସିବା, କ୍ଷମା କରିବା, ପ୍ରତିଦିନ ବିଶ୍ୱସ୍ତ ରହିବା ଏବଂ ଯିହୋବାଙ୍କ ସେବାରେ ଲକ୍ଷ୍ୟ ରଖିବା ବିଷୟରେ ହୋଇଥାଏ । ଦେଖିବାକୁ ଗଲେ ମୋବାଇଲର ଭାବିଚିନ୍ତି ବ୍ୟବହାର କରିବା ବିଷୟରେ ମଧ୍ୟ ଏକ ଗୀତ ରହିଛି । ଆପଣ ପ୍ରସାରଣର ଗୀତଗୁଡ଼ିକରୁ କʼଣ ଶିଖିଛନ୍ତି ?

ଆଉ କିଛି ଦିନ (ହିନ୍ଦୀ) ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ଭିଡିଓରେ ବୃଦ୍ଧ ଦମ୍ପତି ଭବିଷ୍ୟତର କେଉଁ ଆଶିଷଗୁଡ଼ିକ ବିଷୟରେ ଭାବୁଛନ୍ତି ?—ଆଦି ୧୨:୩

• ଯିହୋବା ନିଜ ପ୍ରତିଜ୍ଞା ନିଶ୍ଚୟ ପୂରଣ କରିବେ ବୋଲି ଆମେ ନିଜ ବିଶ୍ୱାସ କିପରି ବଢ଼ାଇପାରିବା ?

• ଆମେ କେଉଁମାନଙ୍କୁ ପୁଣିଥରେ ଭେଟିବାର ଆଶା ରଖିଛୁ ?

• ଈଶ୍ୱରଙ୍କ ରାଜ୍ୟ ଉପରେ ଦୃଢ଼ ବିଶ୍ୱାସ ହେଲେ ଆମେ ପରୀକ୍ଷାଗୁଡ଼ିକର କିପରି ଧୈର୍ଯ୍ୟର ସହ ସାମନା କରିପାରିବା ?—ରୋମୀ ୮:୨୫