ପ୍ରଚାର ସେବାରେ ଦକ୍ଷତା ବଢ଼ାନ୍ତୁ | ପ୍ରଚାର ସେବାରେ ଆହୁରି ଖୁସି ପାଆନ୍ତୁ
ନିଜ ବାଇବଲ ବିଦ୍ୟାର୍ଥୀଙ୍କୁ ଖରାପ ଅଭ୍ୟାସଗୁଡ଼ିକୁ ଛାଡ଼ିବା ପାଇଁ ଶିଖାନ୍ତୁ
ଯେଉଁମାନେ ଯିହୋବାଙ୍କ ନୈତିକ ମାନଦଣ୍ଡ ମାନନ୍ତି, କେବଳ ସେମାନେ ତାଙ୍କ ସାଙ୍ଗ ହୋଇପାରିବେ । (୧ପିତ ୧:୧୪-୧୬) ଯେତେବେଳେ ବାଇବଲ ବିଦ୍ୟାର୍ଥୀ ନିଜ ଖରାପ ଅଭ୍ୟାସଗୁଡ଼ିକୁ ଛାଡ଼ନ୍ତି, ସେତେବେଳେ ତାଙ୍କ ସ୍ୱାସ୍ଥ୍ୟ ଭଲ ରହିପାରେ, ତାଙ୍କ ପଇସା କମ୍ ଖର୍ଚ୍ଚ ହୋଇପାରେ ଏବଂ ତାଙ୍କ ପରିବାରକୁ ଲାଭ ହୋଇପାରେ ।
ନିଜ ବାଇବଲ ବିଦ୍ୟାର୍ଥୀଙ୍କୁ ବୁଝାନ୍ତୁ ଯେ ଯିହୋବାଙ୍କ ନୈତିକ ମାନଦଣ୍ଡଗୁଡ଼ିକ କʼଣ, ସେ ଆମକୁ ସେସବୁ କାହିଁକି ଦେଇଛନ୍ତି ଏବଂ ସେଗୁଡ଼ିକୁ ମାନିଲେ କʼଣ ଲାଭ ମିଳିବ । ତାଙ୍କୁ ସାହାଯ୍ୟ କରନ୍ତୁ ଯେ ସେ ନିଜ ଚିନ୍ତାଧାରା ବଦଳାଇବେ । ଏପରି କଲେ ସେ ନିଜଠାରେ ପରିବର୍ତ୍ତନ କରିବାକୁ ଲାଗିବେ । (ଏଫି ୪:୨୨-୨୪) ତାଙ୍କୁ ଭରସା ଦିଅନ୍ତୁ ଯେ ଯିହୋବାଙ୍କ ସାହାଯ୍ୟରେ ତାଙ୍କଠାରେ ବର୍ଷ ବର୍ଷରୁ ଯେଉଁ ଖରାପ ଅଭ୍ୟାସ ଅଛି ତାହା ସେ ଛାଡ଼ିପାରିବେ । (ଫିଲିପ୍ ୪:୧୩) ତାଙ୍କୁ ଶିଖାନ୍ତୁ ଯେ ଯେବେ ମଧ୍ୟ ତାଙ୍କୁ ଖରାପ କାମ କରିବା ପାଇଁ ଇଚ୍ଛା ହୁଏ, ସେ ଯିହୋବାଙ୍କୁ ପ୍ରାର୍ଥନା କରିବେ । ତାଙ୍କୁ କହନ୍ତୁ ଯେ କେଉଁ କେଉଁ ପରିସ୍ଥିତିରେ ତାଙ୍କ ଉପରେ ପୁଣି ଖରାପ କାମ କରିବାର ଚାପ ଆସିପାରେ । ତାଙ୍କୁ ପ୍ରୋତ୍ସାହନ ଦିଅନ୍ତୁ ଯେ ସେ ଏପରି କାମ କରିବେ, ଯେଉଁଥିରୁ ତାଙ୍କ ମନ ଖରାପ କାମଠାରୁ ଦୂରେଇ ରହିବ । ଯେତେବେଳେ ବାଇବଲ ବିଦ୍ୟାର୍ଥୀ ଯିହୋବାଙ୍କ ସାହାଯ୍ୟରେ ନିଜକୁ ବଦଳାନ୍ତି, ଆମକୁ ବହୁତ ଖୁସି ଲାଗେ ।
ନିଜ ବାଇବଲ ବିଦ୍ୟାର୍ଥୀଙ୍କୁ ଖରାପ ଅଭ୍ୟାସଗୁଡ଼ିକୁ ଛାଡ଼ିବା ପାଇଁ ଶିଖାନ୍ତୁ ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:
କିପରି ଜଣାପଡ଼େ ଯେ ପ୍ରାଚୀନମାନଙ୍କୁ ଏବଂ ନୀତାଙ୍କୁ ଭରସା ଥିଲା ଯେ ନମ୍ରତା ନିଜ ଖରାପ ଅଭ୍ୟାସ ଛାଡ଼ିପାରିବେ ?
ନୀତା ନମ୍ରତାଙ୍କୁ ସାହାଯ୍ୟ କିପରି କଲେ ?
ନମ୍ରତା ଯିହୋବାଙ୍କ ସାହାଯ୍ୟ କିପରି ନେଲେ ?