ଯିହୋବାଙ୍କଠାରେ ପ୍ରାର୍ଥନା କରନ୍ତୁ

ଯିହୋବା ହିଁ ଲୋକମାନଙ୍କ ହୃଦୟରେ ସତ୍ୟର ବୀଜକୁ ବଢ଼ାନ୍ତି । (୧କରି ୩:୬-୯) ତେଣୁ ଯଦି ଆମେ ଶିଷ୍ୟ କରିବା କାମରେ ସଫଳତା ପାଇବା ପାଇଁ ଚାହୁଁ, ତେବେ ଆମକୁ ତାହାଙ୍କଠାରେ ପ୍ରାର୍ଥନା କରିବା ଉଚିତ୍‌ ।

ଆମେ ଯିହୋବାଙ୍କୁ ନିଜ ବିଦ୍ୟାର୍ଥୀମାନଙ୍କର ସମସ୍ୟାଗୁଡ଼ିକ ବିଷୟରେ ସ୍ପଷ୍ଟ ଭାବେ କହିପାରିବା । ଏବଂ ଏହା ମଧ୍ୟ କହିବା ଯେ ସେ ସାହସ ନ ହରାଇବା ପାଇଁ ତାଙ୍କୁ ସାହାଯ୍ୟ କରନ୍ତୁ । (ଫିଲିପ୍‌ ୧:୯, ୧୦) ଆମେ ସଠିକ୍‌ ଚିନ୍ତାଧାରା ରଖିବା ଓ ସଠିକ୍‌ ପଦକ୍ଷେପ ନେବା ପାଇଁ ପବିତ୍ର ଶକ୍ତି ମାଗିପାରିବା । (ଲୂକ ୧୧:୧୩) ଆମେ ନିଜ ବିଦ୍ୟାର୍ଥୀମାନଙ୍କୁ ପ୍ରାର୍ଥନା କରିବା ପାଇଁ ଶିଖାଇବା ଉଚିତ୍‌ ଓ ସେମାନଙ୍କୁ ପ୍ରାର୍ଥନା କରିବାରେ ପ୍ରୋତ୍ସାହନ ଦେବା ଉଚିତ୍‌ । ତାଙ୍କ ସହିତ ପ୍ରାର୍ଥନା କରିବାବେଳେ ଓ ଏକୁଟିଆ ପ୍ରାର୍ଥନା କରିବାବେଳେ ଆମେ ତାଙ୍କ ନାମ ନେବା ଉଚିତ୍‌ ।

ଶିଷ୍ୟ କରିବା କାମରୁ ଖୁସି ପାଆନ୍ତୁ—ଯିହୋବାଙ୍କ ସାହାଯ୍ୟ ନିଅନ୍ତୁ—ପ୍ରାର୍ଥନା ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ ।

• ନୀତାଙ୍କ ସାମନାରେ କେଉଁ ସମସ୍ୟା ଆସିଲା ?

• ପ୍ରଥମ କରିନ୍ଥୀୟ ୩:୬ ପଦକୁ ଧ୍ୟାନରେ ରଖି ନୀତା କʼଣ କଲେ ?

• ନୀତାର ସମସ୍ୟା କିପରି ଦୂର ହେଲା ?