ୱେବସାଇଟ୍ ବ୍ୟବହାର କରିବା ପାଇଁ ପରାମର୍ଶ
ମୂଖ୍ୟ ପେଜ୍ରେ ଆସିଥିବା ଲେଖାଗୁଡ଼ିକୁ କିପରି ଖୋଜିବା
ଅନେକ ଭାଇଭଉଣୀ ଦେଖିଛନ୍ତି ଯେ jw.org ୱେବସାଇଟ୍ର ମୂଖ୍ୟ ପେଜ୍ରେ ଯେଉଁ ଲେଖାଗୁଡ଼ିକ ବିଷୟରେ କୁହାଯାଏ, ତାହା ପ୍ରଚାର କରିବା ସମୟରେ ବହୁତ ସାହାଯ୍ୟ କରେ । ଏହି ଲେଖାଗୁଡ଼ିକ ବହୁତ ସହଜରେ ଅନ୍ୟମାନଙ୍କୁ ଫୋନ୍ କିମ୍ବା ଟାବଲେଟ୍ରେ ପଠାଯାଇପାରେ । ଏହି ଲେଖାଗୁଡ଼ିକରେ ଅନେକଥର କୁହାଯାଇଥାଏ ଯେ ଆଜି ଘଟୁଥିବା ଘଟଣାଗୁଡ଼ିକରୁ ବାଇବଲରେ ଦିଆଯାଇଥିବା ଭବିଷ୍ୟତବାଣୀଗୁଡ଼ିକ କିପରି ପୂରା ହେଉଛି । ଜଣେ ଭାଇ ଲେଖିଲେ ଯେ ମୂଖ୍ୟ ପେଜ୍ରେ ଆସୁଥିବା ଲେଖାଗୁଡ଼ିକ “ଆଜିକା ସମୟରେ ପ୍ରଚାର କରିବା ପାଇଁ ବିଲକୁଲ୍ ସଠିକ ଅଟେ ।”
କିନ୍ତୁ ମୂଖ୍ୟ ପେଜ୍ରେ ଆସୁଥିବା ଲେଖାଗୁଡ଼ିକ ବଦଳୁଥାଏ । ତାହେଲେ ଆମେ ପୂର୍ବେ ଆସୁଥିବା ଲେଖାଗୁଡ଼ିକ କିପରି ଖୋଜିପାରିବା ଯାହା ଏବେ ଦେଖାଯାଏନି ? ତାʼପାଇଁ jw.org କିମ୍ବା JW ଲାଇବ୍ରେରୀରେ® “ଲାଇବ୍ରେରୀ” ଭାଗରେ କ୍ଲିକ୍ କରନ୍ତୁ, ତାʼପରେ “ଲେଖାଗୁଡ଼ିକର ସିରିଜ୍” ଉପରେ କ୍ଲିକ୍ କରନ୍ତୁ ଓ ସେଥିରେ “ଆଉ କିଛି ବିଷୟ” ଦେଖନ୍ତୁ । ଏହି ଭାଗରେ ଆପଣଙ୍କୁ ଏପରି ଲେଖାଗୁଡ଼ିକ ମିଳିବ ଯାହା jw.org ୱେବସାଇଟ୍ରେ ଦିଆଯାଇଥିଲା ।