¿Ankja da zo go peʼtsihu̱ ʼna miní da poho?

NÚHMA TÉ I MÄ NU̱ BIBLIA

“¡I poho ku̱ i o̱de ro hñä rä Tsi Mähkí Tá ʼne i kjáhu̱kʼa!” (Lucas 11:28, Traducción del Nuevo Mundo.)

ANKJA DA MÖXKÍGIHU̱ GO PÄDIHU̱

Go tötihu̱ kʼa hä ro hmädí (Efesios 5:28, 29).

Di goʼthohu̱ go nkäʼtihu̱ ra zo (Efesios 5:33).

Má go ntsitsihu̱ ra zo (Marcos 10:6-9).

¿I ʼBU̱I YÄ RRASO PA GO ÍHKJIHU̱ KʼA I MÄ NU̱ BIBLIA?

Hä, i ʼbu̱i ndunthi pe nuyá núhma gehya yoho yä rraso:

• Rä Tsi Mähkí Tá bi fu̱htí kʼa ʼme̱tʼo miní. Nu̱ Biblia i mä ge “goʼtho yä miní [...] i peʼtsi ʼna thuhu” po kʼa Tsi Mähkí Tá Jehová (Efesios 3:14, 15). Kʼa i ne da mä gehna: Nu̱ miní i ʼbu̱i xo kʼa Jehová genkʼa bi kjá di ʼmu̱i. ¿Ó ra ndo̱ zo nu̱ i mä nu̱ Biblia?

  Mbeni nuná: Mu̱ gi tsi ʼna hñuni ra ndo̱ nku̱hi, ʼne gi ne gi pädi té i pe̱ui, ¿tó gi ʼyöni? Di pädihu̱ ge gi ʼyöni kʼa tó xi o̱te.

  Po gehna, mu̱ gi ne gi pädi té i ʼbe̱di pa gi peʼtsi ʼna miní da poho, kʼa ra zo gi kjá, gi ʼyöni kʼa Jehová xo genkʼa bi mu̱htí kʼa ʼme̱tʼo miní (Génesis 2:18-24).

• Kʼa Tsi Mähkí Tá i ʼñonfeni po nugohu̱. Ra zo ge nuke ko ri miní gi honíhu̱ yo ntʼsofo kʼa Jehová, xo “gege i ʼñonfeni po nukehu̱” (1 Pedro 5:6, 7). Jehová i ne gi ʼmu̱i ra zo. ʼNe yo ntʼsofo zäi i föxkíhu̱ (Proverbios 3:5, 6; Isaías 48:17, 18).