7 ਪਰ ਯਹੋਵਾਹ ਦੀਆਂ ਨਜ਼ਰਾਂ ਵਿਚ ਏਰ ਦੇ ਕੰਮ ਬੁਰੇ ਸਨ, ਇਸ ਕਰਕੇ ਯਹੋਵਾਹ ਨੇ ਉਸ ਨੂੰ ਜਾਨੋਂ ਮਾਰ ਦਿੱਤਾ। 8 ਇਸ ਲਈ ਯਹੂਦਾਹ ਨੇ ਓਨਾਨ ਨੂੰ ਕਿਹਾ: “ਤੂੰ ਦਿਓਰ ਹੋਣ ਦਾ ਆਪਣਾ ਫ਼ਰਜ਼ ਨਿਭਾ ਕੇ ਆਪਣੇ ਭਰਾ ਦੀ ਪਤਨੀ ਨਾਲ ਵਿਆਹ ਕਰਾ ਅਤੇ ਉਸ ਨਾਲ ਸਰੀਰਕ ਸੰਬੰਧ ਕਾਇਮ ਕਰ ਅਤੇ ਆਪਣੇ ਭਰਾ ਲਈ ਔਲਾਦ ਪੈਦਾ ਕਰ।”*+

5 “ਮੰਨ ਲਓ ਕਿ ਕੁਝ ਭਰਾ ਇਕ-ਦੂਜੇ ਦੇ ਨੇੜੇ ਰਹਿੰਦੇ ਹਨ। ਜੇ ਉਨ੍ਹਾਂ ਵਿੱਚੋਂ ਇਕ ਜਣੇ ਦੀ ਮੌਤ ਹੋ ਜਾਂਦੀ ਹੈ ਅਤੇ ਉਸ ਦਾ ਕੋਈ ਪੁੱਤਰ ਨਹੀਂ ਹੈ, ਤਾਂ ਉਸ ਦੀ ਵਿਧਵਾ ਨੂੰ ਉਸ ਪਰਿਵਾਰ ਤੋਂ ਬਾਹਰ ਕਿਸੇ ਹੋਰ ਆਦਮੀ ਨਾਲ ਵਿਆਹ ਨਹੀਂ ਕਰਾਉਣਾ ਚਾਹੀਦਾ। ਉਸ ਦੇ ਪਤੀ ਦਾ ਭਰਾ ਆਪਣਾ ਫ਼ਰਜ਼ ਨਿਭਾਉਂਦੇ ਹੋਏ ਆਪਣੀ ਭਾਬੀ ਨਾਲ ਵਿਆਹ ਕਰਾਵੇ।+ 6 ਉਸ ਔਰਤ ਤੋਂ ਜਿਹੜਾ ਪਹਿਲਾ ਬੱਚਾ ਪੈਦਾ ਹੋਵੇਗਾ, ਉਹੀ ਉਸ ਦੇ ਮਰ ਚੁੱਕੇ ਭਰਾ ਦੇ ਵੰਸ਼ ਨੂੰ ਅੱਗੇ ਤੋਰੇਗਾ+ ਤਾਂਕਿ ਇਜ਼ਰਾਈਲ ਵਿੱਚੋਂ ਉਸ ਦਾ ਨਾਂ ਨਾ ਮਿਟੇ।*+

11 ਪਰ ਨਾਓਮੀ ਨੇ ਕਿਹਾ: “ਧੀਓ, ਵਾਪਸ ਮੁੜ ਜਾਓ। ਤੁਸੀਂ ਮੇਰੇ ਨਾਲ ਕਿਉਂ ਜਾਣਾ ਚਾਹੁੰਦੀਆਂ ਹੋ? ਤੁਹਾਨੂੰ ਕੀ ਲੱਗਦਾ ਕਿ ਮੈਂ ਅਜੇ ਵੀ ਮੁੰਡੇ ਪੈਦਾ ਕਰ ਸਕਦੀ ਹਾਂ ਜੋ ਤੁਹਾਡੇ ਪਤੀ ਬਣਨ?+

13 ਰਾਤ ਇੱਥੇ ਰਹਿ। ਜੇ ਸਵੇਰੇ ਉਹ ਤੁਹਾਨੂੰ ਛੁਡਾਉਂਦਾ ਹੈ, ਤਾਂ ਵਧੀਆ ਗੱਲ ਹੈ!+ ਪਰ ਜੇ ਉਹ ਤੁਹਾਨੂੰ ਨਹੀਂ ਛੁਡਾਉਂਦਾ, ਤਾਂ ਜੀਉਂਦੇ ਪਰਮੇਸ਼ੁਰ ਯਹੋਵਾਹ ਦੀ ਸਹੁੰ, ਮੈਂ ਆਪ ਤੁਹਾਨੂੰ ਛੁਡਾਵਾਂਗਾ। ਹੁਣ ਇੱਥੇ ਸੌਂ ਜਾ, ਸਵੇਰੇ ਚਲੀ ਜਾਈਂ।”