Revelacion—Un Clave pa Berdadero Felicidad
1 E palabranan di apostel Juan na Revelacion 1:3 ta bon nobo pa nos pasobra e ta conta nos con pa haña felicidad. El a skirbi: “Felis ta esun cu ta lesa na bos haltu i esnan cu ta tende e palabranan di e profecia aki i cu ta warda loke ta pará skirbí den dje.” E buki Revelacion—su gran culminacion ta cerca! a yuda hopi hende haña masha felicidad. Nos tin bon motibu pa ofrec’é na otronan.
2 Lo bo por cuminsá un combersacion cu e pregunta aki:
◼ “Bo ta kere cu tabata e intencion pa comprendé e buki bíblico di Revelacion of e mester a keda semper un misterio? [Permití contesta.] Hopi hende ta compartí bo punto di bista. Tuma nota di loke Bijbel ta bisa na Revelacion 1:3. [Les’é.] Pues por comprendé Revelacion, i e conocimentu cu e ta contené por trece felicidad pa nos. Con esaki ta posibel?” Repasá e pensamentunan den §2 na página 6, i despues bisa: “E publicacion aki ta presentá un consideracion versículo-pa-versículo dje buki di Revelacion. Ta bale la pena pa bo tuma tempu pa les’é. Gustosamente lo mi kier laga e copia aki cu bo.”
3 Ya cu hopi hende ta preocupá tocante percurá pa nan necesidadnan material, esaki lo por lanta un interes:
◼ “Kico bo ta kere nos tin mas mester di dje? [Permití contesta.] Tin hopi hende cu ta convencí cu nos tin mester di mas cosnan material.” Bai na página 73 i repasá e puntonan principal den e cuadro titulá “Materialismo Contra Sabiduria.” Continuá bisando: “Esaki ta mustra cu demasiado énfasis ta ser poné riba cosnan material; nos mester ta mas preocupá tocante nos necesidadnan spiritual. Berdadero conocimentu ta loke nos realmente tin mester. Pero conocimentu tocante kico?” Lesa Juan 17:3 i splica con conocimentu tocante Dios por hiba na bida eterno. Ofrecé pa laga e buki i bolbe bek pa mustra con e ta revelá informacion maraviyoso tocante e propósito di Dios pa satisfacé tur e necesidadnan di humanidad.
4 Ya cu hopi hende ta preocupá tocante e angustia den mundu, lo bo por purba esaki:
◼ “Tur hende cu mi papia cuné ta preocupá tocante e futuro. Algun lider di mundu ta kere cu nos ta na drempel di un era nobo di pas. Kico abo ta pensa tocante esei? [Permití contesta.] Apesar di tur esfuerso di hende, violencia i angustia ta sigui aumentá mundialmente. Bijbel ta revelá e único solucion duradero na e problemanan aki. [Lesa 2 Pedro 3:13. Bai na e plachi na página 302 i splica con e Reino di Dios lo trece pas i siguridad duradero pa e tera aki.] E publicacion aki lo yudá bo mira con abo por ser parti dje sociedad nobo aki di hende cu lo disfrutá di bida eterno bou dje gobernacion di e Reino di Dios.”
5 Si bo topa un hende cu ta ocupá i bo mester ta breve, lo bo por bisa esaki:
◼ “Ya cu bo tin solamente un momento, lo mi kier laga e tratado aki [of artículo di revista] titulá [scoge tratado of artículo apropiado]. Mi ta animá bo pa les’é. E siguiente biaha cu mi pasa aki banda, lo mi kier sa kico bo ta pensa di dje.”
6 Ora di ofrecé nos literatura, duna e doñonan di cas e oportunidad pa mustra nan aprecio dor di contribuí pa cu e costo. Tal dunamentu lo agregá na e felicidad cu nan lo experenciá dor di dicerní e nificacion dje maraviyoso profecianan di Revelacion.—Pro. 3:13.