Help Your Children Get Strong Faith for God

We dey see the kind power wey Jehovah get for the things wey e make. (Ps 19:1-4; 139:14) But for this world wey Satan dey control, people dey talk lie about how life take start. (Ro 1:18-25) Wetin una go do so that all this yeye story no come start to dey grow for una children mind? Na from small pikin you go start to help dem get strong faith for Jehovah. Help dem know sey Jehovah really dey and sey e dey care for dem. (2Co 10:4, 5; Eph 6:16) Know how wetin dem dey learn for school take dey affect how dem dey think. And use the many things wey Jehovah don give us teach dem wetin go touch their mind.​—Pr 20:5; Jas 1:19.

WATCH THIS VIDEO WETIN YOUR MATE TALK—THINGS WEY SHOW SEY GOD DEY. AFTER, ANSWER ALL THIS QUESTION:

• Wetin some people believe about God?

• Wetin dem dey teach you for school?

• Why you believe sey Jehovah really dey?

• How you go take help person believe sey na God make everything?