POAT 4

Bibelvarzh rajcht enleiden

Matäus 22:41-45

TOOPFOTUNK: Moak de Toohiera äare Jedanken reed, ea du eenen Bibelvarsch väaläst.

Denkj doaräwa no, wuarom du dän Bibelvarsch läst. Leid jieda Bibelvarsch soo en, daut diene Toohiera de Iedee vestonen kjennen, waut du met dän Varsch sajen west.

Kjikj doano, waut de Varzh doaver un doahinja sajen. Wan du eenen Bibelvarsch enleitst un kloa moakst, wäa daut sajcht ooda wäa daut Bibelbuak jeschräwen haft, dan moak secha, daut et rajcht es, waut du sajchst.
Bruck de Bibel aus Gott sien Wuat. Wan du met Menschen rätst, waut aun Gott jleewen, dan wies emma doaropp han, daut de Bibel Gott sien Wuat es. Soo woaren dee seenen, daut daut, waut du lieescht, von Gott kjemt.
Moak de aundre to dän Bibelvarsch nieschierich. Stal eene Froag, waut de Bibelvarsch beauntwuaten woat, wies eenen Trubbel, waut met de Help von dän Bibelvarsch to leesen jeit, ooda wies eenen Gruntsauz, waut de Bibelvarsch kloa moaken woat.

Denkj doaräwa no, waut diene Toohiera aul äwa daut Teema un dän Bibelvarsch weeten. Leid uk soonen Bibelvarsch intressaunt en, waut de Toohiera aul kjanen, un halp dee, dän von eene aundre Kaunt to beseenen.